Aisea 64:1-12
64 Ke oni dresulaka mada na lomalagi moni lako sobu mai,Me sakure na veiulunivanua ena vukumuni,
2 Me vaka na bukawaqa e yameca na tabanikau,Kei na bukawaqa e kere kina na wai,Ena vakatakilai na yacamuni vei ira na kemuni meca,Mera sautaninini e matamuni na veimatanitu!
3 Ni oni vakayacora na ka vakatubuqoroqoro keimami sega ni namaka,+Oni lako sobu mai qai yavavala na veiulunivanua e matamuni.+
4 Ena gauna makawa e sega ni dua e rogoca se vakatudaliga kina,Se raica e dua na Kalou, o kemuni gaOni yavala ena vukudra na waraki koya tiko.+
5 Oni sotavi ira na marau mera cakadodonu,+Era nanumi kemuni nira muria na nomuni ivalavala.
Raica! Oni cudru ni keimami valavala ca tiko ga,+Keimami cakava voli ena dua na gauna balavu.
Me keimami vakabulai ena gauna qo?
6 Keimami vaka kece e dua e sega ni savasava,Na neimami ivalavala dodonu kece e vaka na isulu ni matenivula.+
Keimami na malai kece me vaka na draunikau,Na neimami cala ena kauti keimami me vaka na cagi.
7 E sega ni dua e masuta na yacamuni,E sega ni dua e uqeti me kubeti kemuni,Ni oni vunia vei keimami na matamuni,+Oni vakawaicalataki keimami ena vuku ni neimami cala.
8 Ia qo kemuni Jiova, oni Tamai keimami.+
O keimami na qele, o kemuni na Dautulituli*+ oni tuli keimamiKeimami cakacaka kece ni ligamuni.
9 Moni kua ni cudru vakalevu Jiova,+Moni kua ni nanuma tiko ga na neimami cala.
Yalovinaka moni raici keimami, ni keimami nomuni tamata kece.
10 Na nomuni koro tabu sa vanua talasiga.
O Saioni sa vanua talasiga,O Jerusalemi sa lala.+
11 Na neimami vale* tabu totoka,Era dau vakacaucautaki kemuni kina na tukai keimami,Sa kama ena bukawaqa,+Na neimami ka talei kece sa rusa.
12 Ni yaco na ka kece qo, oni na sega tiko ga ni yavala kemuni Jiova?
Oni na galu tiko ga me keimami vakararawataki vakalevu?+
