IsiLilo 5:1-22
5 O Jehova, khumbula lokho okusehlele.
Bheka ubone ihlazo lethu. +
2 Ifa lethu linikwe izihambi, izindlu zethu zanikwa izifiki. +
3 Sesiyizintandane ezingenababa; omama bethu banjengabafelokazi. +
4 Kumelwe sikhokhe ukuze siphuze amanzi ethu, + nezinkuni zethu siyazithenga.
5 Abasijahayo basezithendeni zethu;Sikhathele, kodwa asikutholi ukuphumula. +
6 Sincike eGibhithe + nase-Asiriya, + ukuze sithole ukudla okwanele.
7 Okhokho bethu abona abasekho, kodwa thina kumelwe sithwale iziphambeko zabo.
8 Sesibuswa yizinceku; akekho ongasikhulula esandleni sazo.
9 Sibeka ukuphila kwethu engozini ukuze sithole ukudla, + ngenxa yalabo abasehlane abaphethe izinkemba.
10 Isikhumba sethu sesishisa njengesithando somlilo ngenxa yendlala. +
11 Babahlazile* abafazi baseZiyoni, izintombi zasemadolobheni akwaJuda. +
12 Izikhulu zilengiswe ngesandla sazo, + namadoda amadala awazange ahlonishwe. +
13 Izinsizwa zithwele itshe lokugaya, nabafana bayawa ngenxa yokusindwa yizinkuni.
14 Amadoda amadala awasekho esangweni ledolobha; + izinsizwa azisawudlali umculo wazo. +
15 Injabulo ayisekho ezinhliziyweni zethu; ukudansa kwethu sekuphenduke ukukhala. +
16 Umqhele uwile ekhanda lethu. Maye kithi, ngoba sonile!
17 Ngenxa yalokhu inhliziyo yethu isezinhlungwini, +Nangenxa yalezi zinto amehlo ethu awasaboni kahle, +
18 Ngenxa yeNtaba iZiyoni eyenziwe incithakalo; + izimpungushe sezihamba kuyo.
19 Kepha wena Jehova, uhleli esihlalweni sakho sobukhosi kuze kube phakade.
Ubukhosi bakho bungobaphakade. +
20 Kungani usikhohlwa kuze kube phakade, usishiya isikhathi eside kangaka? +
21 O Jehova, sibuyisele kuwe, sizobuya ngokushesha. +
Yenza izinsuku zethu zibe njengakuqala. +
22 Nokho, usilahle ngokuphelele.
Usasithukuthelele kakhulu. +
Imibhalo yaphansi
^ Noma, “Badlwengule.”
