Aisea 43:1-28
43 Qo na ka e tukuna o Jiova,Na Dauveibuli, e buli iko Jekope, e buli iko Isireli:+
“Mo kua ni rere niu voli iko lesu.+
Au kacivi iko ena yacamu.
O noqu.
2 Ni o lako e lomaniwai, au na tiko vata kei iko,+Kei na loma ni veiuciwai, ena sega ni luvuci iko.+
Ni o lako ena loma ni bukawaqa, o na sega ni kamaSe yameci iko na yameyame.
3 Ni o yau o Jiova na nomu KalouNa Yalosavasava ni Isireli, na nomu iVakabula.
Au soli Ijipita me kemu ivoliO Iciopea kei Sepa ena vukumu.
4 Ni o talei e mataqu,+O rokovi, au lomani iko.+
Au na soli ira na tamata me kemu isosomiKei na veimatanitu me ivoli ni nomu bula.
5 Mo kua ni rere niu tokoni iko.+
Au na kauta mai na nomu kawa mai na tokalauAu na kumuni kemuni vata mai na ra.+
6 Au na kaya ina vualiku, ‘Soli ira mai!’+
Ina ceva, ‘Kua ni tarovi ira.
Kauti ira mai na luvequ tagane mai na vanua yawa, kei ira na luvequ yalewa mai na iyalayala kei vuravura,+
7 Era vakatokai kece ena yacaqu+
Au buli koya meu vakalagilagi kinaAu bulia, au cakava.’+
8 Mo kauti ira mai na tamata mataboko, e tiko na matadraEra didivara, ia e tiko na daligadra.+
9 Mera soqoni ena dua na vanua na veimatanitu keceMera kumuni vata na lewe ni veivanua.+
O cei vei ira me tukuna rawa qo?
Se ra tukuna vei keda na imatai ni ka?*+
Mera kauta mai na nodra ivakadinadina mera vakadonui kina,Se mera rogoca ra qai kaya, ‘E dina!’”+
10 “O kemuni na noqu ivakadinadina,”+ e kaya o Jiova,“Io na noqu dauveiqaravi au digitaka,+Moni kila moni vakabauti au,*Moni kila niu sega ni veisau.+
E sega ni dua na Kalou e bula e liu vei au,E sega tale ga ni dua me taravi au.+
11 O yau, o yau ga o Jiova,+ e sega ni dua tale na ivakabula, o yau ga.”+
12 “O yau ga au tukuna, au veivakabulai, au vakarogoyaNi sega vei kemuni na kalou tani.+
O kemuni ga na noqu ivakadinadina,” e kaya o Jiova, “o yau ga na Kalou.+
13 Au sega vakadua ni veisau,+Ena sega ni dua me kaliraka tani mai ligaqu e dua na ka.+
Niu yavala, o cei me tarova?”+
14 Qo na ka e tukuna o Jiova, o koya e voli kemuni lesu,+ na Yalosavasava ni Isireli:+
“Au na talatala i Papiloni ena vukumuni me biu sobu na ivakadei ni matamata,+Kei ira na Kalitia era tiko ena nodra waqa, era na kaila ena rarawa.+
15 O yau o Jiova na nomuni Yalosavasava,+ na Dauveibuli ni Isireli,+ na nomuni Tui.”+
16 Qo na ka e tukuna o JiovaO koya e cakava na gaunisala e wasawasaKei na sala ena wai voravora,+
17 O koya e kauta yani na qiqinivalu kei na ose,+Na mataivalu kei ira na tamata qaqa:
“Era na davo, era na sega ni duri.+
Era bokoci vakadua me vaka na vauvau ni cina.”
18 “Moni kua ni nanuma na ka e liuMoni kua ni vakasamataka na ka sa oti.
19 Raica! Au cakava tiko na ka vou,+Qo mada ga sa tubu tiko.
Oni sega ni kila?
Au na vakarautaka na sala ena vanua talasiga+
Kei na veiuciwai ena vanua dravuisiga.+
20 Ena rokovi au na manumanu kila ni veikau,Na jakoli* kei na ositereji,Niu vakarautaka na wai ena vanua talasiga,Na veiuciwai ena vanua dravuisiga,+Mera gunu kina na noqu tamata au digitaka,+
21 O ira na tamata au bulia me noquMera dau tukuna na noqu lagilagi.+
22 Ia o sega mada ga ni masuti au, Jekope,+Ni o sa oca na qaravi au, Isireli.+
23 O sega ni kauta mai vei au na sipi ni nomu isoro kama taucokoSe vakalagilagi au ena nomu isoro.
Au sega ni lavaka mo kauta mai vei au na isolisoli,Seu vakaocai iko niu vinakata na drega boivinaka.+
24 O sega ni volia vei au na kalamo* ena nomu ilavo,O sega ni vakamamautaki au ena uro ni nomu isoro.+
Ia o vakaocai au ena nomu ivalavala caO vakaogai au ena nomu cakacala.+
25 O yau, o yau ga au bokoca na nomu cala*+ ena vukuqu,+Au na sega ni nanuma na nomu ivalavala ca.+
26 Mo tukuna tale vei au, me daru lai veilewai mada,Mo vakamacalataki iko mai mo vakadonui kina.
27 E valavala ca na imatai ni qase,Era talaidredre vei au+ na nomu mata.*
28 O koya gona, au na beci ira na turaga ni vanua tabu,Au na soli Jekope me vakarusaiKei Isireli me vakarogocataki.+
iVakamacala e ra
^ Rairai dusia na imatai ni ka ena qai yaco.
^ Se “moni nuitaki au.”
^ Dua na mataqali koli kila, e ucu momoto, vutivutia na buina, e vaka na irairai ni fokisi.
^ Qo e dua na kau boivinaka. E sega ga ni kilai na yacana dina.
^ Se “talaidredre.”
^ Rairai dusi ira na qasenivuli ni Lawa.
