Aisea 48:1-22
48 Moni rogoca qo na vuvale i Jekope,Oni vakatokai kemuni ena yaca i Isireli+Oni lako mai ena wai e* Juta,Oni bubului ena yaca i Jiova+Oni masuta na Kalou ni Isireli,Ia oni sega ni dina se yalododonu kina.+
2 Era vakatokayacataki ira ena koro tabu+Era qara na veitokoni ni Kalou ni Isireli,+Na yacana o Jiova ni lewe vuqa.*
3 “Na ka makawa au tukuna vei kemuni ena gauna e liu,E cavuta qori na gusuqu,Au tukuna me kilai.+
Au vakayacora vakasauri, era mani yaco.+
4 Niu kila ni oni sa rui domoqa,E kaukamea na ua ni domomuni, e kopa na yadremuni,+
5 Au se tukuna makawa vei kemuni.
Ni bera ni yaco au tukuna moni rogoca,Moni kua ni kaya, ‘Na noqu matakau e cakava qo,Na noqu ivakatakarakara ceuti kei na noqu matakau kaukamea e vakarota qo.’
6 Oni sa rogoca oni raica na ka kece qo.
Oni na tukuna yani?+
Me tekivu qo au na vakatakila vei kemuni na ka vovou,+Na ka vuni maroroi oni sega ni kila.
7 Se qai caka ga qo, e sega ni caka makawa,Na ka oni se sega ni rogoca me yacova nikua,Moni kua kina ni kaya, ‘Raica! Au sa kila tu.’
8 Sega, oni sega ni rogoca,+ oni sega ni kila,E sega ni rogo na daligamuni ena gauna sa oti.
Niu kila vinaka ni oni rui veivakaisini,+Oni vakatokai moni cakacala mai na siga oni sucu kina.+
9 Ia ena vuku ni yacaqu au na tarova na noqu cudru,+Ena vuku ni kequ irogorogo, au na tarovi au ga,Au na sega ni vakarusai kemuni.+
10 Raica! Au sa vakasavasavataki kemuni, ia e sega ni vaka na siliva.+
Au vakatovolei* kemuni ena lovo* ni veivakararawataki.+
11 Ena vukuqu, io ena vukuqu au na cakava,+E rawa vakacava niu vakadonuya meu beci?+
Au sega ni solia na noqu lagilagi vua e dua tale.
12 Moni vakarorogo vei au na Jekope kei kemuni na Isireli au kaciva.
Au sega ni veisau.+ O yau na kena imatai, o yau tale ga na kena iotioti.+
13 Na ligaqu ga e tauyavutaki vuravura,+Kei na ligaqu imatau e tevuka na lomalagi.+
Niu kacivi ira, era duri vata mai.
14 Moni soqoni vata kece, moni rogoca.
O cei vei ira e tukuna na ka qo?
E lomani koya o Jiova.+
Ena vakayacora na ka e vinakata vei Papiloni,+Na ligana ena tau vei ira na Kalitia.+
15 O yau ga au tukuna, au kacivi koya.+
Au kauti koya mai, ena rawa vinaka na ka e cakava.+
16 Moni toro mai, moni rogoca qo.
Mai na ivakatekivu au sega ni vosa vuni.+
Mai na gauna e yaco kina au tiko mai kea.”
Ia qo e talai au mai na Turaga Cecere Duadua o Jiova kei na yalona.
17 Qo na ka e tukuna o Jiova, o koya e voli iko lesu, na Yalosavasava ni Isireli:+
“O yau o Jiova na nomu Kalou,O koya e vakavulici iko mo vinaka kina,+O koya e tuberi iko ena sala mo lakova.+
18 Kevaka wale ga o rogoca na noqu ivakaro!+
Ena vaka na uciwai na nomu vakacegu,+Ena vaka na ua ni wasawasa na nomu cakadodonu.+
19 Ena levu na luvemu* me vaka na nukuKei na nomu kawa me vaka na mataninuku.+
Ena sega ni muduki se bokoci na yacadra mai mataqu.”
20 Moni lako tani mai Papiloni!+
Moni dro tani vei ira na Kalitia!
Moni tukuna ena kaila ni marau! Moni vakarogoya!+
Moni vakatakila ina iyalayala kei vuravura.+
Moni kaya: “O Jiova e voli Jekope lesu na nona dauveiqaravi.+
21 Era sega ni karamaca ena gauna e kauti ira kina ena vanua lala.+
E vakadavea na medra wai mai na vatu,E vida na vatu o koya me coka mai kina na wai.”+
22 “Era sega ni vakacegu,” e kaya o Jiova, “vei ira na tamata ca.”+
iVakamacala e ra
^ Se rawa ni, “kawa nei.”
^ Qo na mataivalu vakalomalagi.
^ Se “dikevi.” Se rawa ni, “digitaki.”
^ Ipe., “lovo ni vakawaicala kaukamea.”
^ Ipe., “kawa.”
