Aisea 9:1-21
9 Ena sega ni butobuto loaloa me vaka na gauna e rarawa kina na vanua, me vaka e liu ena vanua o Sepuloni kei na vanua o Nafitalai ni a beci.+ Ia ena gauna mai muri ena vakavuna o koya me dokai, qo na sala e volekata na wasawasa ena yasayasa na Joritani, o Kalili ni veimatanitu.
2 O ira na lako voli ena butobutoEra raica na rarama levu.
O ira na tiko ena vanua ni butobuto loaloaE cilavi ira na rarama.+
3 Oni vakalevutaka na matanituOni vakamarautaki ira vakalevu.
Era marau e matamuniMe vakataki ira na marautaka na gauna ni tatamusukiMe vakataki ira era marautaka na vota na itokinivalu.
4 Oni tatalaka na ivua ni nodra icolacolaNa ititoko e tabadra, na nona ititoko na iliuliu ni cakacakaMe vaka na siga i Mitiani.+
5 Na ivava kece e yavalata na qele ni lako tikoKei na isulu e lomoci ena draEna buka ni bukawaqa.
6 Ni sucu vei keda e dua na gone,+E soli vei keda e dua na gonetagane,Ena vakatau vua na lewa.*+
Ena vakatokai na yacana o Daunivakasala Vuku,+ na Kalou Kaukaua,+ na Tama Tawamudu, na Turaga ni Sautu.
7 Na tubu ni nona lewa*Kei na sautu, ena sega ni oti,+Ena idabedabe vakaturaga nei Tevita+ kei na nona matanituMe vakataudeitaka+ me tokonaEna lewadodonu+ kei na ivalavala dodonu,+Ena gauna qo me tawamudu.
Na yalogu i Jiova ni lewe vuqa* ena vakayacora qo.
8 E dua na vosa e cudruvi ira kina na Jekope o Jiova,E tau vei ira na Isireli.+
9 Era na kila kece na tamata,O Ifireimi kei ira na lewe i Samaria,Era kaya ena nodra dokadoka kei na viavialevu ni lomadra:
10 “Sa lutu na biriki,Ia eda na tara vale ena vatu ta.+
Sa lauta na vunilolo,Ia eda na sosomitaka ena sitari.”
11 O Jiova ena vakalevulevui ira na meca i Risini mera ravuti koyaEna uqeti ira na kena meca mera yavala,
12 O ira na kai Siria mai na tokalau kei ira na kai Filisitia mai na ra,*+Era na tilomi Isireli ni dalaga na gusudra.+
Ena vuku ni ka kece qo, e sega ga ni ruru na nona cudru,Ia e dodoka tiko ga na ligana me veimoku.+
13 Nira sega ga ni lesu na tamata vei koya e mokuti ira,Era sega ni qarai Jiova ni lewe vuqa.+
14 Ena muduka tani o Jiova vei ira na IsireliNa uludra kei na buidra, na sulina kei na co babalavu,* ena dua ga na siga.+
15 Na qase kei koya e dokai vakalevu na uludra,Kei na parofita e vakavulica na ka lasu na buidra.+
16 O ira na liutaki ira na tamata qo era vakavuna mera lako sese,Kei ira na tuberi era veilecayaki.
17 Oya na vuna ena sega ni marautaka o Jiova na nodra cauravou,Ena sega tale ga ni lomana na nodra gone e sega ni vakatamani* kei na nodra yadaNira vukitani kece, era cakacala,+Na gusudra kece e cavuta na ka lialia.
Ena vuku ni ka kece qo, e sega ga ni ruru na nona cudru,Ia e dodoka tiko ga na ligana me veimoku.+
18 Ni waqa na ivakarau ca me vaka na bukawaqaE yameca na kau vakavotona kei na co ca.
Ena yameca yani na kau ni veikauEna kuvu cake me vaka na kubou vavaku.
19 Ena cudru i Jiova ni lewe vuqaE vakamai na vanua,O ira na tamata era na buka ni bukawaqa.
Ena sega ni dua ena vakabula na tacina.
20 E dua ena taya mai na imatauIa ena viakana ga,E dua ena kana mai na imawiIa ena sega ni mamau.
Era na dui kania ga na lewe ni ligadra,
21 Ena kani Ifireimi o Manasa,Ena kani Manasa o Ifireimi.
Erau na tovata me rau saqati Juta.+
Ena vuku ni ka kece qo, e sega ga ni ruru na nona cudruIa e dodoka tiko ga na ligana me veimoku.+
iVakamacala e ra
^ Se “matanitu, lewa vakatui.”
^ Qo na mataivalu vakalomalagi.
^ Se “nona matanitu, lewa vakatui.”
^ Ipe., “mai muri.”
^ Se rawa ni, “tabaniniuniu kei na kuta.”
^ Se “nodra luveniyali.”
