Aisea 20:1-6
-
iVakatakilakila vei Ijipita kei Iciopea (1-6)
20 Ena yabaki e tala kina i Asoto+ na Taritani* o Tui Sarikoni e Asiria, e valuti Asoto o koya qai vakadruka.+
2 E vosa ena gauna oya o Jiova vei Aisea+ na luvei Emosi, e kaya: “Lako, mo luvata na isulutaga mai tolomu, mo luvata tale ga na nomu ivava mai yavamu.” E vakayacora qori o koya, e veilakoyaki ni luvawale* qai sega ni vakaivava.
3 E kaya tale o Jiova: “Me vaka ga ni veilakoyaki luvawale o Aisea na noqu dauveiqaravi qai sega ni vakaivava me tolu na yabaki me ivakatakilakila,+ me ivakaro tale ga vei Ijipita+ kei Iciopea,+
4 ena liutaki ira na vesu mai Ijipita+ kei ira na vesu mai Iciopea na tui Asiria, o ira na cauravou kei ira na qase, era luvawale, era sega ni vakaivava, e laurai na butadra, na luvawale nei Ijipita.
5 Era na domobula, era na maduataki Iciopea na nodra inuinui kei Ijipita na nodra isakisaki.
6 O ira na tiko ena baravi qo era na kaya ena siga oya, ‘Raica na ka sa yacova na noda inuinui eda dro kina me vukei keda, me vakabulai keda vei tui Asiria! Eda na qai bula vakacava?’”
