Aisea 54:1-17
54 “Mo kaila ena marau o iko na yalewa yava o sega ni vakasucu!+
Mo reki, mo kaila ena marau,+ o iko o sega ni taratara,+Nira lewe levu sara na luvei koya e biuEra lewe lailai na luve ni yalewa vakawati,”+ e kaya o Jiova.
2 “Mo vakalevutaka na vanua e tiko kina na nomu valelaca.+
Mo dreta yani na ilatilati ni nomu valeniveitavaki lagilagi.
Mo kua ni maninitaka, vakabalavutaka na dali ni nomu lacaMo vakadeitaka na pini ni nomu laca.+
3 O na tete ina imatau kei na imawi,Na nomu kawa ena taukena na veimatanitu,Era na tawana na koro e lala tu.+
4 Mo kua ni rere,+ ni o na sega ni vakamaduataki,+Mo kua ni matavelavela ni o na sega ni rarawa.
Ni o na guilecava na nomu madua ni o se gone,Kei na nomu beci ni o yada o na sega ni nanuma tale.”
5 “Ni vaka na watimu*+ na Dauveibuli Uasivi,+O Jiova ni lewe vuqa* na yacana,Na Yalosavasava ni Isireli e voli iko lesu.+
Ena vakatokai me Kalou ni vuravura taucoko.+
6 Ni a kacivi iko o Jiova me vaka na yalewa vakawati e biu qai rarawa* tu,+Me vaka na yalewa vakawati gone e biuti koya na watina,” e kaya na nomu Kalou.
7 “Au a biuti iko vakalekaleka,Ia au na kauti iko lesu mai ena loloma levu.+
8 Au vunitaka vakalekaleka vei iko na mataqu ena levu ni noqu cudru,+Ia ena dei ni loloma e sega ni mudu, au na lomani iko kina,”+ e kaya o koya e voli iko lesu, o Jiova.+
9 “Vei au, qo e vaka na gauna i Noa.+
Me vaka ga niu bubuluitaka ni na sega ni luvuci vuravura tale na waluvu ena gauna i Noa,+Au bubuluitaka tale ga niu na sega ni cudruvi iko se vunauci iko tale.+
10 De na kau tani na veiulunivanua
Qai yavavala na veidelana,Ia ena sega ni kau tani vei iko na dei ni noqu loloma,+Se na yavalati na noqu veiyalayalati ni vakacegu,”+ e kaya o Jiova, o koya e lomani iko tiko.+
11 “O iko na yalewa rarawa,+ o cagina ena cagi kaukaua, o sega ni vakacegui,+Au na tuvana na nomu vatu ena ibulu kaukaua
Kei na nomu yavu ena sefaia.+
12 Au na tara na nomu bai ena rupi,Na nomu matamata ena vatu tatibi,*Kei na nomu iyalayala kece ena vatutalei.
13 Na luvemu kece ena vakavulica o Jiova,+Ena levu sara na nodra vakacegu na luvemu.+
14 O na vakataudeitaki ena yalododonu.+
Ena yawaki iko na veivakalolomataki,+Ni o na sega ni rerevaka e dua se taqaya,Ni na sega ni torovi iko.+
15 Ke dua e mai valuti iko,Au a sega ni vakarota.
Ena druka ga o koya e valuti iko.”+
16 “Raica! Au bulia na matai,E uvuca na qilaiso waqa,E buli iyaragi ena nona cakacaka.
O yau tale ga au bulia na dauvakacaca me veivakacacani.+
17 Ena tawayaga na iyaragi kece e buli mo valuti kina,+O na vakacala na yame e saqati iko ena veilewai.
Qo na nodra ivotavota na dauveiqaravi i Jiova.
Era yalododonu e mataqu,” e kaya o Jiova.+
iVakamacala e ra
^ Qo na mataivalu vakalomalagi.
^ Se “nomu turaga.”
^ Ipe., “rarawa na lomana.”
^ Se “vatu waqawaqa.”
