Aisea 31:1-9
31 Era rarawa na lako sobu i Ijipita mera kere veivuke,+O ira na vakararavi ena ose,+Era nuitaka na qiqinivalu baleta ni levu saraKei na osenivalu* ni kaukaua.
Ia era sega ni rai vua na Yalosavasava ni Isireli,Era sega ni qarai Jiova.
2 E vuku tale ga o koya, ena kauta mai na ca,Ena sega ni veisautaka na ka e tukuna.
Ena valuti ira na tamata caKei ira na vukea na daucaka ca.+
3 Era tamata ga na kai Ijipita, era sega ni Kalou,E ka vakayago na nodra ose e sega ni ka vakayalo.+
Ni dodoka na ligana o Jiova,Ena tarabe kina o koya e veivuke tikoEna lutu tale ga o koya e vukei tiko,Era na rusa vata kece ena dua ga na gauna.
4 Qo na ka e tukuna vei au o Jiova:
“Me vaka ga e tagica na kena na laione, na luvenilaione kaukaua,Ni kacivi vata mai e dua na ilala ivakatawa mera cemuria,Ena sega ni taqaya ni rogoca na domodraSe rerevaka na nodra yavavala,Ena va tale ga qori na nona lako sobu mai o Jiova ni lewe vuqa* me valaEna vuku i Ulu i Saioni kei na kena delana.
5 Me vaka na manumanuvuka dau co, ena taqomaki Jerusalemi tale ga va qori o Jiova ni lewe vuqa.+
Ena taqomaki koya, ena vakabulai koya.
Ena maroroi koya, ena vueti koya.”
6 “Moni lesu na Isireli vei koya oni saqata vakaukaua.+
7 Ena siga oya oni na dui cata na nomuni kalou siliva sega na betedra kei na nomuni kalou koula tawayaga oni bulia ga e ligamuni moni cala kina.
8 Ena bale ena iseleiwau na kai Asiria, e sega ni iseleiwau ni tamataEna sega ni vakamatei koya na iseleiwau ni tamata.+
Ena drovaka o koya na iseleiwauEra na vakacakacakataki vakaukaua na nona cauravou.
9 Ena yali na nona vatu ena levu ni rereEra na domobulataka na nona turaga na kaunikuila,” e kaya o Jiova,Na nona rarama* e tiko e Saioni kei na nona lovo e Jerusalemi.
