Aisea 57:1-21

  • Mate na yalododonu kei ira na yalodina (1, 2)

  • Vakavotui na saqamua vakayalo nei Isireli (3-13)

  • Vakacegui na yalobibivoro (14-21)

    • Vaka na wasawasa voravora na tamata ca (20)

    • Sega ni vakacegu na tamata ca (21)

57  Sa mate na yalododonu,Ia e sega ni dua e kauaitaka e lomana. O ira na tamata yalodina era kau tani,*+ E sega ni dua e liaca ni sa kau tani na tamata yalododonuEna vuku ni ca.   E curu ina ivakavakacegu. Era vakacegu toka ena nodra idavodavo,* o ira kece na lako vakadodonu.   “Ia o kemuni, moni toro mai,O kemuni na luve ni yalewa daucakaisausau,O kemuni na luve ni veibutakoci kei na saqamua:   O cei oni vakalialia tiko? O cei oni dolava vakalevu kina na gusumuni moni darayame kina? Vakaevei, oni luve ni talaidredre,Na luve ni lasulasu,+   O ira na gagano tiko ena maliwa ni vunikau lelevu,+Ena ruku ni vunikau bulabula kece,+Era vakamatea na luvedra ena buca,*+ Ena ruku ni uluvatu?   Na vatu yagoyagovinaka ni buca* e nomu ivotavota.+ Io qo na nomu ivotavota. O livia mada ga vei ira na isoro livi, o cabora kina na isolisoli.+ Meu marautaka na* ka qo?   Ena dela ni ulunivanua cecere qai rewaicake, o vakarautaka na nomu idavodavo,*+ O lako cake kina mo vakacaboisoro.+   Ena daku ni isogo kei na duru ni katuba o vakaduria kina na nomu ivakananumi. O biuti au mo luvata na nomu isulu,O lako cake mo vakalevutaka na nomu idavodavo. O qai veiyalayalati kei ira. O taleitaka mo davo tale ga ena nodra idavodavo,+O wanonova na yago tabu vakatagane.*   O lako sobu vei Meleki* ni o kauta na waiwai,Kei na levu na ilumu. O talai ira vakayawa na nomu mata,Mo lako sobu kina ina iBulubulu.* 10  O sa oca ena levu ni nomu veilakoyaki,Ia o sega ni kaya, ‘E tawayaga!’ O vakaukauataki tale. Oya na vuna o sega ni soro kina. 11  “O cei o domobulataka se rerevakaMo tekivu lasu kina?+ O sega ni nanumi au.+ O sega ni tugana i lomamu.+ Vakacava au galu tiko ga, seu vunia na ka?+ Mo sega ni rerevaki au kina. 12  Au na vakatakila na nomu ‘yalododonu’+ kei na nomu cakacaka,+Ena sega ni yaga vei iko qori.+ 13  Ni o kere veivuke,Ena sega ni vakabulai iko na matakau o kumuna.+ Na cagi ena kauta tani kece. Na icegu wale ga ena vukataki ira,Ia o koya e dro mai vei au ena nona na vanuaEna taukena na noqu ulunivanua tabu.+ 14  Ena tukuni, ‘Moni buluta, moni buluta na sala! Moni caramaka na sala.+ Kauta tani na ka e latia na nodra sala na noqu tamata.’” 15  Ni qo na ka e kaya o koya e Cecere, e LevuE bula tiko me tawamudu,+ na yacana o yalosavasava:+ “Au tiko mai cake, ena vanua savasava,+Ia vei ira tale ga na yalolailai kei ira na yalobibivoroMeu vakabula na yalobibivoroMeu vakabula na lomadra na yalolailai.+ 16  Niu na sega ni saqati ira me tawamuduSeu cudru tiko ga,+Ni na malumalumu mai na igunibula ena vukuqu,+Vaka kina na kabula au bulia. 17  Au cudruvaka na ca ni nona sasaga me rawaka vakailawaki,+Au mani mokuti koya, au vunia na mataqu, au cudruva. Ia e vakaitovotaki koya tiko ga me vaka na vukitani,+ e murilomana ga. 18  Au sa raica na nona ivalavala,Ia au na vakabulai koya,+ au na tuberi koya+Meu vakasuka tale* vua na vakacegu+ kei ira na nona era tagi.”+ 19  “Au na vakatubura na vua ni tebenigusu. Na vakacegu e sega ni mudu ena soli vua e tiko vakayawa kei koya e tiko voleka,”+ e kaya o Jiova,“Au na vakabulai koya.” 20  “Ia o ira na tamata ca era vaka na wasawasa voravora e sega ni maravu rawa,Na kena ua e kauta cake mai na coniwaitui kei na soso. 21  E sega na vakacegu,” e kaya na noqu Kalou, “vei ira na tamata ca.”+

iVakamacala e ra

Oya nira sa mate.
Oya ena ibulubulu.
Se “waimaca.”
Se “waimaca.”
Se “vakacegui ena.”
Qo e rairai dusia na icabocabonisoro ni kalou lasu se vanua ni sokalou.
Qo e rairai dusia na qaravi matakau.
Se rawa ni, “vua na tui.”
Se “Seoli,” oya na ibulubulu ni kawatamata. Raica na iVakamacala ni Vosa.
Se “sauma.”