Aisea 46:1-13
46 Sa cuva sobu o Peli,+ sa vakalairoro o Nipo.
Na kedrau matakau e vakavodoki ena manumanu, ena manumanu dau cakacaka,+E vaka na iusana e bibi vua na manumanu sa oca.
2 Erau na vakalairoro, erau na cuva sobu vata,Erau sega ni vakabula rawa na iusana,*Erau sa kau vakabobula.
3 “Moni vakarorogo vei au na vuvale i Jekope kei kemuni na vo tiko ena vuvale ni Isireli,+O kemuni au keveta ni oni se qai sucu, au roqota mai na katonigone.+
4 Au na duadua tu ga me yacova ni oni qase,+Au na keveti kemuni tiko ga me sikoa mada na ulumuni.
Me vaka au dau cakava, au na keveti kemuni, au na roqoti kemuni, au na vakabulai kemuni.+
5 Oni na vakatautauvatataki au, se vakaduavatataki au se vakatauvatani au kei cei,+Me keirau tautauvata?+
6 Era sova vakayauyau na koula mai na nodra taga,Era vakarautaka na siliva ena ivakarau bibi.
Era sauma na matai ni kaukamea qai bulia kina e dua na kalou.+
Era tekicuva sara kina, io era qarava.*+
7 Era colata e tabadra,+Era laveta mera biuta ena kena vanua, e tu ga e kea.
E sega ni biuta na kena vanua.
Era kaciva, ia e sega ni rogo mai.+
E sega ni vakabula rawa e dua mai na nona rarawa.+
8 Moni nanuma qo, moni yaloqaqa.
Moni tugana e lomamuni, o kemuni na cakacala.
9 Moni nanuma na ka sa yaco oti e liuNi o yau ga na Kalou, e sega ni dua taleO yau ga na Kalou, e sega ni dua e vakataki au.+
10 Mai na ivakatekivu au tukuna na kena itinitiniMai na gauna makawa au tukuna na ka se bera ni yaco.+
Au kaya, ‘Na noqu lewa ena tu ga,+Au na vakayacora na ka kece au vinakata.’+
11 Au kaciva mai na icabecabe ni siga*+ na manumanuvuka,*Mai na vanua yawa na tamata me vakayacora na noqu lewa.+
Au sa tukuna, au na vakayacora.
Au sa nakita, au na cakava tale ga.+
12 Moni vakarorogo vei au, o kemuni na lomaqa,*O kemuni na yawaka na ivalavala dodonu.
13 Au sa kauta voleka mai na noqu yalododonu.
E sega ni yawa,Ena sega ni bera na noqu veivakabulai.+
Au na tauca na bula e Saioni, na noqu lagilagi vei Isireli.”+
iVakamacala e ra
^ Oya na matakau e vakavodoki ena manumanu.
^ Ipe., “cuva kina.”
^ Se “na tokalau.”
^ Se “manumanu co kena.”
^ Ipe., “yalokaukaua.”
