Aisea 45:1-25

  • Lumuti o Sairusi me ravuti Papiloni (1-8)

  • Kua ni vorata na Dautulituli na qele (9-13)

  • Ra kilai Isireli na veimatanitu (14-17)

  • Nuitaki na Kalou ena ibulibuli kei na ka e vakatakilai (18-25)

    • Buli na vuravura me tawa (18)

45  Qo na ka e kaya o Jiova vua na nona lumuti, vei Sairusi,+Na ligana imatau au taura+Meu vakamalumalumutaka vua na veimatanitu,+Meu kauta tani na nodra iyaragi* na tui,Meu dolava vua na katuba e rua,Me kua ni sogo na matamata:   “Au na liutaki iko,+Au na vakatautauvatataka na veidelana. Au na musumusuka na katuba kopa,Au na taya na ivakadei kaukamea.+   Au na solia vei iko na iyau ena vanua butobutoKei na iyau vuni ena yasana tabogo,+Mo kila kina ni o yau o Jiova,Na Kalou ni Isireli, e kacivi iko ena yacamu.+   Ena vuku i Jekope na noqu dauveiqaravi kei Isireli au digitaka,Au kacivi iko ena yacamu. Au solia vei iko na yaca dokai, ia o sega ni kilai au.   O yau o Jiova, e sega ni dua tale. E sega ni dua tale na Kalou, o yau ga.+ Au na vakaukauataki* iko, ia o sega ni kilai au,   Mera kila na tamataMai na icabecabe ni siga ina kena idromudromu,*Ni sega ni dua tale, o yau ga.+ O yau o Jiova, e sega ni dua tale.+   Au vakatubura na rarama,+ au bulia na butobuto,+Au vakavuna na sautu,+ au vakatubura na ca,+O yau o Jiova, au cakava na ka kece qo.   Kemuni na lomalagi, moni lutu mai cake,+Me sova mai na o na cakacaka dodonu. Me tadola na qele me vakatubura na bula,Me vakatubura na cakacaka dodonu ena gauna vata qori.+ O yau o Jiova, au bulia qori.”   Ena rarawa o koya e vorata* na Dauveibuli,Ni vorovoro wale ga ni iyaya qele o koyaEna kedra maliwa na ivovo ni iyaya qele e tu ena qele! Ena tukuna na qele vua na Dautulituli:* “Na cava o tulia tiko?”+ Se kaya na ka o bulia: “E sega tu na ligana”?* 10  E kalouca o koya e tukuna vei tamana: “Na cava o vakatubura?” E tukuna vei tinana: “Na cava o vakasucuma?” 11  Qo na ka e tukuna o Jiova, na Yalosavasava ni Isireli,+ na Dauveibuli: “Oni na tarogi au ena ka ena yaco mai,Oni na vakaroti au me baleti ira na luvequ+ kei na cakacakaniligaqu? 12  Au buli vuravura,+ au bulia na tamata era tiko kina.+ Au tevuka na lomalagi ena ligaqu,+Au vakarota tale ga na kena mataivalu kece.”+ 13  “Au vakauqeta e dua na tamata ena yalododonu,+Au na vakadodonutaka na nona sala kece. O koya ga ena tara na noqu koro+Me sereki ira na noqu era vesu tu,+ ia ena sega ni soli na kedra ivoli se veivaqumi,”+ e kaya o Jiova ni lewe vuqa.* 14  Qo na ka e tukuna o Jiova: “Na iyau* ni Ijipita kei na iyaya* ni Iciopea kei ira na kai Sipa, era tamata babalavu,Era na lako yani vei iko mera nomu. Era na muri iko nira vesu ena sinucodo. Era na lako yani mera cuva vei iko.+ Era na masuti iko, ‘E tiko dina vei iko na Kalou,+E sega ni dua tale, e sega ni dua tale na Kalou.’” 15  Io, o kemuni ga na Kalou oni vunitaki kemuniNa Kalou ni Isireli, na iVakabula.+ 16  Era na madua ra qai matavelavela keceEra na lako kece yani ena madua o ira na bulia na matakau.+ 17  Ia ena vakabulai Isireli o Jiova ena veivakabulai e sega ni mudu.+ Oni na sega ni madua se matavelavela me tawamudu.+ 18  Ni qo na ka e tukuna o Jiova,O koya e bulia na lomalagi,+ na Kalou dina,O koya e bulia na vuravura, na Dauveibuli e vakataudeitaka,+E sega ni bulia me lala, e bulia ga me tawa:+ “O yau o Jiova, e sega ni dua tale. 19  Au sega ni vosa ena dua na vanua vuni,+ ena vanua buto,Au sega ni kaya vei ira na luvei* Jekope,‘Moni kua ni qarai au wale ga.’ O yau o Jiova, au tukuna tiko na ka dodonu, au tukuna na ka dina.+ 20  Moni soqoni vata moni lako mai. Moni toro vata mai, o kemuni na dro mai na veimatanitu.+ Era sega ni kila e dua na ka, o ira era colata wavoki na ivakatakarakara ceutiEra masuta na kalou ena sega ni vakabulai ira rawa.+ 21  Moni tukutuku, moni vakamacala. Mera veivosaki vata. O cei sa tukuna makawa tu na ka qo,O cei e vakaraitaka ena gauna sa oti? Sega ni o yau ga, o Jiova? E sega ni dua tale na Kalou, o yau ga,Na Kalou yalododonu kei na iVakabula,+ e sega ni dua tale o yau ga.+ 22  Moni golevi au mai moni vakabulai,+ na iyalayala kece kei vuravura,Ni o yau ga na Kalou, e sega ni dua tale.+ 23  Au bubului ga vakataki au,E lako yani na vosa ena gusuqu daudina,Ena sega ni lesu mai:+ Ena tekiduru vei au na duru keceEna bubului ena yalodina na yame kece+ 24  Ena kaya, ‘O Jiova ga e yalododonu, e kaukaua. O ira kece na katakatataki koya era na lako vua ena madua. 25  O Jiova ena vakadonui ira kece na kawa nei Isireli,+Era na sakitaki koya.’”

iVakamacala e ra

Ipe., “sereka na ivau ni tolodra.”
Ipe., “vauci iko vinaka.”
Se “Mai na tokalau ina ra.”
Se “e veileti kei.”
Se “vei koya e bulia.”
Se rawa ni, “Se kaya na qele: ‘Na ka o bulia e sega tu na ligana’?”
Qo na mataivalu vakalomalagi.
Se rawa ni, “tamata cakacaka.”
Se rawa ni, “dauveivoli.”
Ipe., “kawa.”