Aisea 10:1-34
10 Era rarawa na bulia na ivakaro e veivakaleqai+Era dau vola na lawa e veivakararawataki,
2 Mera kua ni rogoca na nodra kisi ni veilewai na dravudravua,Mera kua ni lewai ira vakadodonu na noqu tamata era vakaloloma,+Era taura na ka era taukena na yadaEra kovea na nodra iyau na gone sega na tamadra!*+
3 Na cava oni na cakava ena siga ni veitarogi,*+Ni lako mai vakayawa na veivakarusai?+
Oni na dro vei cei me vukei kemuni,+Oni na biuta e vei na nomuni iyau?*
4 Sega ni dua na ka e vo, mera lako cuvacuva ga kei ira na kaivesuSe bale vata kei ira na vakamatei.
Ena vuku ni ka kece qo, e sega ga ni ruru na nona cudruIa e dodoka tiko ga na ligana me veimoku.+
5 “Raica! na kai Asiria,+Na ititoko ni noqu cudru+Kei na kau e tiko e ligadra me tauca na noqu cudru!
6 Au na talai koya ina matanitu vukitani,+Me cudruvi ira na tamata era vakacudrui au vakalevuAu na vakaroti koya me kauta vakalevu na itokinivalu kei na levu na iyauMe buturaki ira sobu me vaka na soso ena gaunisala.+
7 Ia ena sega ni nakita o koya me va qoNa lomana e sega ni lalawataka va qoNi lomana me veivakawabokotakiMe muduka e levu na matanitu, sega ni vica ga.
8 Ni kaya o koya:
‘Era tui kece na noqu turaga?+
9 E sega ni vakataki Kakimisi+ o Kalino?+
E sega ni vakataki Apati+ o Emaci?+
E sega ni vakataki Tamasiko+ o Samaria?+
10 E taura na ligaqu na nodra matanitu na kalou tawayagaE levu sara na nodra ivakatakarakara ceuti vei Jerusalemi kei Samaria!+
11 Au na sega ni cakava tale ga vei Jerusalemi kei na nona matakauMe vaka au cakava vei Samaria kei na nona kalou tawayaga?’+
12 “Ni vakaotia o Jiova na nona cakacaka e Ulu i Saioni kei Jerusalemi, ena* totogitaka na tui Asiria ena viavialevu ni lomana kei na nona dokadoka ni mata viavialevu.+
13 Ni kaya o koya,‘Au na cakava qo ena kaukaua ni ligaquKei na noqu vuku niu yalomatua.
Au na kauta tani na nodra iyalayala ni vanua na lewe ni veivanua+Meu kovea na nodra iyau,+Au na vakamalumalumutaki ira na lewena me vaka na qaqa.+
14 Me vaka na tamata e tatara ina sovaEna taura na ligaqu na nodra iyau na lewe ni veivanuaMe vaka e dua e kumuna na yaloka e biu tuAu na soqoni ira kece na lewe i vuravura!
Ena sega ni dua me cakurobaroba na tabana se dolava na gusuna se tagi.’”
15 Ena vakalevulevui koya na matau vua e tata tiko?
Ena vakalevulevui koya na ivaro vua e varovaro tiko?
Ena yavalati koya rawa e taura tiko na ititoko na ititoko?+
Se laveta rawa na kau na ka e sega ni buli mai na kau?
16 Ia na Turaga dina o Jiova ni lewe vuqa,*Ena vakavuna mera suivotu na nona tamata levulevu,+Ena ruku ni nona lagilagi ena waqaca na bukawaqa caucaudre.+
17 Na nodra Rarama na Isireli+ ena bukawaqa,+Kei na nona Yalosavasava ena yameyameEna caudre me yameca na nona co ca kei na nona kau vakavotona ena dua ga na siga.
18 Ena vakaotia sara na lagilagi ni nona veikau kei na nona loga ni kauvuataMe vaka ga na suivotu ni tamata tauvimate.+
19 Na vo ni vunikau ena nona veikauEna lailai ga me wilika rawa e dua na gone.
20 Ena siga oya o ira na vo tiko e IsireliKei ira na bula ena vuvale i JekopeEra na sega tale ni vakararavi vei koya e mokuti ira,+Ia era na vakararavi vei JiovaNa Yalosavasava ni Isireli ena yalodina.
21 Era na lesu ga na kena voO ira na vo ni Jekope, vua na Kalou Kaukaua.+
22 Ia o ira na nomu tamata, Isireli,Ena vaka na mataninuku ni matasawa,O ira ga na kena vo era na lesu.+
Na veivakawabokotaki sa lewai tu,+Kei na lewadodonu* ena luvuci ira.+
23 Io na veivakawabokotaki sa lewa na Turaga Cecere Duadua o Jiova ni lewe vuqa,Ena vakayacora ena vanua taucoko.+
24 Ia qo na ka e kaya na Turaga Cecere Duadua o Jiova ni lewe vuqa: “Moni kua ni rerevaki Asiria o kemuni na noqu tamata oni tiko e Saioni, e dau mokuti kemuni ena kau,+ e dau laveta na nona ititoko vei kemuni me vaka e cakava o Ijipita.+
25 Sa vo lailai sara me cava na veivunauci, ena vagolei na noqu cudru meu vakarusai ira.+
26 Ena wiricaka vei ira o Jiova ni lewe vuqa e dua na kuita+ me vaka ga ni vakadrukai Mitiani volekata na vatu o Orepi.+ Ena tauca na nona ititoko e wasawasa, ena laveta cake me vaka e cakava vei Ijipita.+
27 Ena siga oya ena kau tani mai tabamu na nona icolacola,+Kei na nona ivua mai domomu,+Ena kamusu na ivua+ ena vuku ni waiwai.”
28 Sa yaco o koya i Aiaci,+E lako yani i Mikironi,E biuta tu e Mikimasi+ na nona iyaya.
29 Era lakosivita na vanua mamatia,Era moce ena bogi e Kipa,+E sautaninini o Rama, o Kipea+ nei Saula e dro.+
30 Mo qoqolou mo kaila, na goneyalewa ni Kalimi.
Mo vakarorogo Leisi!
Isa Anacoci!+
31 Sa dro o Matimena.
Era qara ivakaruru na lewe i Kepemi.
32 Ena siga ga qo ena cegu o koya mai Nopi.+
Ena bulivacu ina ulunivanua ni goneyalewa ni SaioniNa delana o Jerusalemi.
33 Raica! Na Turaga dina o Jiova ni lewe vuqaE musuka tiko na tabanikau qai vadugu ni lutu,+Na vunikau babalavu e lauta sobuO ira na viavialevu era vakamalumalumutaki.
34 E taya na kau ni veikau ena iyaya kaukamea,*Ena vakabalei Lepanoni e dua na qaqa.
iVakamacala e ra
^ Se “na luveniyali.”
^ Se “lagilagi.”
^ Se “siga ni veitotogitaki.”
^ Ipe., “au na.”
^ Qo na mataivalu vakalomalagi.
^ Se “na itotogi.”
^ Se “ena matau.”
