Aisea 34:1-17
34 Moni toro mai na veimatanitu moni rogoca,Moni vakarorogo na lewe ni veivanua.
Me vakatudaliga o vuravura kei na ka e tiko kinaNa vanua kei na vuana kece.
2 Ni cudruvi ira na matanitu kece o Jiova,+E cudruva na nodra mataivalu kece.+
Ena lewa me vakarusai iraEna soli ira mera vakamatei.+
3 Ena sega ni bulu na nodra mateEna cawa cake na bona ni yagodra,+Ena waicala na veiulunivanua ena* kedra dra.+
4 Ena vuca na mataivalu kece ni lomalagi,Ena vivigi na lomalagi me vaka na ivolavivigi.
Ena malai na nodra mataivalu kece,Me vaka na lutu ni draunivaini malai mai na vainiKei na lolo luca mai na vunilolo.
5 “Ni lomoci mai lomalagi na noqu iseleiwau.+
Ena tau vei Itomi na lewa,+Vei ira na lewenivanua au lewa meu vakarusa.
6 E vakaiseleiwau o Jiova, e lomoci ena dra.
E boro ena uro,+Ena dra ni luvenisipi tagane kei na me.
Ena uro ni ivi ni tamanisipi,Ni vakarautaka o Jiova na nona isoro e Posira,Ena veivakamatei levu ena vanua o Itomi.+
7 Na bulumakau tagane kila ena lako sobu vata kei ira,Na luvenibulumakau tagane kei na bulumakau kaukaua.
Ena lomoci ena dra na nodra vanuaEna suasua ena uro na nodra kuvuniqele.”
8 Ni tiko na siga ni veisausaumi i Jiova,+Na yabaki me vakatauitotogi ena kisi ni veilewai nei Saioni.+
9 Ena vuki na nona* uciwai me drega,Na nona kuvuniqele me sulifure,Kei na nona vanua me vaka na drega waqa.
10 Ena sega ni boko ena bogi kei na siga,Ena kuvu cake tiko ga na kena kubou.
Ena dravuisiga ena itabatamata kece,Ena sega ni dua me lako kina ena dua na gauna.+
11 Ena taukena na pelikani kei na pokipaini,Ena tiko kina na lulu daliga levu kei na reveni.
Ena dreta e delana o koya na wa ni vakarau ni sa vakarau lala,Kei na ivakarau ni tautauvata* ni veivakarusai.
12 Ena sega ni kacivi e dua na nona turaga me tui,Nira sa yali kece na nona iliuliu.
13 Ena tubu ena nona valececere vakabai na kau vakavotona,Na salato kei na cogadrogadro ena nona koronivalu.
Ena nodra itikotiko na jakoli,*+Ena nodra lomanibai na ositereji.
14 Ena sota kina na manumanu ni vanua dravuisiga kei na manumanu dau qoqolou,Ena tagica na kena isa na me kila.*
Io ena tiko e kea na lulu,* ena raica na vanua me vakacegu kina.
15 Ena vakasova e kea na gata dau coka me vakalutu yaloka,Ena saulaka qai ovici ira ena kena yaloyalo.
Io era na kumuni e kea na kiliti yadua kei na kena isa.
16 Moni qara ena ivola i Jiova moni wilika e cake:
Ena sega ni dua e yali,Ena sega ni dua me yali na kena isa,Ni vakarota na gusu i Jiova,Na yalona ga e kumuni ira vata.
17 O koya ga e vakawirimadigi vei ira,E vakarautaka e ligana na vanua e soli vei ira.*
Era na taukena me tawamudu,Era na tiko kina ena itabatamata kece.
iVakamacala e ra
^ Se “Ena drodrova na veiulunivanua na.”
^ Dusi Posira, na koroturaga kei Itomi.
^ Ipe., “vatu.”
^ Dua na mataqali koli kila, e ucu momoto, vutivutia na buina, e vaka na irairai ni fokisi.
^ Se rawa ni, “timoni e vaka na ibulibuli ni me.”
^ Ipe., “naitija.”
^ Ipe., “wasea vei ira ena wa ivakarau.”
