Salmu 119:1-176

  • Pinpẹn nutọn na ohó Jiwheyẹwhe tọn

    • ‘Nawẹ jọja lẹ gán hẹn ali yetọn do wiweji gbọn?’ (9)

    • “Yẹn yiwanna nuflinmẹ towe” (24)

    • “Ohó towe wẹ todido ṣie” (74, 81, 114)

    • ‘Lehe n’yiwanna osẹ́n towe sọ!’ (97)

    • “N’tindo zinzin hú mẹplọntọ ṣie lẹpo” (99)

    • “Ohó towe wẹ miyọ́ngbán de na afọ ṣie” (105)

    • “Nugbo wẹ ohó towe lẹpo” (160)

    • Jijọho na tin na mẹhe yiwanna osẹ́n towe lẹ (165)

א [Alẹfi] 119  Ayajẹnọ wẹ mẹhe madoblọ* to aliho yetọn ji lẹ,Yèdọ mẹhe nọ zinzọnlin sọgbe hẹ osẹ́n Jehovah tọn lẹ.+   Ayajẹnọ wẹ mẹhe nọ payi nuflinmẹ etọn go lẹ,+Mẹhe nọ yí ahun yetọn lẹpo do dín in lẹ.+   Yé ma nọ yinuwa po mawadodo po;Yé nọ zinzọnlin to aliho etọn lẹ ji.+   Hiẹ ko degbeDọ gbedide towe lẹ ni nọ yin tonusena po sọwhiwhe po.+   Eyin n’gán hẹn tenọgli go*+Nado nọ payi aṣẹdai towe lẹ go wẹ!   Whenẹnu, n’ma na duwinyan+Eyin n’nọ na ayidonugo gbedide towe lẹpo.   Yẹn na nọ yí ahunjijlọ do pà weTo whenue n’plọnnu gando whẹdida dodo towe lẹ go.   Yẹn na nọ payi aṣẹdai towe lẹ go. A gbẹ́ mi dai petepete gbede blo. ב [Bẹti]   Nawẹ jọja sunnu de sọgan hẹn ali etọn do wiweji gbọn? Gbọn ede hihọ́ sọgbe hẹ ohó towe dali.+  10  Ahun ṣie lẹpo wẹ yẹn nọ yí do dín we. A dike n’danbú sọn gbedide towe lẹ kọ̀n blo.+  11  N’nọ yí nuhe a dọ lẹ whlá do ahun ṣie mẹ,+Na yẹn nikaa waylando sọta we.+ 12  Hiẹ ni yin pipà, Jehovah E;Plọn mi aṣẹdai towe lẹ. 13  Yẹn nọ yí nùflo ṣie lẹ do láWhẹdida towe lẹpo. 14  Nuflinmẹ towe lẹ nọ hẹn mi jaya+Hú onú họakuẹ devo depope.+ 15  Yẹn na nọ lẹnayihamẹpọn do* gbedide towe lẹ ji+Bo na nọ ze nukun ṣie lẹ do ali towe lẹ ji.+ 16  Yẹn yiwanna osẹ́ndoai towe lẹ sisosiso. N’ma na wọn ohó towe.+ ג [Gimẹli] 17  Yí homẹdagbe do yinuwa hẹ devizọnwatọ towe,Na yẹn nido nọgbẹ̀ bo nọ payi ohó towe go.+ 18  Hùn nukun ṣie lẹ, na yẹn nido mọNujiawu he tin to osẹ́n towe mẹ lẹ hezeheze. 19  Jonọ tata de wẹ yẹn yin to aigba lọ ji.+ A whlá gbedide towe lẹ do mi blo. 20  Ojlo vẹkuvẹku he n’nọ* tindoNa whẹdida towe lẹ to ojlẹ lẹpo mẹ ko hẹn mi jẹflumẹ. 21  Hiẹ nọ gbẹnuna saklanọ,Yèdọ mẹhodẹ̀do lẹ he danbú sọn gbedide towe lẹ kọ̀n.