Aisea 63:1-19
63 O cei qo e lako tiko mai Itomi,+Mai Posira+ ena isulu duiroka serau,*O koya e totoka na nona isulu,E lako tiko ena nona kaukaua levu?
“O yau, au tukuna tiko na ka dodonu,E tu vei au na kaukaua meu veivakabulai.”
2 Na cava e damudamu kina na nomu isulu,Na cava e vaka kina na nodra isulu na butuka tiko na ikeliniwaini na nomu isulu?+
3 “Au butuka duadua na ikeliniwaini.
E sega ni dua vei ira na lewe ni veivanua keirau tiko vata.
Au butuka tiko ena noqu cudru,Au butubutuka tiko ena noqu katakata.+
E sikava na noqu isulu na kena dra,E vakadukara kece na noqu isulu.
4 Niu sa nakita na siga meu veisausaumi kina,+Sa yaco mai na nodra yabaki o ira au volia lesu.
5 Au vakararai e sega ni dua e mai veivuke,Au kurabuitaka ni sega ni dua e veitokoni.
E mani vakabulai+ au na ligaqu,E tokoni au na noqu katakata.
6 Au butubutuki ira na lewe ni veivanua ena noqu cudru,Au vakamatenitaki ira ena noqu katakata,+Au sova na nodra dra ina qele.”
7 Au na tukuna na ka e cakava o Jiova ena dei ni nona loloma,Au na vakacaucautaki Jiova ena ka kece e cakava,Ena vuku ni ka kece e cakava vei keimami o Jiova,+Na levu ni nona caka vinaka ina vuvale ni Isireli,Me vaka na nona loloma kei na dei ni nona loloma levu.
8 Ni kaya: “Era noqu tamata dina, era luvequ yalodina.”+
E mani nodra ivakabula o koya.+
9 Ena gauna kece era rarawa kina e rarawa o koya.+
Ia na nona italai ga* e vakabulai ira.+
Ena nona loloma kei na nona veinanumi e voli ira lesu kina,+E keveti ira qai kauti ira ena veigauna sa oti.+
10 Ia era talaidredre ga,+ era vakararawataka na yalona tabu.+
E vuki me kedra meca,+E valuti ira o koya.+
11 Era qai nanuma na veigauna sa oti,Na gauna i Mosese na nona dauveiqaravi:
“I vei o koya e kauti ira cake mai na wasawasa+ kei ira na ivakatawa ni nona qelenisipi?+
I vei o koya e solia vua na yalona tabu,+
12 Na ligana lagilagi e tokona na ligaimatau i Mosese,+O koya e wasea na wai e matadra+Me rogo kina na yacana me tawamudu,+
13 O koya e tuberi ira mera lakova na wai voravora,*Era lako era sega ni tarabe,Me vaka na ose ena vanua lala?*
14 Me vaka na manumanu ni lako sobu ina buca,E vakacegui ira na yalo i Jiova.”+
Oni liutaki ira va qo na nomuni tamata,Me totoka kina na yacamuni.+
15 Moni rai sobu mai lomalagi moni raicaMai na nomuni itikotiko tabu cecere qai lagilagi.
I vei na nomuni yalogu kei na nomuni kaukaua,Na kena uqeti kemuni na yalovinaka*+ kei na nomuni loloma?+
E kinoci vei keimami.
16 Ni o kemuni ga na Tamai keimami,+O Eparama e sega ni kilai keimamiE sega tale ga ni kilai keimami o Isireli,O kemuni ga Jiova na Tamai keimami.
Oni voli keimami lesu ena gauna makawa na yacamuni.+
17 Na cava oni vakasesei keimami kina Jiova mai na nomuni sala?
Na cava oni vakalomaqataki keimami kina me keimami kua ni dokai kemuni?+
Moni lesu mai ena vukudra na nomuni dauveiqaravi,Na veiyavusa ni nomuni ivotavota.+
18 Era taukena vakalekaleka na nomuni tamata yalosavasava.
O ira na keimami meca era butuka sobu na nomuni itikotiko tabu.+
19 Sa dede na neimami vakataki ira oni sega ni lewa,Me vakataki ira era sega ni vakatokai ena yacamuni.
iVakamacala e ra
^ Se rawa ni, “damudamu serau.”
^ Se “na agilosi e tiko e matana.”
^ Se “wai titobu.”
^ Se “vanua talasiga.”
^ Ipe., “Na yavavala ni lomamuni.”
