Mise 4:1-13
4 Blɛ kasiɛn’n nun’n,*
oka nga Zoova i sua’n wo su’n,+ɔ́ táka kpa, ɔ́ trá oka’m be su,kpɛkun ɔ́ trá kpɔlɛ’m be su,yɛ nvle’m be nunfuɛ’m bé tú kpuu bé kɔ́ lɔ.+
2 Yɛ nvlenvle kpanngban bé kɔ́, kpɛkun bé sé kɛ:
“An bla, maan e fu Zoova i oka’n su lɔ,maan e wɔ Zakɔbu i Ɲanmiɛn’n i sua’n nun lɔ.+
Ɔ́ wá klé e i atin mun,yɛ é nánti i atin’m be su.”
Afin mmla’n* ɔ́ fín Siɔn lɔ,yɛ Zoova i ndɛ’n ɔ́ fín Zerizalɛmun lɔ.
3 Ɔ́ wá dí nvlenvle kpanngban be jɔlɛ,+yɛ ɔ́ tínngɛ* nvle nga be le kwlalɛ kpa mɔ be o mmua’n be ndɛ mun.
Bé wá fá be tokofi mun bé yó tokpo,yɛ bé fá be cua mun bé yó wlɔsɔ.+
Nvle kun su manman tokofi su nvle uflɛ wun,yɛ be su suanman alɛ kunlɛ kun.+
4 Be tinuntinun bé trán be viɲin nin be figie waka’m be bo,+yɛ sran fi su wlaman be ɲin nglonglo,+afin Zoova m’ɔ ti sonja’m be su kpɛn’n yɛ ɔ kannin sɔ-ɔ.
5 Afin nvle’m be kwlaa bé nánti be amuin’m be dunman nun,sanngɛ e liɛ’n, é nánti e Ɲanmiɛn Zoova i dunman nun+ tititi.
6 Ndɛ nga Zoova kan’n yɛ: “Cɛn sɔ’n nun’n,ń yía be nga be ja kun timan kpa’n,yɛ ń yíayía be nga be bo sanndili’n,+ɔ nin be nga n yoli be tɛtɛ’n.
7 Ń má yó maan be nga be ja kun timan kpa’n be nun wie’m bé ká lɛ,+yɛ ń yó maan be nga be yili be blo mmua’n bé yó nvle dan kun.+
Kpɛkun Zoova káci be famiɛn Siɔn Oka’n su lɔ,kɛ ɔ fɛ i andɛ’n, ɔ ti be famiɛn yɛ ɔ́ ká sɔ tititi.
8 Ee, wɔ mɔ a ti nnɛn’m be sua fleiin’n,wɔ mɔ a ti Siɔn i wa bla’n i kpɔlɛ’n,+ɔ su lɔ yɛ famiɛn dilɛ klikli’n ɔ́ kɔ́-ɔ, ɛɛn, ɔ su lɔ yɛ ɔ́ kɔ́-ɔ,+ɔ su lɔ yɛ famiɛn dilɛ m’ɔ ti Zerizalɛmun i wa bla’n+ i liɛ’n ɔ́ kɔ́-ɔ.
9 ?Siɛn’n, ngue ti yɛ a kpan kekle sɔ-ɔ?
?A leman famiɛn ti-ɔ?
?Annzɛ ɔ afɔtuɛ manfuɛ’n w’a wu
ti yɛ ɲrɛnnɛn w’a tɔ ɔ su kɛ bla wie m’ɔ su wu ba sa’n niɔn?+
10 Ee, Siɔn i wa bla, kpita yɛ kplin
kɛ bla wie m’ɔ su wu ba’n sa,afin siɛn’n, á wá jáso klɔ’n su wa yɛ á kó trán blo lɔ.
Á wá kɔ́ lele á jú Babilɔnin,+yɛ lɔ yɛ bé dé wɔ-ɔ,+lɔ yɛ Zoova kpɔ́ ɔ ti ɔ kpɔfuɛ’m be sa nun-ɔn.+
11 Siɛn’n, nvlenvle kpanngban be bo wá yó kun ɔ wun.
Bé sé kɛ: “Maan ɔ yo finfin,yɛ maan e ɲinma wun sa sɔ m’ɔ́ wá jú Siɔn su’n.’
12 Sanngɛ be siman akunndan nga Zoova bu’n,be wunmɛn i klun sa’n i wlɛ.
Afin ɔ́ wá tían be nuan kɛ ble mɔ b’a kpɛ i uflɛuflɛ mɔ b’a tiɛn i nuan like bowlɛ’n nun’n sa.
13 Ee, Siɔn i wa bla, jaso naan bo ble’n,+afin ń má yó maan ɔ wɛ’m bé káci blalɛ,yɛ ń má yó maan ɔ ja bui’m bé káci aaba,yɛ á wá núnkun nvle kpanngban.+
Á wá fá be ninnge nga be ɲɛnnin i ndrunmun dilɛ nun’n á mán Zoova,yɛ á fá be ninnge mun mán asiɛ wunmuan’n i Min kpafuɛ’n.”+
Ja ngua lɔ ndɛ mun
^ Ebr., “Mɛn’n i awieliɛ blɛ nun’n.”
^ Annzɛ “like klelɛ’n.”
^ Annzɛ “ɔ́ síesíe.”