+ 22  De vlẹko po wangbẹna po sẹ̀ sọn dè e,*Na yẹn ko payi nuflinmẹ towe lẹ go. 23  Eyin ahọvi lẹ tlẹ sinai dopọ bo to hodọ sọta mi,Devizọnwatọ towe nọ to ayihamẹlẹnpọn do* aṣẹdai towe lẹ ji. 24  Yẹn yiwanna nuflinmẹ towe lẹ sisosiso;+Yewlẹ wẹ ayinamẹtọ ṣie lẹ.+ ד [Dalẹti] 25  Yẹn* ko mlọnai pete to kọ́gudu mẹ.+ Hẹn mi dogbẹ̀ sọgbe hẹ ohó towe.+ 26  Yẹn ko dọ aliho ṣie lẹ na we, bọ a ko siọ mi;Plọn mi aṣẹdai towe lẹ.+ 27  Hẹn mi mọnukunnujẹ zẹẹmẹ* gbedide towe lẹ tọn mẹ,Na yẹn nido nọ lẹnayihamẹpọn do* azọ́njiawu towe lẹ ji.+ 28  Awubla ko do amlọnmadọ́ na mi.* Hẹn mi lodo sọgbe hẹ ohó towe. 29  De aliho oklọ tọn sẹ̀ sọn nukọnna mi,+Bo do nukundagbe hia mi gbọn osẹ́n towe gblamẹ. 30  N’ko de aliho nugbonọ-yinyin tọn.+ N’yọnẹn dọ whẹdida towe lẹ wẹ sọgbe. 31  N’nọ tẹdo nuflinmẹ towe lẹ go.+ A dike n’jẹflumẹ* blo,+ Jehovah E. 32  Yẹn na nọ yí jejejininọ do zinzọnlin* sọgbe hẹ gbedide towe lẹ,Na hiẹ dín tẹnmẹ na ẹn to ahun ṣie mẹ* wutu. ה [He] 33  Jehovah E, plọn mi+ nado nọ hodo aṣẹdai towe lẹ,Yẹn nasọ hodo yé kakajẹ vivọnu.+ 34  Na mi nukunnumọjẹnumẹ,Na yẹn nido nọ yìn osẹ́n toweBosọ nọ yí ahun ṣie lẹpo do setonuna ẹn. 35  Deanana mi* gbọn ali gbedide towe lẹ tọn ji, +Na enẹ mẹ wẹ n’nọ mọ awuvivi te. 36  Lẹ́ ahun ṣie hlan nuflinmẹ towe lẹ ji,E ma yin hlan ale ṣejannabi tọn lẹ ji.+ 37  Lẹ́ nukun ṣie sẹ̀ sọn nuhe yin ovọ́ lẹ pinpọn ji;+Hẹn mi dogbẹ̀ nado nọ zinzọnlin to aliho towe ji. 38  Hẹn opagbe he a do* na devizọnwatọ towe di,Na hiẹ nido nọ yin budisi.* 39  De winyan he n’to budina lọ sẹ̀,Na whẹdida towe lẹ yọ́n taun.+ 40  Pọ́n lehe n’tindo ojlo vẹkuvẹku na gbedide towe lẹ do sọ. Hẹn mi dogbẹ̀ sọgbe hẹ dodowiwa towe. ו [Wau] 41  Jehovah E, hiẹ ni do owanyi nugbo towe hia mi,+Yèdọ whlẹngán towe to gbesisọ mẹ hẹ opagbe* towe;+ 42  Whenẹnu, yẹn na gblọnhona mẹhe to vivlẹ mi kò,Na yẹn dejido ohó towe go. 43  A de ohó nugbo sẹ̀ sọn onù ṣie mẹ mlẹnmlẹn blo,Na whẹdida towe mẹ wẹ yẹn ze todido ṣie do.* 44  Yẹn na nọ yìn osẹ́n towe to whepoponu,Yèdọ kakadoi podọ doidoi.+ 45  Yẹn nasọ nọ zinzọnlin pé to hihọ́tẹn* de,+Na yẹn nọ dín gbedide towe lẹ. 46  Yẹn na nọ dọho gando nuflinmẹ towe lẹ go to ahọlu lẹ nukọn,Bọ winyan ma na nọ hù mi.+ 47  N’yiwanna gbedide towe lẹ sisosiso,Mọwẹ, n’yiwanna yé taun.+ 48  Yẹn na nọ dlẹnalọ ṣie lẹ daga hlan gbedide towe lẹ, ehe yẹn yiwanna,+Bo nasọ nọ lẹnayihamẹpọn do* aṣẹdai towe lẹ ji.