Kitabu cha Pili cha Samweli 22:1-51
22 Daudi akamwimbia Yehova maneno ya wimbo huu+ siku ambayo Yehova alimwokoa kutoka mikononi mwa maadui wake wote+ na kutoka mikononi mwa Sauli.+
2 Akasema:
“Yehova ni jabali langu na ngome yangu+ na Mwokozi wangu.+
3 Mungu wangu ni mwamba wangu,+ ninayemkimbilia,Ngao yangu+ na pembe* yangu ya wokovu,* kimbilio langu salama*+Na mahali pangu pa kukimbilia,+ mwokozi wangu;+ wewe unayeniokoa kutoka katika ukatili.
4 Ninamlilia Yehova, anayestahili kusifiwa,Nami nitaokolewa kutoka kwa maadui wangu.
5 Mawimbi ya kifo yalinizunguka pande zote;+Mafuriko ya ghafla ya wanaume wasiofaa kitu yaliniogopesha.+
6 Kamba za Kaburi* zilinizunguka;+Mitego ya kifo ilinikabili.+
7 Katika taabu yangu nilimwita Yehova,+Niliendelea kumlilia Mungu wangu.
Kisha akiwa katika hekalu lake akaisikia sauti yangu,Na kilio changu cha kuomba msaada kilifika masikioni mwake.+
8 Dunia ikaanza kutetemeka na kutikisika huku na huku;+Misingi ya mbingu ikasukasuka+Nayo ikatikisika huku na huku kwa sababu alikuwa amekasirishwa.+
9 Moshi ulipanda kutoka katika mianzi ya pua yake,Na moto unaoteketeza kabisa ukatoka kinywani mwake;+Makaa ya mawe yanayowaka moto mkali yakatoka kwake.
10 Alizifanya mbingu zijikunje alipokuwa akishuka,+Na giza zito lilikuwa chini ya miguu yake.+
11 Alipanda juu ya kerubi,+ akaja akiruka.
Alionekana juu ya mabawa ya kiumbe wa roho.*+
12 Kisha akaweka giza kumzunguka kama kibanda,+Katika maji yenye giza na mawingu mazito.
13 Kutoka katika mwangaza ulio mbele zake makaa ya mawe yenye moto mkali yaliwaka.
14 Kisha Yehova akaanza kunguruma kutoka mbinguni;+Aliye Juu Zaidi aliifanya sauti yake isikike.+
15 Alipiga mishale yake+ akawatawanya;Radi, akawavuruga.+
16 Sakafu ya bahari ikaonekana;+Misingi ya nchi ikafunuliwa kwa kemeo la Yehova,Kwa mlipuko wa pumzi kutoka katika mianzi ya pua yake.+
