Aisea 38:1-22
38 Ena gauna oya e tauvimate o Esekaia, e voleka sara ni mate.+ E lako yani o Aisea na parofita,+ na luvei Emosi, e kaya vua, “Qo na ka e tukuna o Jiova, ‘Mo tatau mada vei ira na lewe ni nomu vuvale ni o na mate, o na sega ni bula tale.’”+
2 E mani vuki i lalaga o Esekaia, e masuti Jiova sara:
3 “Au vakamasuti kemuni Jiova, moni nanuma+ mada na noqu lako voli e matamuni ena yalodina, ena lomaqu taucoko,+ au qai caka vinaka e matamuni.” E mani tabalaka na tagi o Esekaia.
4 E kaya vei Aisea o Jiova:
5 “Mo lesu mo tukuna vei Esekaia,+ ‘Qo na ka e tukuna o Jiova na Kalou nei Tevita na nomu qase: “Au sa rogoca na nomu masu.+ Au sa raica na wainimatamu.+ Au na kuria na nomu bula me 15 tale na yabaki,+
6 au na vakabulai iko kei na koro qo mai na liga i tui Asiria, au na taqomaka na koro qo.+
7 Qo na ivakatakilakila mai vei Jiova me vakaraitaka vei iko ni na vakayacora o Jiova na ka e tukuna:+
8 Au na vakasuka i muri na yaloyalo ni matanisiga e lako sobu ena ikabakaba* nei Easi me tini na ikalawa.”’”+ E mani suka na matanisiga me tini na ikalawa ena ikabakaba e lako sobu kina.
9 Na ka e vola o Tui Esekaia e Juta ni tauvimate qai bula tale mai na kena mate.
10 Au tukuna: “Ni tudonu na noqu bulaAu na lako ina matamata kei iBulubulu.*
Sa kau tani vei au na vo ni noqu bula.”
11 Au kaya: “Au na sega ni raici Ja,* io o Ja ena nodra vanua na bula.+
Au na sega ni raica tale na kawatamataNiu na tomani ira na tiko ena vanua e sega kina na bula.
12 Sa cavu na noqu vale qai kau tani vei au+
Me vaka na valelaca ni ivakatawanisipi.
Au sa viviga na noqu bula me vaka na dautali isuluE kotivi au me vaka na wa ni isulutali.
Mai na siga ina bogi oni saga tiko ga moni muduki au.+
13 Au dei tiko ga me yacova na mataka.
Me vaka na laione, e qurulaka o koya na suiqu keceMai na siga ina bogi oni saga tiko ga moni muduki au.+
14 Me vaka na kakabace se na belo, au tagi tiko ga,+Au kiru tiko ga me vaka na ruve.+
E oca na mataqu ena rai cake:+
‘Kemuni Jiova, au sa rarawa vakalevuMoni tokoni au!’+
15 Na cava meu kaya?
E vosa vei au o koya, e vakayacora tale ga.
Au na lako vakamalua ena noqu bula keceEna levu ni noqu rarawa.
16 ‘Kemuni Jiova, ena ka* qo era bula tiko kina na tamata,Ena vuku ni ka qo au bula tiko kina.
Oni na vakabulabulataki au tale, moni vakabulai au.+
17 Raica! E vuki na noqu vakacegu me rarawa levu,Ia ni oni lomani au,Oni vakabulai au mai na qara ni rusa.+
Oni biuta i dakumuni na noqu ivalavala ca kece.+
18 Ni na sega ni vakalagilagi kemuni na iBulubulu.*+
Era sega ni vakacaucautaki kemuni na mate.+
O ira na lako sobu ina qara era sega ni nuitaka rawa na nomuni yalodina.+
19 O koya e bula, io o koya e bula ena vakacaucautaki kemuni,Me vakataki au ena siga qo.
Na tama ena vakavulica na nomuni yalodina vei ira na luvena.+
20 Kemuni Jiova moni vakabulai au,Keimami na lagata noqu sere me salavata kei na ivakatagi vakawa+
Ena vale i Jiova ena gauna taucoko ni neimami bula.’”+
21 E kaya sara o Aisea: “Me kau mai e dua na ibuli lolo rabaraba sigani me bulu kina na bo, me bula o koya.”+
22 E taroga o Esekaia: “Na cava na ivakatakilakila niu na lako cake ina vale i Jiova?”+
iVakamacala e ra
^ De vakayagataki na ikabakaba qo me tukuna na gauna, me vaka na kaloko matanisiga.
^ Se “Seoli,” oya na ibulubulu ni kawatamata. Raica na iVakamacala ni Vosa.
^ “Ja” na ivakaleka ni yaca Jiova.
^ Oya na vosa ni Kalou kei na ka e cakava.
^ Se “Seoli,” oya na ibulubulu ni kawatamata. Raica na iVakamacala ni Vosa.