+ ז [Zayini] 49  Flin ohó* towe he a ko dọna devizọnwatọ towe,Ehe hiẹ yí do na mi todido.* 50  Ehe wẹ miọnhomẹna mi to yajiji ṣie whenu,+Na hodidọ towe wẹ hẹn mi dogbẹ̀. 51  N’ko lẹzun aṣagbọ́nu pete na saklanọ,Ṣogan, n’ma lẹhlan apadopo sọn osẹ́n towe kọ̀n.+ 52  Jehovah E, n’nọ flin whẹdida towe whenu dindẹn die tọn lẹ,+Bọ yé nọ miọnhomẹna mi.+ 53  Adi nọ do mi sinsinyẹn, na mẹylankanHe gbẹkọ osẹ́n towe go lẹ wutu.+ 54  Aṣẹdai towe lẹ wẹ nọ lẹzun ohàn na miTo fidepope he n’te.* 55  Jehovah E, n’nọ flin oyín towe to zánmẹ,+Na yẹn nido nọ yìn osẹ́n towe. 56  Ehe ko lẹzun aṣa ṣie,Na n’nọ payi gbedide towe lẹ go wutu. ח [Hẹti] 57  Jehovah wẹ mimá ṣie;+Yẹn ko dopagbe nado nọ setonuna ohó towe lẹ.+ 58  Ahun ṣie lẹpo wẹ n’nọ yí do vẹ̀ we;*+Do nukundagbe hia mi+ sọgbe hẹ opagbe* towe. 59  N’ko gbeje aliho ṣie lẹ pọ́n,Nado vọ́ afọdide ṣie lẹ lilẹ́ pànta nuflinmẹ towe lẹ.+ 60  Yẹn nọ yawu bo ma nọ dọngbànNado yìn gbedide towe lẹ.+ 61  Okàn mẹylankan tọn lẹ ko lẹdo mi pé,Ṣigba, yẹn ma wọn osẹ́n towe.+ 62  N’nọ fọ́n to zánhomẹ nado dopẹna we+Na whẹdida dodo towe lẹ. 63  Họntọn wẹ mẹhe nọ dibusi we lẹpo yin na miGọna mẹhe nọ yìn gbedide towe lẹ.+ 64  Jehovah E, owanyi nugbo towe gọ́ aigba ji;+Plọn mi aṣẹdai towe lẹ. ט [Teti] 65  Hiẹ ko yinuwa hẹ devizọnwatọ towe to aliho dagbe mẹ,Sọgbe hẹ ohó towe, Jehovah E. 66  Plọn mi zinzin po oyọnẹn po,+Na yẹn ko dejido gbedide towe lẹ go. 67  Whẹpo n’do jiya wẹ n’ko danbú,*Ṣigba todin, n’nọ payi nuhe a dọ lẹ go.+ 68  Hiẹ yọ́n+ bọ azọ́n towe lẹ sọ yọ́n. Plọn mi aṣẹdai towe lẹ.+ 69  Saklanọ nọ to lalodo do go e,Amọ́, yẹn nọ yí ahun ṣie lẹpo do yìn gbedide towe lẹ. 70  Ahun yetọn ko tliji,*+Ṣigba, yẹn yiwanna osẹ́n towe sisosiso.+ 71  E yọ́n dọ n’ko yin yasana,+Na yẹn nido plọn aṣẹdai towe lẹ. 72  Osẹ́n he hiẹ ko lá lọ yọ́n na mi taun,+Hú sika po fataka fọtọ́n susu lẹ po.+ י [Yodi] 73  Alọ towe lẹ wẹ dá mi bo wleawuna mi. Na mi nukunnumọjẹnumẹ,Na yẹn nido nọ plọn gbedide towe lẹ.+ 74  Mẹhe nọ dibusi we lẹ nọ mọ mi bo nọ jaya,Na ohó towe wẹ todido ṣie.*+ 75  Jehovah E, n’yọnẹn dọ dodo wẹ whẹdida towe lẹ+Podọ nugbonọ-yinyin towe wutu wẹ hiẹ do sayana mi.