Salmu 28:1-9
-
Yè sè odẹ̀ salmu-kantọ tọn
-
‘Jehovah, huhlọn po awọ̀yinu ṣie po’ (7)
-
Ohàn Davidi tọn.
28 Hiẹ wẹ yẹn to awhádo ylọ mapote, Jehovah Osé ṣie E;+A sú otó towe do mi blo.
Eyin hiẹ ma kẹnù demẹ na mi,Yẹn na taidi mẹhe to tejẹ yì odò* mẹ lẹ.+
2 Dotoaina ovẹ̀ ṣie to whenue yẹn dawhá ylọ we na alọgọDile yẹn dlẹnalọ ṣie lẹ daga hlan abò fiwiwe towe tọn waji.+
3 A dọ̀n mi tọ́n po mẹylankan po blo, yèdọ mẹhe nọ wà nuylankan lẹ,+Yé he nọ to ohó jijọho tọn dọ hẹ hatọ yetọn lẹ, ṣogan oylan wẹ nọ to ahun yetọn mẹ.+
4 Suahọ yé na nuyiwa yetọn lẹ,+Sọgbe hẹ ylanwiwa yetọn lẹ.
Suahọ yé na azọ́n alọ yetọn lẹ tọn,Sọgbe hẹ nuhe yé ko wà lẹ.+
5 Na yé ma nọ na ayidonugo depope nuwiwa Jehovah tọn lẹ,+Kavi azọ́n alọ etọn tọn lẹ.+
Ewọ na zìn yé dai bo ma na jlọ yé dote.
6 Na Jehovah ni yin pipà,Na ewọ ko dotoaina ovẹ̀ ṣie lẹ na alọgọ.
7 Jehovah wẹ huhlọn+ po awọ̀yinu ṣie po;+Ewọ go wẹ ahun ṣie dejido.+
Yẹn ko mọ alọgọ etọn yí, bọ ahun ṣie gọ́ na ayajẹ,Enẹwutu, yẹn na yí ohàn ṣie do pà ẹ.
8 Jehovah yin huhlọn de na omẹ etọn lẹ;Ewọ yin figángán de, he nọ hẹn whlẹngán daho wá na mẹyiamisisadode etọn.+
9 Whlẹn omẹ towe lẹ bo dona ogú towe.+
Yin lẹngbọhọtọ yetọn bo ze yé do awà towe lẹ mẹ kakadoi.+
Nudọnamẹ Odò Tọn
^ Kavi “yọdò.”
