Aisea 22:1-25
22 Na itukutuku bibi me baleta na Buca ni Raivotu:*+
Na cava e manati kemuni moni lako cake kece kina ina delanivale?
2 Oni maue vakalevu,Na koro kosakosa, na tauni mamarau.
Era sega ni mate ena iseleiwau o ira na nomuni mate,Se ra mate ena ivalu.+
3 Era dro kece na nomuni iliuliu voravora ena dua ga na gauna.+
Era kau vakavesu ni sega ni vakayagataki na dakaititi.
Ia o ira kece na kune era kau vakavesu,+Era dro sara vakayawa.
4 Oya na vuna au kaya kina: “Moni kua ni vakaraici au,Au na sorova na tagi.+
Ni kua ni saga moni vakacegui auNi sa rusa na goneyalewa ni* noqu tamata.+
5 Ni siga ni veilecayaki kei na siga ni druka kei na taqaya,+Mai vua na Turaga Cecere Duadua o Jiova ni lewe vuqa,*Ena Buca ni Raivotu.
Ena basu na bai+Era na tagi ina ulunivanua.
6 Era cola taga gasau o ira na Ilama+Ena qiqinivalu kei na ose e vodoka na tamata,E ucuna* o Kiri+ na isasabai.
7 Na nomu buca vinaka duaduaEna robota na qiqinivalu,Era na tu na ose* ena nodra itutu ena matamata,
8 Ena kauta tani na ivakaruru* nei Juta.
“Ena siga oya oni na goleva na valeniyaragi ena Vale ni Veikau,+
9 oni na raica ni kabasu tu vakalevu na bai ni Koro i Tevita.+ Oni na maroroya na wai ena tobu e ra.+
10 Oni na wilika na vale e Jerusalemi. Oni na basuka na vale me vakaukauataki kina na bai.
11 Oni na cakava e dua na tobu ena maliwa ni bai ruarua me to kina na wai ena tobu makawa, ia oni na sega ni goleva na Dauveibuli Uasivi e bulia, oni na sega ni raici koya e cakava makawa sara.
12 Ena siga oya na Turaga Cecere Duadua o Jiova ni lewe vuqa,Ena vakarota moni tagi, moni lolosi,+Moni tasia na ulumuni, moni vakaisulutaga.
13 Ia era reki, era marau,Era vakamate bulumakau, era moku sipi,Era kana lewe ni manumanu, era gunu waini.+
‘Meda kana meda gunu, nida na mate nimataka.’”+
14 E qai vakaraitaki koya o Jiova ni lewe vuqa e daligaqu: “‘Ena sega ni bokoci na cala qo ena vukumuni me yacova ni oni mate,’+ e kaya na Turaga Cecere Duadua o Jiova ni lewe vuqa.”
15 Qo na ka e kaya na Turaga Cecere Duadua o Jiova ni lewe vuqa: “Mo lako vua na dauniyau, vei Sepina+ e lewa tiko na vale,* mo kaya vua,
16 ‘Na cava o mai cakava eke, o cei o mai raica eke mo taya kina eke na nomu ibulubulu?’ E taya na nona ibulubulu ena vanua cecere, e taya na nona vanua ni vakacegu* ena vatu.
17 ‘Raica! O Jiova ena kolotaki iko sobu vakaukaua qai tauri iko vakaukaua.
18 Ena ologi iko vakaukaua qai viritaki iko me vaka na polo ina vanua raba. O na mate e kea, ena tiko e kea na nomu qiqinivalu totoka, ena beci kina na vuvale ni nomu turaga.
19 Au na vakasivoi iko mai na nomu itutu, au na vakacegui iko mai na nomu cakacaka.
20 “‘Ena siga oya au na kaciva na noqu dauveiqaravi, o Eliakimi+ na luvei Ilikaia,
21 au na vakaisulutaki koya ena nomu isulu balavu, au na vauci koya vinaka ena ivaunitolomu,+ au na solia e ligana na ka o lewa. Ena tamadra na lewe i Jerusalemi kei na vuvale i Juta.
22 Au na tauca e tabana na ki ni vale i Tevita.+ Ena dolava o koya ena sega ni dua me sogota, ena sogota o koya ena sega ni dua me dolava.
23 Au na vakataudeitaki koya me vaka na ivako ena dua na tikina tudei, ena yaco tale ga me idabedabe vakaturaga e dokai ena vuvale i tamana.
24 Era na rubeca vua na ka totoka kece ena vale i tamana, o ira na nona kawa kei ira na luvena, na iyaya lalai kece, na iyaya vaka na boulu, kei na saqa lelevu kece.
25 “‘Ena siga oya,’ e kaya o Jiova ni lewe vuqa, ‘ena cavuraki+ na ivako e coba ena dua na tikina tudei, ena lauta me lutu, ena lulutu tale ga na ka e rube kina me vakarusai, ni kaya sara ga o Jiova.’”
iVakamacala e ra
^ E vakaibalebaletaki Jerusalemi.
^ Dau cavuti me ivakaraitaki beka ni loloma se rarawa.
^ Qo na mataivalu vakalomalagi.
^ Se “vakarautaka.”
^ Se “na dauvodo ose.”
^ Se “na isasabai.”
^ Se “valenitui.”
^ Ipe., “itikotiko.”