+ 76  Jaale, yí owanyi nugbo towe+ do miọnhomẹna mi,Sọgbe hẹ opagbe he a ko do* na devizọnwatọ towe. 77  Do lẹblanu hia mi, na yẹn nido togbẹ̀ zọnmii,+Na yẹn yiwanna osẹ́n towe sisosiso.+ 78  Gbọ saklanọ lẹ ni duwinyan,Na yé nọ waylan do mi matin whẹwhinwhẹ́n de.* Ṣigba, yẹn na nọ lẹnayihamẹpọn do* gbedide towe lẹ ji.+ 79  Gbọ mẹhe nọ dibusi we lẹ ni lẹkọwa dè e,Yèdọ mẹhe yọ́n nuflinmẹ towe lẹ. 80  Gbọ ahun ṣie ni nọ setonuna aṣẹdai towe lẹ matin oblọ,+Na yẹn nikaa wá duwinyan.+ כ [Kafi] 81  N’tindo* ojlo vẹkuvẹku na whlẹngán towe,+Na ohó towe wẹ todido ṣie.* 82  Nukun ṣie lẹ nọ tindo ojlo vẹkuvẹku na hodidọ towe,+Bọ n’nọ kanse dọ: “Whetẹnu wẹ a ka na miọnhomẹna mi?”+ 83  Na n’ko wá taidi ayúgò he hú to azọ̀ nù,Ṣigba, n’ma wọn aṣẹdai towe lẹ.+ 84  Azán nẹmu wẹ devizọnwatọ towe dona nọte na? Whetẹnu wẹ a na hẹn whẹdida towe wá mẹhe to homẹkẹndo mi lẹ ji?+ 85  Saklanọ lẹ nọ kùn odò lẹ dai na mi,Yèdọ yé mẹhe nọ diọnukunsọ osẹ́n towe. 86  Gbedide towe lẹpo go wẹ yè sọgan dejido. Gbẹtọ lẹ to homẹkẹndo mi matin whẹwhinwhẹ́n de; gọalọna mi!+ 87  Yé ko dibla sukúndona mi sọn aigba ji,Ṣigba, yẹn ma gbẹkọ gbedide towe lẹ go. 88  Hẹn mi dogbẹ̀, na owanyi nugbo towe wutu,Na yẹn nido nọ payi nuflinmẹ he a ko na mi lẹ go. ל [Lamẹdi] 89  Jehovah E, kakadoiWẹ ohó towe na gbọṣi aimẹ to olọn mẹ.+ 90  Nugbonọ-yinyin towe na tin sọn whẹndo de mẹ jẹ devo mẹ.+ Hiẹ ko do aigba ai gligli, na e nido gbọṣi aimẹ zọnmii.+ 91  Gbọn whẹdida towe lẹ dali wẹ yé* do gbọṣi aimẹ kakajẹ egbé,Na devizọnwatọ towe wẹ yemẹpo yin. 92  Eyin n’ma ko yiwanna osẹ́n towe sisosiso wẹ,N’na ko dọ̀n to yajiji ṣie whenu.+ 93  Yẹn ma na wọn gbedide towe lẹ gbede,Na gbọn yewlẹ gblamẹ wẹ hiẹ hẹn mi dogbẹ̀.+ 94  Towe wẹ n’yin; whlẹn mi,+Na n’ko dín gbedide towe lẹ.+ 95  Mẹylankan to tenọpọn mi nado hù mi sudo,Ṣigba, yẹn nọ yí sọwhiwhe do payi nuflinmẹ towe lẹ go. 96  N’ko mọ dogbó pipé-yinyin lẹpo tọn,Ṣigba, gbedide towe ma tindo dogbó.* מ [Memi] 97  Lehe n’yiwanna osẹ́n towe do sọ!+ Azán lọ pete wẹ n’nọ yí do to ayihamẹlẹnpọn* do e ji.+ 98  Gbedide towe nọ hẹn mi yọnnuin hú kẹntọ ṣie lẹ,+Na e tin to dè e kakadoi. 