Aisea 37:1-38
37 Ni rogoca qo o Tui Esekaia, e dresulaka na nona isulu, e ubi koya ena isulutaga qai curu ina vale i Jiova.+
2 E talai Eliakimi sara, e lewa tiko na vale,* o Sepina na vunivola, kei ira na nodra qase na bete nira ubi ena isulutaga, vua na parofita o Aisea+ na luvei Emosi.
3 Era tukuna vua: “Qo na ka e tukuna o Esekaia, ‘Qo na siga ni rarawa, na siga ni cudru, kei na madua, nira sa voleka ni sucu na gone,* ia e sega na kaukaua mera vakasucumi kina.+
4 De rogoca na nomuni Kalou o Jiova na vosa ni Rapisake, e tala o tui Asiria na nona turaga me vosavakacacataka na Kalou bula,+ ena tarogi koya o Jiova na nomuni Kalou ena vosa kece e rogoca. Mo cabora na masu+ ena vukudra na kena vo era bula.’”+
5 Era mani lako na dauveiqaravi nei Tui Esekaia vei Aisea,+
6 e tukuna sara vei ira o Aisea: “Qo na ka moni tukuna vua na nomuni turaga, ‘Qo na ka e tukuna o Jiova: “Mo kua ni rerevaka+ na vosa o rogoca, na vosa e beci au kina na dauveiqaravi nei tui Asiria.+
7 Au na solia vua e dua na vakasama, ena rogoca o koya e dua na itukutuku qai lesu ina nona vanua,+ au na vakabalei koya ena iseleiwau ena nona vanua.”’”+
8 Ni rogoca na Rapisake ni sa biuti Lakisi na tui Asiria, e lesu vua qai raica ni valuti Lipina tiko.+
9 E rogoca sara na tui ni tukuni me baleti Tui Tiraka e Iciopea: “Sa lako mai o koya me valuti iko.” Ni rogoca qo, e talatala tale vei Esekaia,+ e kaya:
10 “Qo na ka moni tukuna vei Tui Esekaia e Juta, ‘Me kua ni vakacalai iko na nomu Kalou o nuitaka ni o kaya: “Ena sega ni soli o Jerusalemi e liga i tui Asiria.”+
11 Raica! O sa rogoca na ka era cakava na tui Asiria ina veivanua kece nira vakarusa.+ O na vakabulai ga o iko?
12 E bau vakabulai ira na kalou ni veimatanitu e vakarusa na tukaqu?+ I vei o Kosani, o Karana,+ o Resifi, kei ira na lewe i Iteni era tiko e Tilasari?
13 I vei na tui Emaci, na tui Apati, na tui ni koro o Sefavemi+ kei Ena kei Iva?’”
14 E taura o Esekaia na ivola mai na ligadra na italai me wilika. Oti e lako cake o Esekaia ina vale i Jiova qai tevuka ena mata i Jiova.+
15 E masu sara vei Jiova o Esekaia,+ e kaya:
16 “Kemuni Jiova ni lewe vuqa,*+ na Kalou ni Isireli, oni toka e cake vei rau na jerupi, o kemuni duadua ga na nodra Kalou dina na veimatanitu kece e vuravura. Oni bulia na lomalagi kei na vuravura.
17 Moni vakatudaliga mada Jiova moni rogoca!+ Moni dolava na matamuni Jiova moni raica!+ Moni rogoca na itukutuku kece e vakauta mai o Senakaripi me vakalialia kina na Kalou bula.+
18 E dina taucoko, kemuni Jiova, nira vakarusa na tui Asiria na veivanua kece,+ kei na nodra vanua.
19 Era kolotaka na nodra kalou ena bukawaqa+ nira sega ni kalou, e cakacaka ni liga ni tamata,+ na kau kei na vatu. Oya na vuna era vakarusa kina.
20 Ia qo kemuni Jiova na neimami Kalou, moni vakabulai keimami mai ligana mera kila kina na matanitu kece e vuravura ni o kemuni Jiova na Kalou duadua ga.”+
21 E vakauta sara na itukutuku qo o Aisea na luvei Emosi vei Esekaia: “Qo na ka e tukuna o Jiova na Kalou ni Isireli, ‘Ni o masuti au ena vuku i Tui Senakaripi e Asiria,+
22 qo na vosa e tukuna o Jiova me cudruvi kina:
“E beci iko na goneyalewa ni Saioni, e vakalialiai iko.
