Aisea 17:1-14
17 Na itukutuku bibi me baleti Tamasiko:+
“Raica! Ena sega ni koro tale o TamasikoEna bini ga kina na irusarusa.+
2 Ena biu tu na koro e Aroeri,+Ena vanua mera davo kina na qelenisipiE sega ni dua me vakarerei ira.
3 Ena yali e Ifireimi na koro vakabai,+Kei na matanitu e Tamasiko,+O ira na vo tiko e SiriaEna vaka na nodra lagilagi na Isireli,”* e kaya o Jiova ni lewe vuqa.*
4 “Ena siga oya ena lailai mai na lagilagi nei Jekope,Kei na nona yagovinaka* ena yagoca mai.
5 Ena vaka ni kumuna na dautatamusuki na covuata ena wereE tamusuka e ligana na sola ni covuataEna vaka ni tomi sola ni covuata e dua ena Buca o Refeimi.+
6 Ena vo ga eso na vuanaMe vaka na samu vuniolive:
E vo ga e rua se tolu na vuaniolive matua ena sovu ni tabanaE va se lima na tabana e vua tiko,”+ e kaya o Jiova na Kalou ni Isireli.
7 Ena siga oya ena rai na tamata vua na Dauveibuli e buli koya, ena wanonova na Yalosavasava ni Isireli na matana.
8 Ena sega ni rai ina icabocabonisoro,+ na cakacaka ni ligana,+ ena sega ni wanonova na ka e cakava na iqaqaloniligana, na duru ni sokalou* se na itutu ni ka boivinaka.
9 Ena siga oya na nona koronivalu ena vaka na vanua e biu tu e veikau,+Ena vaka na tabanikau e biu tu e matadra na Isireli,Ena vanua lala.
10 Ni o sa guilecava na Kalou+ na nomu ivakabula,O sa sega ni nanuma na Uluvatu+ e nomu ivunivuni.
Oya na vuna o tea kina na iteitei totokaO tea kina na sulisuli ni vulagi.*
11 Ena siga o baitaka vinaka na nomu iteitei,Ena matakalailai o vakatubura na nomu sorenitei,Ia ena yali na ka me tamusuki ena siga ni tauvimate kei na mosi e sega ni oti rawa.+
12 Rogoca! Na nodra ue na lewe ni veivanua,Era vadugu me vaka na wasawasa!
Era maue vakalevu na veimatanitu,Na kena rorogo e vaka na vadugu ni wai kaukaua!
13 Era na maue na veimatanitu me vaka na vadugu ni wai levu.
Ena vunauci ira o koya, era na dro sara vakayawa,Era cemuri me vaka na qa ni covuata ena veiulunivanua ena mata ni cagi,Me vaka na soni e cocowiriwiri* ena cagi kaukaua.
14 Ena yakavi era rere.
Ni bera na mataka era sa yali.
Qo na nodra iwasewase na vakacacani keda tikoKei na nodra ivotavota na kovei keda tiko.