99  N’tindo zinzin hú mẹplọntọ ṣie lẹpo,+Na n’nọ lẹnayihamẹpọn do* nuflinmẹ towe lẹ ji wutu. 100  N’nọ yinuwa po nukunnumọjẹnumẹ po hú mẹhomẹ lẹ,Na n’nọ yìn gbedide towe lẹ wutu. 101  N’gbẹ́ nado nọ zinzọnlin to ali ylankan depope ji,+Na yẹn nido nọ setonuna ohó towe. 102  Yẹn ma lẹhlan apadopo sọn whẹdida towe lẹ kọ̀n,Na hiẹ ko plọn mi wutu. 103  Lehe hodidọ towe lẹ nọ vivi to onù ṣie mẹ do sọ,Yé vivi to onù ṣie mẹ hú owín!+ 104  Gbọn gbedide towe lẹ dali, yẹn nọ yinuwa po nukunnumọjẹnumẹ po.+ Enẹ wẹ zọ́n bọ n’do gbẹwanna ali lalo tọn lẹpo.+ נ [Nuni] 105  Ohó towe wẹ miyọ́ngbán de na afọ ṣie,Podọ hinhọ́n de na ali ṣie.+ 106  N’ko whlé nado nọ payi whẹdida dodo towe lẹ go,Podọ n’na hẹn opà ṣie di. 107  N’ko yin yasana sinsinyẹn.+ Jehovah E, hẹn mi dogbẹ̀ sọgbe hẹ ohó towe.+ 108  Jehovah E, jaale nọ hùnhomẹ do avọ́nunina pipà tọn* he yẹn basi sọn ojlo mẹ wá lẹ go,+Bo nọ plọn mi whẹdida towe lẹ.+ 109  Ogbẹ̀ ṣie nọ tin to owù mẹ* whepoponu,Ṣogan, n’ma wọn osẹ́n towe.+ 110  Mẹylankan ko do omọ̀ na mi,Ṣigba, n’ma danbú sọn gbedide towe lẹ kọ̀n.+ 111  Yẹn nọ yí nuflinmẹ towe lẹ taidi nutindo tẹgbẹ tọn de,*Na ayajẹ ahun mẹ tọn wẹ yé nọ hẹnwa na mi.+ 112  N’ko magbe* nado nọ setonuna aṣẹdai towe lẹTo ojlẹ lẹpo mẹ, kakajẹ opodo. ס [Samẹki] 113  Yẹn gbẹwanna mẹhe ma yin ahundoponọ lẹ,*+Ṣigba, n’yiwanna osẹ́n towe.+ 114  Hiẹ wẹ hihọ́tẹn po awọ̀yinu ṣie po,+Na ohó towe wẹ todido ṣie.*+ 115  Mì nọla na mi, mì mẹylankan lẹ emi,+Na yẹn nido nọ yìn gbedide Jiwheyẹwhe ṣie tọn lẹ. 116  Gọalọna mi dile hiẹ ko dopagbe etọn do,*+Na yẹn nido togbẹ̀ zọnmii;A dike todido ṣie lẹzun flumẹjijẹ* blo.+ 117  Gọalọna mi, na yẹn nido yin whinwhlẹngán;+Whenẹnu, yẹn na nọ na ayidonugo aṣẹdai towe lẹ to whelẹponu.+ 118  Mẹhe nọ danbú sọn aṣẹdai towe lẹ kọ̀n lẹpo wẹ hiẹ nọ gbẹdai,+Na yé nọ yí lalo po oklọ po do yinuwa wutu. 119  Hiẹ nọ bẹ mẹylankan aigba ji tọn lẹpo dlan taidi ayámí tata.+ Enẹwutu wẹ n’do yiwanna nuflinmẹ towe lẹ. 120  Budisi we nọ hẹn agbasa* ṣie sisọ;Yẹn nọ dibuna whẹdida towe lẹ. ע [Ayini] 121  N’ko wà nuhe yin dodo bo sọgbe. A jo mi do alọ kọgbidinamẹtọ ṣie lẹ tọn mẹ blo! 122  Hẹn devizọnwatọ towe deji gando alọgọ towe go;A dike saklanọ gbidikọna mi blo. 123  Agbọ́ ko pé nukun ṣie lẹ na teninọpọn whlẹngán towe+Gọna hẹndi opagbe* dodowiwa towe tọn.+ 124  Do owanyi nugbo towe hia devizọnwatọ towe,+Bosọ plọn mi aṣẹdai towe lẹ.