Aisea 50:1-11
50 Qo na ka e kaya o Jiova:
“I vei na ivola ni veisere+ nei tinamuni au vakatala?
Seu dinau tu vei cei meu volitaki kemuni kina?
Raica! Ena vuku ni nomuni cala+ oni volitaki kina,Ena vuku tale ga ni nomuni cakacala e vakatalai kina o tinamuni.+
2 Na cava ga e sega ni tiko kina e dua niu lako yani?
Na cava e sega ni rogo kina e dua niu kaci?+
E lekaleka na ligaqu meu veisereki,Se sega na noqu kaukaua meu veivakabulai?+
Raica! Niu veivunauci au vakamacara kina na wasawasa,+Au vukica na veiuciwai me vanua dravuisiga.+
E bona na kedra ika ni lailai na wai,Era mate ena karamaca.
3 Au vakaisulutaka na lomalagi ena butobuto,+Au cakava na isulutaga me kena iubi.”
4 E solia vei au na Turaga Cecere Duadua o Jiova na yame e vakavulici,*+
Meu kila na vosa donu meu cavuta* vua e oca.+
E vakayadrati au ena veimataka,E dolava na daligaqu meu vakarorogo me vakataki ira na vakavulici.+
5 E dolava na daligaqu na Turaga Cecere Duadua o Jiova,Ia au sega ni cata.+
Au sega ni vakanadakuya.+
6 Au solia na dakuqu vei ira na mokuti auKei na baluqu vei ira na cavu kumi.
Au sega ni tabonaka na mataqu mai na ka velavela kei na ikasivi.+
7 Ia na Turaga Cecere Duadua o Jiova ena vukei au.+
Oya na vuna au na sega ni madua kina.
Oya na vuna au vakaukauataka kina na mataqu me vaka na vatu gagata,+Au kila niu na sega ni madua.
8 Sa voleka mai o koya e vakadonui au.
O cei me beitaki au?+
Me keirau mai duri vata.*
O cei e via vorati au?
Me torovi au mai.
9 Raica! Ena vukei au na Turaga Cecere Duadua o Jiova.
O cei ena vakacalai au?
Raica! Era na madra kece me vaka na isulu.
Ena kani ira na sarasara.
10 O cei vei kemuni e dokai* Jiova
E rogoca na vosa ni nona dauveiqaravi?+
E lako ena butobuto, e sega vua na rarama?
Me nuitaka na yaca i Jiova, me ravi* vua na nona Kalou.
11 “Raica! O kemuni kece na waqara tiko na buka,Oni vakacaudreva na lidi ni buka,Moni lako ena rarama ni nomuni bukawaqa,Ena lidi ni buka oni vakacaudreva.
Qo na ka oni na rawata mai ligaqu:
Oni na davo sobu ena levu ni mosi.
iVakamacala e ra
^ Se “na yame vakavulici vinaka.”
^ Se rawa ni, “vakayaloqaqataki koya.”
^ Se “mai veiraimata.”
^ Ipe., “rerevaki.”
^ Se “vakararavi.”