E kurea vei iko na uluna na goneyalewa ni Jerusalemi.
23 O cei o vosavakacacataka,+ o vosabeca?
O tabalaka vei cei na domomu+
O rai cake kina ena matamu viavialevu?
Vua na Yalosavasava ni Isireli!+
24 O vosavakacacataki Jiova+ ena gusudra na nomu dauveiqaravi, o kaya‘Ena levu ni noqu qiqinivaluAu na cabeta na veiulunivanua cecere,+Na veivanua yawa kei Lepanoni.
Au na taya sobu na kena sitari babalavu, kei na kena vunijunipa vinaka duadua.
Au na lakova na kena idrodro cecere duadua, na kena veikauloa.
25 Au na keli toevu meu gunu wai,Au na vakamacara na uciwai* ni Ijipita ena qeteqete ni yavaqu.’
26 O se sega ni rogoca? Ni a nakiti* ena gauna makawa sara.
Au vakarautaka ena gauna sa sivi.+
Ia qo au na vakayacora.+
O na vukica na koro vakabai me ibinibini benu.+
27 Era na malumalumu na lewena,Era na domobula ra qai madua.
Era na vaka na co ni vanua kei na co drokadroka,Me vaka na co ni delanivale e raqosa ena cagi na tokalau.
28 Ia au kila vinaka na nomu dabe, na nomu lako yani, na nomu lako mai,+Kei na nomu cudruvi au vakalevu,+
29 Ni sa yaco mai daligaqu+ na nomu cudruvi au+ kei na nomu viavialevu.
Au na curumaka na noqu iqila e ucumu kei na noqu varaele+ ena tebenigusumu,Au na tuberi iko lesu ena sala o muria mai.”
30 “‘Qo na ivakatakilakila vei iko:* Ena yabaki qo oni na kania na ka e tubu wale ga,* ena ikarua ni yabaki oni na kania na covuata e tubu mai kina, ia ena ikatolu ni yabaki oni na kaburaka na sorenikau moni tamusuka, oni na tea na loganivaini moni kania na vuana.+
31 O ira na Juta era dro bula, o ira na vo tiko,+ ena ti sobu na wakadra ra qai vua cake.
32 Ni na biuti Jerusalemi e dua na kena vo, kei ira na bula mai Ulu i Saioni.+ Ena vakayacora qo na yalogu i Jiova ni lewe vuqa.+
33 “‘Ia qo na ka e tukuna o Jiova me baleti tui Asiria:+
“Ena sega ni curu mai ena koro qo+
Se vanataka kina e dua na gasauSe sabaya ena dua na isasabaiSe vakaduria kina e dua na bainivalu.”’+
34 ‘Na sala e muria mai ena lesu kinaEna sega ni lako mai ina koro qo,’ e kaya o Jiova.
35 ‘Au na taqomaka na koro qo+ meu vakabula ena vukuqu,+Ena vuku i Tevita tale ga na noqu dauveiqaravi.’”+
36 E lako yani na agilosi i Jiova qai vakamatea e 185,000 na tagane ena nodra keba na kai Asiria. Nira yadra na tamata ena matakacaca, era raica na yago mate kece.+
37 E biubiu sara o Tui Senakaripi e Asiria me lesu i Ninive+ qai tiko mai kea.+
38 Ni cuva tiko ena vale* i Nisiroki na nona kalou, erau qai vakamatei koya ga ena iseleiwau na luvena tagane o Etirameleki kei Saresa,+ rau qai dro ina vanua o Ararata.+ E tui sara o Esatoni na luvena tagane+ me sosomitaki koya.
iVakamacala e ra
^ Se “valenitui.”
^ Ipe., “vakarau curu mai na katonigone.”
^ Qo na mataivalu vakalomalagi.
^ Se “na basoga ni Naile.”
^ Ipe., “vakayacori.”
^ Oya o Esekaia.
^ Se “tubu mai na sorenikau sa lutu.”
^ Se “burekalou.”