+ 125  Devizọnwatọ towe wẹ n’yin; na mi nukunnumọjẹnumẹ,+Na yẹn nido yọ́n nuflinmẹ towe lẹ. 126  Ojlẹ ko sọ̀ na Jehovah nado yinuwa,+Na yé ko gbàsẹ́n towe. 127  Enẹwutu wẹ yẹn do yiwanna gbedide towe lẹHú sika, etlẹ yin hú sika dagbedagbe.*+ 128  Gbọnmọ dali, yẹn nọ pọ́n anademẹ* he wá sọn dè we lẹpo hlan dọ yé sọgbe;+N’gbẹwanna ali lalo tọn lẹpo.+ פ [Pe] 129  Nuflinmẹ towe lẹ jiawu. Enẹ wẹ zọ́n bọ n’nọ* payi yé go. 130  Ohó towe lẹ didehia nọ namẹ hinhọ́n,+Bo nọ hẹn wunvinọ tindo nukunnumọjẹnumẹ.+ 131  Yẹn kẹ̀ onù ṣie do nùvo bo wẹnazọ̀n,*Na n’tindo ojlo vẹkuvẹku na gbedide towe lẹ wutu.+ 132  Lẹhlan dè e bo do nukundagbe hia mi,+Kẹdẹdile a nọ yinuwa hẹ mẹhe yiwanna oyín towe lẹ do.+ 133  Deanana afọdide ṣie lẹ ganji* gbọn hodidọ towe gblamẹ;Na nuylankan de ni ma duto ji e blo.+ 134  Whlẹn mi* sọn kọgbidinamẹtọ lẹ si,Na yẹn nido nọ yìn gbedide towe lẹ. 135  Hẹn nukunmẹ towe sẹ́* do devizọnwatọ towe ji,+Bo plọn mi aṣẹdai towe lẹ. 136  Dasin nọ to sisà sọn nukun ji na miNa gbẹtọ lẹ ma to osẹ́n towe yìn wutu.+ צ [Tisade] 137  Dodonọ wẹ hiẹ, Jehovah E,+Podọ whẹdida towe lẹ yin dodo.+ 138  Nuflinmẹ towe lẹ yin dodoBo sọgan yin jidedego mlẹnmlẹn. 139  Yẹn nọ gọ́ na zohunhun,+Na kẹntọ ṣie lẹ ko wọn ohó towe lẹ. 140  Hodidọ towe wé-ṣeke,+Bọ devizọnwatọ towe yiwanna ẹn.+ 141  Yẹn ma sọtẹ́n bosọ nọ yin vivlẹko;+Ṣogan, n’ma wọn gbedide towe lẹ. 142  Dodowiwa towe na nọte kakadoi,+Podọ nugbo wẹ osẹ́n towe.+ 143  Mahopọnna dọ n’tin to ayimajai po awufiẹsa po mẹ,N’gbẹ́ yiwanna gbedide towe lẹ sisosiso. 144  Nuflinmẹ dodo tọn towe lẹ na nọte kakadoi. Na mi nukunnumọjẹnumẹ,+ na yẹn nido togbẹ̀ zọnmii. ק [Kọfi] 145  Yẹn yí ahun ṣie lẹpo do dawhá ylọ we. Siọ mi, Jehovah E. Yẹn na nọ yìn aṣẹdai towe lẹ. 146  Yẹn dawhá ylọ we; whlẹn mi! N’na nọ payi nuflinmẹ towe lẹ go. 147  N’ko fọ́n whẹpo ai do họ́n* nado dawhá biọ alọgọ,+Na ohó towe lẹ wẹ todido ṣie.* 148  N’nọ fọ́n to zánhomẹ,Na yẹn nido lẹnayihamẹpọn do* hodidọ towe ji.+ 149  Nọ dotoaina ogbè ṣie, na owanyi nugbo towe wutu.+ Jehovah E, hẹn mi dogbẹ̀ sọgbe hẹ whẹdida dodo towe. 150  Mẹhe nọ zan walọ he huwinyan* lẹ ko sẹpọ mi;Yé dẹn do osẹ́n towe taun. 151  Hiẹ sẹpọ mi, Jehovah E,+Podọ gbedide towe lẹpo wẹ yin nugbo.