Salmu 43:1-5
43 Jiwheyẹwhe E, dawhẹna mi,+Yí owhẹ̀ ṣie dọ na mi+ sọta akọta he ma yin nugbonọ de.
Whlẹn mi sọn mẹklọtọ mawadodonọ lọ si.
2 Na hiẹ wẹ Jiwheyẹwhe ṣie, fibẹtado ṣie.+
Naegbọn hiẹ do tùn mi dlan?
Naegbọn yẹn nado nọ zinzọnlin pé po awubla po na kọgbidinamẹ kẹntọ ṣie tọn wutu?+
3 Do hinhọ́n towe po nugbo towe po hlan.+
Gbọ yé ni deanana mi;+Gbọ yé ni plan mi yì osó wiwe towe ji podọ yì gòhọtúntún gigonọ towe mẹ.+
4 To whenẹnu, yẹn na wá agbà Jiwheyẹwhe tọn kọ̀n,+Yẹn na wá Jiwheyẹwhe dè, mẹhe yin asisa aglinjijẹ ṣie tọn.
Yẹn na yí ajalẹn do pà we Jiwheyẹwhe E,+ yèdọ Jiwheyẹwhe ṣie.
5 Naegbọn yẹn* do jẹflumẹ domọ?
Naegbọn yẹn do to bẹwlu mẹ to ohò ṣie mẹ dole?
Nọtepọn Jiwheyẹwhe,+Na yẹn na gbẹ́ nọ pà ewọ taidi Whlẹngántọ Daho ṣie podọ Jiwheyẹwhe ṣie.+
Nudọnamẹ Odò Tọn
^ Kavi “alindọn ṣie.”