17 Aliunyoosha mkono wake kutoka juu;Akanishika na kunivuta kutoka katika maji yenye kina.+
18 Aliniokoa kutoka kwa adui yangu mwenye nguvu,+Kutoka kwa wale wanaonichukia, waliokuwa na nguvu nyingi kuliko mimi.
19 Walinikabili katika siku ya msiba wangu,+Lakini Yehova alikuwa tegemeo langu.
20 Alinitoa nje na kunileta mahali penye usalama;*+Aliniokoa kwa sababu alipendezwa nami.+
21 Yehova hunithawabisha kulingana na uadilifu wangu;+Hunilipa kulingana na usafi wa* mikono yangu.+
22 Kwa maana nimezishika njia za Yehova,Nami sijamwacha kwa uovu Mungu wangu.
23 Hukumu zake zote+ ziko mbele yangu;Sitageuka kando kutoka kwenye sheria zake.+
24 Nitabaki bila lawama+ mbele zake,Nami nitajiepusha na uovu.+
25 Yehova na anilipe kulingana na uadilifu wangu,+Kulingana na usafi wangu* mbele zake.+
26 Kwa mtu mshikamanifu unatenda kwa ushikamanifu;+Kwa mtu asiye na lawama, mtu hodari, unatenda bila lawama;+
27 Kwa walio safi unajidhihirisha mwenyewe kuwa safi,+Lakini kwa waliopotoka unajidhihirisha mwenyewe kuwa mwenye busara.*+
28 Kwa maana wewe huwaokoa walio wanyenyekevu,+Lakini macho yako hayapendezwi na wenye kiburi, nawe huwashusha.+
29 Kwa maana wewe ni taa yangu, Ee Yehova;+Yehova ndiye anayefanya giza langu liangaze.+
30 Kwa msaada wako ninaweza kukabiliana na kundi la wavamizi;Kwa nguvu za Mungu ninaweza kuupanda ukuta.+
31 Njia ya Mungu wa kweli ni kamilifu;+Neno la Yehova ni safi.+
Yeye ni ngao kwa wote wanaomkimbilia.+
32 Kwa maana ni nani aliye Mungu ila Yehova?+
Na ni nani aliye mwamba isipokuwa Mungu wetu?+
33 Mungu wa kweli ni ngome yangu imara,+Naye ataifanya njia yangu iwe kamilifu.+
34 Huifanya miguu yangu iwe kama ya paa;Hunifanya nisimame mahali palipo juu.+
35 Huizoeza mikono yangu kupigana vita;Mikono yangu inaweza kuukunja upinde wa shaba.
36 Wewe hunipa ngao yako ya wokovu,Na unyenyekevu wako hunifanya niwe mkuu.+
37 Unapanua njia kwa ajili ya hatua zangu;Miguu yangu haitateleza.*+
38 Nitawafuatia maadui wangu na kuwaangamiza;Sitarudi mpaka watakapoangamizwa kabisa.
39 Nami nitawaangamiza kabisa na kuwaponda, hivi kwamba hawatainuka;+Wataanguka chini ya miguu yangu.
40 Utanipa nguvu kwa ajili ya vita;+Utawafanya maadui wangu waanguke chini yangu.+
41 Utawafanya maadui wangu wanikimbie;*+Nitawakomesha* wale wanaonichukia.+
42 Wanalilia msaada, lakinihakuna mtu wa kuwaokoa;Hata wanamlilia Yehova, lakini yeye hawajibu.+
43 Nitawaponda wawe laini kama mavumbi ya dunia;Nitawapondaponda na kuwakanyaga-kanyaga kama matope barabarani.
44 Utaniokoa kutoka kwa watu wangu ambao hutafuta makosa.+
Utanilinda niwe kiongozi wa mataifa;+Watu ambao siwajui watanitumikia.+
45 Wageni watakuja wakijikunyata mbele zangu;+Watanitii kwa sababu ya mambo watakayosikia kunihusu.*
46 Wageni watakosa ujasiri;*Watakuja wakitetemeka kutoka katika ngome zao.
47 Yehova yuko hai! Mwamba wangu na asifiwe!+
Mungu wa mwamba wa wokovu wangu na akwezwe.+
48 Mungu wa kweli hunilipizia kisasi;+Huyatiisha mataifa chini yangu;+
49 Yeye huniokoa kutoka kwa maadui wangu.
Unaniinua juu+ ya wale wanaonishambulia;Unaniokoa kutoka kwa mtu mkatili.+
50 Ndiyo sababu nitakushukuru wewe, Ee Yehova, miongoni mwa mataifa,+Nami nitaliimbia sifa* jina lako:+
51 Yeye hutenda matendo makuu ya wokovu kwa ajili ya mfalme wake;*+Humtendea mtiwa-mafuta wake kwa upendo mshikamanifu,Kwa Daudi na kwa uzao wake* milele.”+
Maelezo ya Chini
^ Au “mwokozi wangu mwenye nguvu.”
^ Au “kilele changu salama.”
^ Au “ya upepo.”
^ Au “mahali penye nafasi kubwa.”
^ Au “ukosefu wa hatia wa.”
^ Au “ukosefu wangu wa hatia.”
^ Au labda, “unatenda kama mpumbavu.”
^ Au “Vifundo vya miguu yangu havitateleza.”
^ Au “Utanionyesha migongo ya maadui wangu.”
^ Au “Nitawanyamazisha.”
^ Tnn., “Mara tu sikio lao linaposikia, watanitii.”
^ Au “watafifia.”
^ Au “nitalipigia muziki.”
^ Au “humpa ushindi mkubwa mfalme wake.”
^ Tnn., “mbegu yake.”
