Aisea 25:1-12

  • Ra vakalougatataki vakalevu na tamata ni Kalou (1-12)

    • Kanavata ni waini vinaka duadua e vakarautaka o Jiova (6)

    • Sega tale na mate (8)

25  Kemuni Jiova, oni noqu Kalou. Au vakacerecerei kemuni, au vakacaucautaka na yacamuni,Ni vakatubuqoroqoro na ka oni cakava,+Na ka e nakiti* mai liu sara,+E dina,+ e nuitaki.   Oni vukica na koro me ibinibini vatu,Na tauni taqomaki vinaka me irusarusa. Na nodra valececere na vulagi me kua ni koro tale;Ena sega sara ni tara tale.   Oya na vuna era na vakalagilagi kemuni kina na tamata qaqa;Ena rerevaki kemuni+ na nodra koro na veimatanitu voravora.   O kemuni na nona bai kaukaua na vakaloloma,Na nona bai kaukaua na dravudravua ni rarawa,+Na ivunivuni mai na uca bi,Na ivakaruru mai na katakata.+ Ni vaka na carubi ni uca bi e lalaga na nodra cudru na tamata voravora,   Me vaka na katakata ni vanua sigasiga,Oni vakamalumutaka na nodra ue na vulagi. Me vaka ni vakamalumutaka na katakata na yaloyalo ni o,E vagalui tale ga va qori na nodra sere na tamata voravora.   Ena ulunivanua+ qo ena vakarautaka o Jiova ni lewe vuqa* vei ira na lewe ni veivanua keceE dua na kanavata ena kakana uro,+Na kanavata ni waini vinaka duadua,*Na kakana uro e levu kina na uro ni sui,Na waini vinaka duadua e savasava.   Ena ulunivanua qo ena vakarusa o koya na iubi e ubia kece tu na lewe ni veivanuaKei na iubi e ologi ira tu na veimatanitu kece.   Ena tiloma* vakadua o koya na mate,+Ena qusia na Turaga Cecere Duadua o Jiova na wainimata mai na matadra kece.+ Ena kauta tani na nodra beci na nona tamata e vuravura taucoko,Ni kaya sara ga o Jiova.   Ena siga oya era na kaya: “Raica! Qo na noda Kalou!+ Eda nuitaki koya,+Ena vakabulai keda.+ Qo o Jiova! Eda nuitaki koya. Meda reki meda marautaka na nona veivakabulai.”+ 10  Ena tiko ga na liga i Jiova ena ulunivanua qo,+Ena buturaki sobu o Moapi ena nona vanua+ Me vaka ni buturaki na tolonicovuata madu me maniwa. 11  Ena dodoka na ligana me sabicaMe vaka na dauqalo e sabica na wai ni qalo tikoEna vakamalumalumutaka na nona dokadoka+ Ni vakayagataka vakamaqosa na ligana. 12  Na koro vakabai kei na nomu bai cere taqomakiEna vakalolovirataka o koyaEna vakabalea sobu ina qele, ina kuvuniqele.

iVakamacala e ra

Se “lewai.”
Qo na mataivalu vakalomalagi.
Se “na waini e tu vata kei na kena kosa.”
Se “vakaotia.”