Aisea 21:1-17
21 Na itukutuku bibi me baleta na vanua talasiga ni wasawasa:*+
E toso tiko mai me vaka na cagi kaukaua mai na ceva,Mai na vanua talasiga, mai na vanua rerevaki.+
2 E dua na raivotu rarawataki e tukuni vei au:
E veivakaisini tiko na dauveivakaisini,E vakacaca tiko na dauvakacaca.
Mo lako cake Ilama! Mo viribai Mitia!+
Au na muduka na nona veivakararawataki kece.+
3 Oya na vuna au rarawa kina vakalevu.*+
Au sautaninini,Me vaka na yalewa e taratara me vakasucu.
Au rarawa vakalevu niu rogoca,Au veilecayaki vakalevu niu raica.
4 E malumalumu na lomaqu, au sautaninini ena rere.
Na karobo au dau taleitaka e vakarerei au.
5 Vakarautaka na teveli, tuvana na idabedabe!
Kana, gunu!+
Moni tucake na turaga, moni lumuta na isasabai!
6 Qo na ka e tukuna vei au o Jiova:
“Lako, mo lesia e dua na yadra me tukuna mai na ka e raica.”
7 E raica o koya na qiqinivalu e dreta tiko e rua na ose,Na qiqinivalu e dreta tiko na asa,Na qiqinivalu e dreta tiko na kameli.
E raica matua, e kauaitaka vakalevu.
8 E qai kaci o koya me vaka na laione:
“Kemuni Jiova, au duri tiko ga ena valenivakatawa ena siga,Au duri tiko ga ena noqu vanua ni yadra ena bogi kece.+
9 Raica na ka e lako tiko mai:
Eso na tamata era vodo tiko ena qiqinivalu e dreta tiko e rua na ose!”+
E qai tabalaka na domona, e kaya:
“Sa bale! Sa bale o Papiloni!+
Na nona ivakatakarakara ceuti kece sa vorovorolaki ina qele!”+
10 Kemuni noqu tamata oni buturaki,Na covuata* ni noqu rara ni butu covuata,+Au sa tukuna vei kemuni na ka au rogoca vei Jiova ni lewe vuqa,* na Kalou ni Isireli.
11 Na itukutuku bibi me baleti Tuma:*
E kacivi au tiko e dua mai Sia:+
“Yadra, sa vakaevei na bogi?
Yadra, sa vakaevei na bogi?”
12 E kaya na yadra:
“Sa kida na mataka, sa toro tale ga mai na bogi.
Ke oni via taroga ni taroga.
Ni lesu tale mai!”
13 Na itukutuku bibi me baleta na buca dravuisiga:
Oni na moce e veikau ena bogi ena buca dravuisigaO kemuni na ilawalawa dauveilakoyaki mai Titana.+
14 Moni kauta na wai moni tavaki ira na viagunu,O kemuni na lewenivanua o Tima,+Moni kauta na madrai vua e dro tiko.
15 Nira dro mai na iseleiwau, mai na iseleiwau e ucuni,Mai na dakaititi e loveci kei na ivalu rerevaki.
16 Qo na ka e kaya vei au o Jiova: “Ena loma ni dua na yabaki me vaka na yabaki ni tamata cakacaka saumi,* ena oti kina na lagilagi nei Kitari.+
17 Ena vo ga e vica na tamata qaqa ni Kitari era vakadakaititi, ni tukuna o Jiova na Kalou ni Isireli.”
iVakamacala e ra
^ Rairai dusia na yasayasa kei Papiloni makawa.
^ Ipe., “mosi vakalevu na toloqu.”
^ Ipe., “luve.”
^ Qo na mataivalu vakalomalagi.
^ Kena ibalebale “Galu.”
^ Se “wili vinaka me vaka e cakava na tamata cakacaka saumi,” oya ena dua vinaka na yabaki.
