Aisea 26:1-21
26 Ena siga oya ena lagati e Juta+ na sere qo:+
“E dua na neimami koro kaukaua.+
E lesia o koya na veivakabulai me kena bai, me kena bainivalu.+
2 Moni dolava na matamata+ me curu kina na matanitu yalododonu,Na matanitu e yalodina tiko ga.
3 Oni na maroroi ira na dau ravi vei kemuni,*Oni na vakacegui ira tiko ga,+Nira nuitaki kemuni.+
4 Moni nuitaki Jiova tiko ga,+Ni Uluvatu tawamudu o Ja* Jiova.+
5 E vakalolovirataki ira na tiko ena vanua cere, na koro cecere.
E biuta sobu,E biuta sobu ina qele;E vakabalea ina kuvuniqele.
6 Ena butuka na yavadra,Na yava ni dravudravua, na yava ni vakaloloma.”
7 E dodonu* nona sala na yalododonu.
Ni oni yalododonu,Oni na vakalogalogavinakataka na nona sala na yalododonu.
8 Ni keimami muria na sala ni nomuni lewa, Jiova,Keimami nuitaki kemuni.
Keimami galeleta na yacamuni kei na ka oni nanumi kina.*
9 Ena bogi au galeleti kemuni mai vu ni yaloqu,Io e vaqarai kemuni tiko ga na lomaqu,+Ni oni lewai vuravura,Era na vulica na ivalavala dodonu na lewenivanua.+
10 Ke lomani mada ga na tamata ca,Ena sega ni vulica na ivalavala dodonu.+
Ena vanua mada ga ni ivalavala dodonu ena caka ca o koya,+Ena sega ni raica na cecere i Jiova.+
11 Kemuni Jiova, sa dulaki cake na ligamuni ia era sega ni raica.+
Era na raica na nomuni yalogu ena vukudra na nomuni tamata ra qai madua.
Io na bukawaqa ena yameci ira na kemuni meca.
12 Kemuni Jiova, oni na vakacegui keimami,+Ni ka kece keimami vakayacoraOni cakava vei keimami.
13 Kemuni Jiova na neimami Kalou, era lewai keimami+ eso tale na iliuliuIa keimami vakacaucautaka duadua ga na yacamuni.+
14 Era sa mate, era na sega ni bula.
Era sa ciba, era na sega ni tucake tale.+
Ni oni na vakarusai iraMoni vakawabokotaki ira, moni vakaotia na ka kece era nanumi kina.
15 Oni vakalevutaka na matanitu kemuni Jiova,Oni vakalevutaka na matanitu;Oni vakalagilagi kemuni.+
Oni vakarabailevutaka na iyalayala kece ni vanua.+
16 Kemuni Jiova era rai vei kemuni nira rarawa;Era sova na nodra masu vuni ni oni vakavulici ira.+
17 Me vaka ga na yalewa bukete e vakarau vakasucuE taratara qai kaila ena mosiKeimami va tale ga qori ena vukumuni Jiova.
18 Keimami bukete, keimami taratara,Ia e vaka ni keimami vakasucuma na cagi.
Keimami sega ni vakabula rawa na vanua,E sega ni dua e sucu me tawana na vanua.
19 “Era na bula na nomuni mate.
Era na tucake na noqu mate.+
Moni yadra moni kaila ena reki,O kemuni na tiko ena kuvuniqele!+
Ni nomuni tegu e vaka na tegu ni mataka,*Na qele ena sereki ira na mate mera bula.*
20 Ni lako na noqu tamata, moni curu ina nomuni rumu e loma,Ni sogota na nomuni katuba.+
Moni vunitaki kemuni vakalekalekaMe oti mada na veicudruvi.+
21 Raica! Sa biuta mai na nona tikina o JiovaMe cudruvi ira na lewenivanua ena nodra cala,Ena vakaraitaka na vanua na nona vakadavedraEna sega tale ni vunitaki ira na nona mate.”
iVakamacala e ra
^ Se rawa ni, “o ira na lomadei.”
^ “Ja” na ivakaleka ni yaca Jiova.
^ Se “tautauvata.”
^ Oya me nanumi na Kalou kei na yacana, me vakatakilai.
^ Se rawa ni, “na tegu ena co.”
^ Se “ena vakasucumi ira na mate.”
