Aisea 6:1-13
6 Ena yabaki e mate kina o Tui Usaia,+ au raici Jiova ni dabe tiko ena idabedabe vakaturaga cecere qai toka e cake,+ e robota na valenisoro na bele ni nona isulu.
2 Era tu e cake vua na serafimi, e dua e ono na tabana. E ubia na matana e rua na tabana, e ubia na yavana e rua, e veivukayaki ena rua tale.
3 E kacivaka e dua vua e dua tale:
“E savasava, e savasava, e savasava o Jiova ni lewe vuqa.*+
E robota na vuravura taucoko na nona lagilagi.”
4 E yavavala na bolu ni ilago ni katuba ni rogo mai na kaila* qai curuoso na vale ena kubou.+
5 Au mani kaya: “Isa o yau!
Au sa vaka ga na mate,*Niu tamata tebenigusu dukadukali,Au bula maliwai ira na tamata tebenigusu dukadukali,+Ni raica sara ga na mataqu na Tui, o Jiova ni lewe vuqa!”
6 E vuka sara mai vei au e dua na serafimi, e tiko e ligana na qilaiso waqa+ e taura mai ena kena iqamu ena icabocabonisoro.+
7 E tara o koya na gusuqu, e kaya:
“Raica! Sa tara qo na tebenigusumu.
Sa kau tani na nomu calaSa bokoci na nomu ivalavala ca.”
8 Au mani rogoca na domo i Jiova, e kaya: “O cei meu tala, o cei ena lako ena vukudaru?”+ Au kaya sara: “O yau qo! Moni talai au!”+
9 E kaya o koya: “Mo lako, mo tukuna vei ira na tamata qo:
‘Oni na rogoca vakavica vata,Oni na lecava ga,Oni na raica vakavica vata,Oni na sega ga ni kila.’+
10 Mo vakabibitaka na lomadra na tamata qo,+Mo vakadidivarataka na daligadra,+Mo sogota na matadra,De rai na matadraSe rogo na daligadra,Me kua ni kila na lomadraRa qai saumaki mera vakabulai kina.”+
11 Au kaya sara: “Me vakacava na kena dede kemuni Jiova?” E kaya o koya:
“Me rusa mada na koro me sega ni dua e tiko kinaKei na vale me sega na tamata e tiko kinaKei na vanua me rusa, me laladidi,+
12 Me kauti ira vakayawa na tamata o Jiova+Me laladidi e levu na vanua.
13 “Ia ena vo tiko kina e dua na ikatini, ena vakamai tale me vaka ga ni lauta na vunikau levu kei na oki qai vo ga na vuna, na kawa tabu na vuna.”
iVakamacala e ra
^ Qo na mataivalu vakalomalagi.
^ Ipe., “na domo i koya e kaci tiko.”
^ Ipe., “Au sa vagalui.”
