Aisea 27:1-13
27 Ena siga oya ena vakayagataka o Jiova na nona iseleiwau gata, e levu qai kaukaua,+Ena cudruvi Livaiacani* kina, na gata dau dolo,O Livaiacani na gata dau cibini,Ena vakamatea na manumanu levu e tiko e wasawasa.
2 Ena siga oya moni lagata vua:*
“Na loganivaini ni waini vusovusoa!+
3 O yau o Jiova, au taqomaki koya tiko.+
Au na suya e veigauna.+
Au na taqomaki koya ena bogi kei na sigaMe kua ni dua e vakaleqai koya.+
4 Sa sega vei au na cudru.+
O cei ena valuti au ena kau vakavotona kei na co ca ena ivalu?
Au na butuki ira, au na vakamai ira vata kece.
5 Ke sega me mai taura o koya na noqu koro kaukaua.
Me keirau veiyaloniMe keirau veiyaloni.”
6 Ena gauna mai muri ena ti sobu na waka i JekopeEna se o Isireli, ena tubu,+Ena robota na vanua na vuadra.+
7 Vakacava, me moku o koya ena imoku nei koya e mokuti koya tiko?
Se me vakamatei me vakataki ira e vakamatea?
8 Oni na valuti ira ena kaila ni veivakarerei, oni vakatalai ira sara.
Ena cemuri ira o koya ena nona cagi kaukaua ena siga ni cagi na tokalau.+
9 Ena bokoci gona va qo na cala i Jekope,+Qo na vuana kece ni sa kau tani na nona ivalavala ca:
Ena cakava na vatu kece ni icabocabonisoroMe vaka na lase e vurumemea,Me kua ni vo na duru ni sokalou* se na itutu ni ka boivinaka.+
10 Ena lala na koro vakabai vinaka,Ena biu na vanua veico, ena biu tu me vaka na vanua lala.+
Ena kana, ena davo e kea na luvenibulumakauEna kania na tabana.+
11 Ni malai na tabana lalai,Era na lako yani na yalewa mera musuka,Mera vakama.
Nira sega ni yalomatua na tamata qo.+
Oya na vuna ena sega ni lomani ira kina na Dauveibuli e buli ira,O koya e buli ira ena sega ni vakadonui ira.+
12 Ena siga oya ena samuta na vuana o Jiova mai na Uciwai* drodro me yaco ina Waimaca* o Ijipita,+ oni na tomi yadua va ya na Isireli.+
13 Ena siga oya ena uvuci e dua na davui* levu,+ era na lako mai o ira na vakarau mate ena vanua o Asiria+ kei ira na veiseyaki tu ena vanua o Ijipita+ mera cuva vei Jiova ena ulunivanua tabu e Jerusalemi.+
iVakamacala e ra
^ Raica na iVakamacala ni Vosa.
^ Dusi Isireli, e vakatayaloyalotaki me dua na yalewa, e vakatauvatani eke ina loganivaini.
^ Raica na iVakamacala ni Vosa.
^ Oya na Uferetisi.
^ Raica na iVakamacala ni Vosa.
^ Ipe., “ileu.”