+ 152  Yẹn ko plọnnu gando nuflinmẹ towe lẹ go sọn whenu dindẹn die,Dọ hiẹ ko do yé ai nado nọ aimẹ kakadoi.+ ר [Lẹṣi] 153  Pọ́n oyà he ji n’te bo whlẹn mi,+Na yẹn ma wọn osẹ́n towe. 154  Yiavùnlọna mi* bo whlẹn mi;+Hẹn mi dogbẹ̀ to gbesisọ mẹ hẹ opagbe* towe. 155  Whlẹngán dẹn do mẹylankan lẹ taun,Na yé ma nọ setonuna aṣẹdai towe lẹ wutu.+ 156  Lẹblanu towe klo taun, Jehovah E.+ Hẹn mi dogbẹ̀ to gbesisọ mẹ hẹ whẹdida dodo towe. 157  Homẹkẹndomẹtọ ṣie lẹ po kẹntọ ṣie lẹ po sù taun;+Ṣigba, n’ma lẹhlan apadopo sọn nuflinmẹ towe lẹ kọ̀n. 158  N’nọ pọ́n mẹklọtọ lẹ po wangbẹna sinsinyẹn po,Na yé ma nọ payi hodidọ towe go wutu.+ 159  Pọ́n lehe n’yiwanna gbedide towe lẹ do sọ! Jehovah E, hẹn mi dogbẹ̀ na owanyi nugbo towe wutu.+ 160  Nugbo wẹ ohó towe lẹpo,+Podọ whẹdida dodo towe lẹpo wẹ na gbọṣi aimẹ kakadoi. ש [Sini] kavi [Ṣini] 161  Ahọvi lẹ nọ dohomẹkẹn mi+ matin whẹwhinwhẹ́n de,Ṣigba, ahun ṣie nọ dibusi ohó towe lẹ sisosiso.+ 162  Hodidọ towe nọ hẹn mi jaya+Taidi mẹhe mọ adọkunnu daho de. 163  N’gbẹwanna lalodido—n’gbẹwanna ẹn sinsinyẹn+N’yiwanna osẹ́n towe.+ 164  Whla ṣinawe wẹ n’nọ pà we to gbèdopoNa whẹdida dodo towe lẹ wutu. 165  Mẹhe yiwanna osẹ́n towe lẹ nọ tindo jijọho susugege;+Nudepope ma gán hẹn yé dahli.* 166  Jehovah E, n’to nukundo azọ́n whlẹngán tọn towe lẹ,Podọ n’nọ yìn gbedide towe lẹ. 167  N’nọ* payi nuflinmẹ towe lẹ go,N’sọ yiwanna yé taun.+ 168  N’nọ payi gbedide towe lẹ po nuflinmẹ towe lẹ po go,Na hiẹ nọ yọ́n nuhe wà n’te lẹpo.+ ת [Tau] 169  Jehovah E, gbọ awhágbe ṣie na alọgọ ni nọ wá dè we.+ Hẹn mi tindo nukunnumọjẹnumẹ, sọgbe hẹ ohó towe.+ 170  Dike obiọ ṣie na nukundagbe ni nọ wá dè we. Whlẹn mi, dile a ko dopagbe etọn do.* 171  Gbọ nùflo ṣie ni gọfla na pipà,+Na hiẹ nọ plọn mi aṣẹdai towe lẹ. 172  Dike odẹ́ ṣie ni nọ jihàn gando hodidọ towe go,+Na gbedide towe lẹpo wẹ yin dodo. 173  Gbọ alọ towe ni tin to gbesisọ mẹ nado gọalọna mi,+Na yẹn ko de nado nọ setonuna gbedide towe lẹ.+ 174  Jehovah E, n’tindo ojlo vẹkuvẹku na whlẹngán towe,Podọ n’yiwanna osẹ́n towe sisosiso.+ 175  Gbọ ma* gbọṣi ogbẹ̀ nado nọ pà we;+Dike whẹdida towe lẹ ni nọ gọalọna mi. 176  N’ko danbú di lẹngbọ he to búbú de.+ Dín devizọnwatọ towe mọ,Na n’ma wọn gbedide towe lẹ.+

Nudọnamẹ Odò Tọn

Kavi “mẹhe nọ hẹn tenọgli go.”
