Aisea 53:1-12
53 O cei e vakabauta na ka era rogoca vei kedaru?*+
Ia na liga i Jiova,+ e vakaraitaki vei cei?+
2 Ena tubucake o koya me vaka na tabanikau lailai+ e matana,* me vaka na wakanikau ena vanua sigasiga.
E sega ni vaka na turaga na kena irairai, e sega ni lagilagi.+
Nida raici koya, na kena irairai e sega ni dreti keda vua.*
3 E beci, era vakanadakui koya na lewenivanua,+Na tamata e vakila na mosi, e kila na mate.
E vaka ga ni tabonaki na matana meda kua ni raici koya.*
E beci, eda sega ni dokai koya.+
4 E colata dina o koya na keda mate,+E colata na noda rarawa.+
Ia eda okati koya me vaka e dua e totogi, e vakamavoataka na Kalou qai vakararawataka.
5 E lausua+ o koya ena vuku ni noda ivalavala ca.+
E butuqaqi ena vuku ni noda cala.+
E cola na itotogi meda veiyaloni kina,+Ena vuku ni nona mavoa eda vakabulai kina.+
6 Eda lako sese kece me vaka na sipi,+Eda dui muria ga na noda sala,O Jiova ga e vakacolata vua na noda cala kece.+
7 E vakasaurarataki,+ e soli koya me vakararawataki,+Ia e sega ni dolava na gusuna.
E kau yani me vaka na sipi me vakamatei,+Me vaka na tinanisipi e galu voli ga e matadra na daukotiva,E sega ni dolava na gusuna.+
8 Ena veivakasaurarataki kei na veilewai e kau tani kina o koya.
O cei ena kauaitaka na itukutuku ni nona itabatamata?
Ni a muduki tani mai na nodra vanua na bula,+E kuitalaki* ena vuku ni nodra cala na noqu tamata.+
9 E bulu vata* kei ira na tamata ca,+Kei ira na vutuniyau* ena gauna e mate kina,+Ia e sega ni dua na nona cala,*E sega ni veivakaisini na gusuna.+
10 Ia e nakita* o Jiova me qaqi koya, e vakatara me tauvimate.
Ke oni na solia nona bula me isoro ni cakacala,+Ena raica o koya na nona kawa, ena vakabalavutaka o koya na nona gauna,+Ena vakayacora o koya na ka e taleitaka o Jiova.+
11 Ena raica o koya na nona yaluma,* ena marautaka.
Na ka e kila na noqu dauveiqaravi yalododonu,+Era na yalododonu kina e levu,+Ena colata na nodra cala.+
12 Oya na vuna au na vakaivotavotataki koya kina kei ira na lewe levu,Ena vota na itokinivalu kei ira na qaqa,Ni solia na nona bula me mate+E wili vata kei ira na cakacala,+E colata na nodra ivalavala ca e levu,+E vakamamasu ena vukudra na cakacala.+
iVakamacala e ra
^ Se rawa ni, “na ka edaru rogoca?”
^ Rawa ni dua ga e vakararai tu se dusia na Kalou.
^ Se “e sega ni matavinaka meda taleitaki koya.”
^ Se rawa ni, “E vaka e dua e sega ni via raica na mata ni tamata.”
^ Se “moku mate.”
^ Se “Dua ena solia na nona ibulubulu.”
^ Ipe., “tamata vutuniyau.”
^ Se “sega ni valavala kaukaua.”
^ Se “Ia e taleitaka o Jiova.”
^ Se “rarawa.”
