Aisea 29:1-24
29 “E rarawa o Erieli,* o Erieli na koro e keba kina o Tevita!+
Me kua ni mudu ena veiyabaki;
Moni soqo+ tiko ga.
2 Ia au na vakararawataki Erieli,+Era na lolosi, era na lele,+Ena vuki o koya me matadravu ni cabocabonisoro ni Kalou.+
3 Au na keba wavoki meu valuti iko,Au na viria na kemu bai momotoAu na vakaduria na kemu bainivalu.+
4 O na vakabalei sobu;O na vosa mai na qele,Na ka o cavuta ena rogolailai mai na kuvuniqele.
Ena rogo na domomu mai na qele+
Me vaka na domo ni dauvakacuru,O na vakasolokakana mai na kuvuniqele.
5 Na nodra ilala na kemu meca* ena vaka na pauta matailalai,+Na ilala voravora ena vaka na qa ni covuata e cagina.+
Ena yaco vakasauri, ena vakidacala.+
6 Ena golevi kemuni o Jiova ni lewe vuqa*
Ena kurukuru, ena uneune, ena rorogo levu,Ena cagi kaukaua, ena cagilaba, kei na yameyame ni buka dau veiyameci.”+
7 E qai valuti Erieli na ilawalawa ni veimatanitu kece,+O ira kece era valuti koyaNa nodra valenivalu cecere mera valuti koya kinaKei ira era vakararawataki koyaEna vaka na tadra, na raivotu ni bogi.
8 Io ena vaka ga ni tadra e dua e waloloi ni kana tikoIa e waloloi ni yadra maiEna vaka ga e tadra e dua e karamaca ni gunu tikoIa e oca qai karamaca ni yadra mai.
Qori na ka ena yacovi ira na ilawalawa ni veimatanitu keceEra valuta na Ulu i Saioni.+
9 Moni kidacala, ni kurabui,+Moni ubia na matamuni, moni mataboko.+
Era mateni, ia era sega ni mateni ena wainiEra veicebayaki, ia era sega ni veicebayaki ena gunu.
10 Ni sova vei kemuni o Jiova na yalo ni mocelutu,+E sogota na matamuni na parofita,+E ubia na ulumuni na dauraivotu.+
11 Vei kemuni, na raivotu kece e vaka na vosa ni ivola e dregati.+ Nira solia vua e dua e rawa ni wilika, era kaya: “Yalovinaka, wilika qo i cake,” ena kaya mai o koya: “Au sega ni wilika rawa ni dregati tu.”
12 Nira solia na ivola vua e dua e sega ni wilika rawa, era kaya: “Yalovinaka, wilika qo,” ena kaya mai o koya: “Au sega ni kila na wilivola.”
13 E kaya o Jiova: “Era torovi au na tamata qo ena gusudraEra rokovi au ena tebenigusudra,+Ia na lomadra e yawa sara vei auNa nodra dokai au e yavutaki ena ivakaro ni tamata era vulica.+
14 Ia o yau ga au na vakayacora tale na ka vakatubuqoroqoro vei ira na tamata qo,+Ena vakatubuqoroqoro dinaEna oti na vuku ni nodra tamata vukuEna vunitaki na nodra kilaka na nodra tamata yalomatua.”+
15 Era rarawa o ira na saga matua mera vunitaka vei Jiova na nodra lalawa,+Era cakava na ka ena vanua butobutoEra kaya: “O cei e raici keitou tiko?
O cei e kilai keitou?”+
16 Sa dua na ka moni veisautaka!*
Erau tautauvata na dautulituli kei na qele?+
Me kaya kina na ka e tuli vua e tuli koya:
“E sega ni tuli au o koya”?+
Se kaya na ka e buli vua e buli koya:
“E sega ni kila na ka e cakava tiko”?+
17 Ena dua na gauna lekaleka qo ena vuki o Lepanoni me loga ni kauvuata,+Kei na loga ni kauvuata me veikau.+
18 Ena siga oya ena rogoca na didivara na vosa ni ivolaEna raibasikata na mata ni mataboko+ na kabukabu kei na butobuto.
19 Era na marautaki Jiova vakalevu na yalomalumalumuKei ira na tamata dravudravua era na rekitaka na Yalosavasava ni Isireli.+
20 Ni na oti na tamata voravoraEna muduki o koya e dau tukutukuni koyaEra na vakarusai kece o ira na via veivakaleqai.+
21 O ira na vosa lasu mera vakacala eso,Era biria na kena dai na dautataro* ena matamatanikoro,+Era sega ni lewa vakadodonu na yalododonu ena ile tawayaga.+
22 Ia qo na ka e kaya ina vuvale i Jekope o Jiova, o koya e vakabulai Eparama:+
“Ena sega ni madua tale o JekopeEna sega ni vulaci tale na matana.*+
23 Ni raici ira na luvenaNa cakacakaniligaqu nira maliwai koya,+Era na vakarokorokotaka na yacaquIo era na vakarokorokotaka na Yalosavasava i JekopeEra na qoroya na Kalou ni Isireli.+
24 O ira na murilomadra era na yalomatua maiKei ira na vosakudrukudru era na muria na ivakavuvuli.”
iVakamacala e ra
^ Rairai kena ibalebale “Na Matadravu ni iCabocabonisoro ni Kalou,” de dusi Jerusalemi.
^ Ipe., “kaitani.”
^ Qo na mataivalu vakalomalagi.
^ Se “Sa dua na ka nomuni drecala!”
^ Ipe., “o koya e veivakadodonutaki.”
^ Oya ena madua kei na rarawa.