To paa mẹ, “Ṣo, eyin aliho ṣie lẹ sọgan yin hinhẹn lodo gligli.”
Kavi “plọn.”
Kavi “alindọn ṣie nọ.”
To paa mẹ, “Bli vlẹko po wangbẹna po sẹ̀ sọn ji e.”
Kavi “nọ to pinplọn.”
Kavi “Alindọn ṣie.”
To paa mẹ, “aliho.”
Kavi “plọn.”
Kavi “alindọn ṣie.”
Kavi “n’duwinyan.”
To paa mẹ, “na nọ họ̀nwezun.”
Kavi vlavo, “hiẹ hẹn ahun ṣie tindo jide.”
Kavi “Hẹn mi zinzọnlin.”
Kavi “Hẹn ohó he a dọ.”
Kavi vlavo, “Ehe yin dido na mẹhe nọ dibusi we lẹ.”
Kavi “hodidọ.”
Kavi “Na whẹdida towe wẹ yẹn to tepọn.”
Kavi “fihe gblo.”
Kavi “plọn.”
Kavi “opagbe.”
Kavi “Ehe hiẹ hẹn mi nado nọtepọn.”
Kavi “To ohọ̀ he mẹ n’nọ nọ̀ taidi jonọ.”
Kavi “do hẹn nukunmẹ towe bọ̀ (dín nukiko towe).”
Kavi “hodidọ.”
Kavi “n’ko nọ waylando to mayọnẹn mẹ.”
To paa mẹ, “ma tindo numọtolanmẹ, bo taidi ojó.”
Kavi “wẹ n’to tepọn.”
Kavi “hẹ ohó he a ko dọ.”
Kavi vlavo, “waylan do mi gbọn lalodido dali.”
Kavi “plọn.”
Kavi “Alindọn ṣie tindo.”
Kavi “wẹ n’to tepọn.”
Enẹ wẹ, nudida etọn lẹpo.
To paa mẹ, “gbloada taun.”
Kavi “nuplọn.”
Kavi “plọn.”
To paa mẹ, “avọ́nunina sọn onù ṣie mẹ.”
Kavi “Alindọn ṣie nọ tin to alọ ṣie mẹ.”
Kavi “ogú madopodo ṣie.”
To paa mẹ, “dẹ́ ahun ṣie.”
Kavi “mẹhe ahun yetọn má lẹ.”
Kavi “wẹ n’to tepọn.”
Kavi “sọgbe hẹ hodidọ towe.”
Kavi “winyan.”
To paa mẹ, “agbasalan.”
Kavi “hodidọ.”
Kavi “he yin kiklọ́we.”
Kavi “gbedide.”
Kavi “alindọn ṣie nọ.”
To paa mẹ, “gbọ gángán.”
Kavi “Hẹn afọdide ṣie lẹ lodo.”
To paa mẹ, “Fli mi gọ̀.”
Kavi “Konu.”
Kavi “fọ́n to afọnnu fuu.”
Kavi “wẹ n’to tepọn.”
Kavi “plọn.”
Kavi “walọ gblezọn.”
Kavi “Dọ owhẹ̀ ṣie.”
Kavi “hodidọ.”
Kavi “Zannu ahlida tọn depope ma tin na yewlẹ.”
Kavi “Alindọn ṣie nọ.”
Kavi “sọgbe hẹ hodidọ towe.”
Kavi “Gbọ alindọn ṣie ni.”