Aisea 47:1-15
47 Mo lako sobu mai mo dabe ena kuvuniqele,O iko na goneyalewa ni Papiloni.+
Mo dabe ena qele e sega kina na idabedabe vakaturaga,+O iko na goneyalewa ni Kalitia,O na sega tale ni vakatokai mo maloku se marama.
2 Mo taura na iqaqi mo qaqia na falawa.
Mo cereka na kemu iubi.
Mo luvata na nomu isulu balavu, mo vakaraitaka na yavamu.
Mo takosova na veiuciwai.
3 Ena vakaraitaki na nomu luvawale.
Ena vakavotui na nomu madua.
Au na veisausaumi,+ ena sega ni dua e tu rawa e mataqu.*
4 “O koya ga e voli keda
O Jiova ni lewe vuqa* na yacana,Na Yalosavasava ni Isireli.”+
5 Mo dabe vakanomodi e kea, mo lako ina butobuto,O iko na goneyalewa ni Kalitia,+Era na sega ni vakatokai iko tale mo Marama* ni Veimatanitu.+
6 Au cudruvi ira na noqu tamata.+
Au cata na noqu ivotavota,+Au mani soli ira e ligamu.+
Ia o sega ni lomani ira.+
O vakabibitaka mada ga na nodra icolacola na qase.+
7 O kaya: “Au na Marama* tiko ga me tawamudu.”+
O sega ni tugana qori e lomamu,O sega ni vakasamataka na kena itinitini.
8 Mo rogoca qo o iko na dau mamarau,+O dabe vakacegu tiko, o kaya e lomamu:
“O yau ga, e sega ni dua tale.+
Au na sega ni yada,Au na sega ni kila na nodra yali na gone.”+
9 Ia ena yacovi iko vakasauri na ka ruarua qo ena dua ga na siga:+
Era na yali na luvemu, o na yada.
Ena tarai iko vakaca+Ena levu ni nomu vakadraunikau kei na mana ni nomu cakaisausau kece.+
10 O nuitaka na nomu ivakarau ca.
O kaya: “E sega ni dua e raici au.”
Na nomu vuku kei na ka o kila e vakacalai iko,O kaya e lomamu: “O yau ga, e sega ni dua tale.”
11 Ia ena yacovi iko na ca,Ena sega ni tarova rawa qori e dua nomu dauvakatevoro.
Ena yacovi iko na ka ca, o na sega ni drovaka rawa.
O na vakarusai vakasauri me vaka ga o sega ni tadra.+
12 Mo dei tiko ga ena nomu vakadraudrau, kei na levu ni nomu cakaisausau,+O vakaogai iko kina ni o se gone.
De yaga vei iko,De o na vakarerei ira kina na tamata.
13 O sa oca ni levu na nomu daunivakasala.
Mera duri mada mai mera vakabulai iko,O ira na qarava na lomalagi,* o ira na wanonova na kalokalo,+O ira na kila na vula vouMera tukuna na ka ena yacovi iko.
14 Raica! Era vaka na vunicovuata.
Ena yameci ira na bukawaqa.
Era na sega ni vakabulai ira rawa mai na katakata ni yameyame.
Qo e sega ni qilaiso mera tatalai kina,E sega tale ga ni bukawaqa mera dabe volekata.
15 Era na vaka kina vei iko na nomu dauvakatevoro,O ira oni oga vata ni o se gone.
Era na lako sese yadua ina nodra vanua.*
Ena sega ni dua me vakabulai iko.+
iVakamacala e ra
^ Se rawa ni, “au na sega ni yalovinaka vua e dua.”
^ Qo na mataivalu vakalomalagi.
^ Se “Ranadi.”
^ Se “Ranadi.”
^ Se rawa ni, “O ira na wasea na lomalagi, O ira na dauraikalokalo.”
^ Ipe., “ina nodra yasayasa.”
