Aisea 51:1-23
51 “Moni rogoci au o kemuni na muria tiko na yalododonu,O kemuni na qarai Jiova tiko.
Moni raica na vatu oni ta mai kinaKei na qara oni keli mai kina.
2 Moni rai vei Eparama na tamamuniKei Sera+ e vakasucumi kemuni.
Au kacivi koya ni se lewe dua ga,+Au mani vakalougatataki koya me lewe levu.+
3 Ni na vakacegui Saioni o Jiova.+
Ena vakaceguya na nona vanua kece e vakacacani,+Ena vukica na nona vanua talasiga me vakataki Iteni+Kei na nona buca dravuisiga me vaka na were i Jiova.+
Ena kune kina na reki kei na marau,Na vakavinavinaka kei na domo ni sere.+
4 Moni vakarorogo vei au na noqu tamata,Moni vakatudaliga vei au na noqu matanitu.+
Niu na solia e dua na lawa,+Au na vakataudeitaka na noqu lewa me nodra rarama na lewe ni veivanua.+
5 Sa voleka na noqu yalododonu.+
Ena lako yani na noqu veivakabulai,+Na ligaqu ena lewai ira na lewe ni veivanua.+
Era na nuitaki au na veiyanuyanu,+Era na waraka na ligaqu.*
6 Moni tacake i lomalagi,Moni raici vuravura sobu.
Ni na veiseyaki na tikitiki ni lomalagi me vaka na kubou,Ena madra na vuravura me vaka na isulu,Era na mate na lewena me vaka na nana.
Ia na noqu veivakabulai ena sega ni mudu,+Kei na na noqu yalododonu ena sega sara ni oti.+
7 Moni vakarorogo vei au o kemuni na kila na yalododonu,Na tamata e tiko e lomadra na noqu lawa.*+
Moni kua ni rerevaka na nodra veivakalialiai na tamata,Moni kua ni domobulataka na nodra vosavakacaca.
8 Ni na kani ira na sarasara me vaka na isulu,Ena kani ira na sarasara* ni sulu me vaka na vutinisipi.+
Ia na noqu yalododonu ena sega ni mudu,Kei na noqu veivakabulai ena itabatamata kece.”+
9 Moni yadra! Moni yadra! Moni vakaisulu ena kaukaua,Na liga i Jiova!+
Moni yadra me vaka ena gauna makawa, ena veitabatamata sa sivi.
Vakaevei, o kemuni ga oni vorovorolaki Reapi,*+
Oni suaka na manumanu levu ni wasawasa?+
10 Oni vakamacara na wasawasa, na wai titobu?+
Oni cakava na sala ena wai titobu mera takosova na voli lesu?+
11 Era na lesu mai o ira na nei Jiova era vakabulai,+Era na lesu i Saioni ena kaila ni marau,+Era na vakaisala* ena marau tawayalani.+
Era na reki, era na marau,Era na sega sara ni rarawa se vutugu.+
12 “O yau ga au na vakacegui kemuni.+
Na cava moni rerevaki ira kina na tamata era na mate,+Kei na luve ni tamata ena malai me vaka na co drokadroka?
13 Na cava o guilecavi Jiova kina na Dauveibuli,+O koya e tevuka na lomalagi,+ e vakadavora na yavu ni vuravura?
O rerevaka ena siga taucoko na nona cudru na dauvakasaurara,Ni sa vakarau vakarusai iko.
I vei na nona cudru na dauvakasaurara?
14 Ena vakarau sereki o koya e vakalairoro tu ena sinucodo,+Ena sega ni mate me lako ina qara,Se na oti na kena madrai.
15 Ia o yau o Jiova na nomu Kalou,Au yavalata na wasawasa, au vakavuna me vadugu na kena ua,+O Jiova ni lewe vuqa* na yacana.+
16 Au na biuta na noqu vosa i gusumu,Au na vakaruguti iko ena yaloyalo ni ligaqu,+Meu tea na lomalagi, meu vakadavora na yavu ni vuravura+Meu kaya vei Saioni, ‘Oni noqu tamata.’+
17 Mo yadra! Mo yadra! Mo tucake Jerusalemi,+O iko o gunuva ena liga i Jiova na bilo ni nona cudru.
O gunu mai na bilo,O vakamacara na bilo e vakavuna na tataivatia.+
18 E sega ni dua vei ira kece na luvena e vakasucuma me tuberi koya,E sega ni dua vei ira kece na luvena e susuga me taura na ligana.
19 E yacovi iko e rua na ka qo.
O cei ena lomani iko?
Na kawaboko kei na rusa, na viakana kei na iseleiwau!+
O cei ena vakacegui iko?+
20 Era rebo na luvemu.+
Era davo ena tutu ni sala keceMe vaka na sipi kila ena lawa.
E cudruvi ira vakalevu o Jiova, na veivunauci ni nomu Kalou.”
21 Yalovinaka mo rogoca qo,O iko na yalewa o rarawa, o mateni, ia e sega ena waini.
22 Qo na ka e kaya na nomu Turaga o Jiova, na nomu Kalou, o koya e taqomaki ira na nona tamata:
“Raica! Au na kauta tani mai ligamu na bilo e vakavuna tiko na tataivatia,+Na bilo, na bilo ni noqu cudruO na sega tale ni gunuva.+
23 Au na biuta e ligadra na vakararawataki iko,+O ira na kaya vei iko, ‘Mo cuva me keimami butuki iko!’
Mo cakava na dakumu me vaka na qele,Me vaka na sala mera lako kina.”
iVakamacala e ra
^ Se “na noqu kaukaua.”
^ Se “ivakavuvuli.”
^ Se rawa ni, “baca.”
^ Raica na iVakamacala ni Vosa.
^ Ipe., “Ena toka e uludra na.”
^ Qo na mataivalu vakalomalagi.
