Salmu 65:1-13
Na anademẹtọ hànjitọ lẹ tọn. Ohàn Davidi tọn.
65 Jiwheyẹwhe E, hiẹ wẹ pipà jẹna to Ziọni;+Míwlẹ na nọ de opà he mí do na we lẹ.+
2 Hiẹ Sisètọ odẹ̀ tọn E, dè we wẹ gbẹtọ wunmẹ* lẹpo na nọ wá.+
3 Nuṣiwa ṣie lẹ ko húagbọ́ mi,+Ṣigba, hiẹ nọ jona sẹ́nhẹngba mítọn lẹ.+
4 Ayajẹnọ wẹ mẹhe hiẹ de bo dọ̀n ẹn sẹpọ deweNado nọ nọ̀ awánu towe lẹ mẹ.+
Míwlẹ na tindo pekọ to nudagbe ohọ̀ towe tọn lẹ mẹ,+Yèdọ tẹmpli wiwe towe tọn lẹ.+
5 Hiẹ na yí azọ́n dodo tọn he jiawu lẹ do siọ mí,+Hiẹ Jiwheyẹwhe whlẹngán mítọn tọn E;Hiẹ wẹ yin Jidide mẹlẹpo tọn kaka yì opodo aigba tọn lẹ+Gọna mẹhe tin to fidindẹn to ohù godo lẹ.
6 Hiẹ* hẹn osó lẹ lodo gligli gbọn huhlọn towe dali;Hiẹ* dohuhlọn taun.+
7 Hiẹ* nọ dava ohù he to adán ji lẹ,+Gọna agbówhẹn yetọn he to zingidi ji lẹ po akọta he to bẹwlu mẹ lẹ po.+
8 Ohia towe lẹ na hẹn awuji mẹhe nọ nọ̀ lẹdo he to olá lẹ mẹ;+Hiẹ na hẹn mẹhe tin to whèzẹtẹn-waji kaka yì whèyihọ-waji lẹ nado yí ayajẹ do dawhá.
9 Hiẹ nọ penukundo aigba go,Bo nọ hẹn ẹn dojó taun bọ e nọ de sinsẹ́n susugege tọ́n.*+
Asisa he tọ́n sọn Jiwheyẹwhe dè gọ́ na osin;Hiẹ nọ hẹn jinukun tin-to-aimẹ na gbẹtọ lẹ,+Na mọ wẹ hiẹ wleawuna aigba do.
10 Hiẹ nọ yí osin do yọ̀n owhẹ̀n etọn lẹ bo nọ gbigbá aigba he ko yin jijlo* lẹ;Hiẹ nọ yí jikun ṣẹ́nṣẹ́n do hẹn ẹn bọ̀; hiẹ sọ nọ dona sinsẹ́n etọn lẹ.+
11 Hiẹ nọ yí dagbewà towe ṣinyọ́n na owhe lọ di jẹgbakun de;Ali towe lẹ gọ́ na dona susugege.*+
12 Kanlindugbo danfafa ji tọn lẹ nọ gọfla na amakikọ lẹ,*+Bọ okọ́ta lẹ nọ gọ́ na ayajẹ.+
13 Lẹngbọ lẹ gọ́ kanlindugbo lẹ ji,Bọ jinukun gọ́ agbàdo lẹ pete mẹ.+
Yé nọ dawhá awhàngbigba tọn, mọwẹ, yé nọ to hànji.+
Nudọnamẹ Odò Tọn
^ To paa mẹ, “agbasalan.”
^ To paa mẹ, “Ewọ.”
^ To paa mẹ, “Ewọ.”
^ To paa mẹ, “Ewọ.”
^ To paa mẹ, “bo nọ hẹn ẹn gọfla.”
^ Kavi “owhẹ̀n etọn.”
^ To paa mẹ, “nọ kùn ojó.”
^ To paa mẹ, “nọ to kùnkùn.”
