Yel-bũnã sebre 15:1-33
15 Ned sã n leok ne bʋgsem, sigsda sũuri,+la gom-kãs* yikda sũuri.+
2 Yam dãmbã zɩlma gomda bõn-sõma nins b sẽn mi wã yelle,+la yalembã noy yiisda yalem-goama.
3 A Zeova ninã geta zĩig zãnga,n ne nin-wẽnsã la nin-sõma wã fãa.+
4 Gom-sõma* yaa wa vɩɩm tɩɩga,+la belgr goam wata ne sũ-sãanga.
5 Yalem paoogda a ba kiblgu,+la gũus-m-meng soab sakda remsgo.+
6 Bõn-sõma wʋsg bee nin-tɩrg yiri,la nin-wẽng paoong* wata ne zu-loees a meng zugu.+
7 Yam dãmbã no-bɩms yelgda bãngre,+la yalembã sũy pa maand woto ye.+
8 A Zeova kisa nin-wẽnsã maoongo,+la a sũur nooma ne nin-tɩrsã pʋʋsgo.+
9 A Zeova kisa nin-wẽng manesem,+la a nonga sẽn baood-a tɩrlem.+
10 Sẽn basd-a so-sõngã nifẽ, kiblg wõnda wẽnga,*+la sẽn kis-a remsg na n kiime.+
11 A Zeova nee sẽn be-b Yaoogã* pʋgẽ la sãoongã zĩigẽ* wã sõma.+
Woto wã, a pa tõe n yã sẽn be ninsaalbã sũyẽ wã n yɩɩd sɩda?+
12 Nin-yaand pa nong ned sẽn remsd-a ye.+
A pa kot yam soab saglg ye.+
13 Ned sũur sã n noome, a neng bee laado,la sũ-sãang komsda raoodo.+
14 Sũur sẽn pid ne yam baooda bãngre,+la yalembã noor nonga* yalemdo.+
15 Daar fãa yaa toog ne nimbãan-neda,+la sẽn tar-a sũ-noog* maanda tigr wakat fãa.+
16 Fo sẽn na n tar bilf la f zoet a Zeova n são+f sẽn na n tar paoong wʋsg n yaool n zĩ ne yɩɩre.+
17 Fo sã n dɩt rɩɩb sẽn pa waoog nonglem sẽn beẽ,+sãoo f sẽn na n wãbd nag-nobdg* nemd kisgr sẽn beẽ.+
18 Sũur soab wata ne zaba,+la ned sũur sẽn pa yikd tao-tao kɩtdame tɩ zabr sa.+
19 Kʋɩɩm sor yaa wa gõos yãgre,+la nin-tɩrsã sor yaa wa so-kõodr sẽn manege.+
20 Biig sẽn tar yam noogda a ba sũuri,+la yalem paoogda a ma.+
21 Sẽn pa tar-a yam* maanda sũ-noog ne yalemdo,+la sẽn tar-a yam-vẽenem kẽnda tɩrga.+
22 Yẽsg sã n kae, magb pa yãkd neng ye.La sagendb sã n yaa wʋsgo, yãkda nenga.+
23 Ned sã n leok gomd tɩ zemse, noogda a sũuri.+B sã n togs gomd a wakate, ad sɩd yaa sõma!+
24 Vɩɩm sorã zẽkda sẽn tar-a yam,+sẽn na yɩl t’a gil sor ning sẽn sigd Yaoogẽ* wã.+
25 A Zeova na n wãa tɩta-ned zaka,+la a na n kogla pʋg-kõor zĩig todse.+
26 A Zeova kisa nin-wẽng mag-wẽnsã,+la gom-nood yaa yɩlem a nifẽ.+
27 Ned ning sẽn maand zãmb n paamd paoong wata ne zu-loees* a meng zak rãmb zutu,+la sẽn kis-a noor-madgr na n kell n vɩɩmdame.+
28 Nin-tɩrg sũur bʋgsdame n yaool n leoke,*+la nin-wẽnsã noy yiisda bõn-wẽnse.
29 A Zeova zãra ne nin-wẽnsã,la a kelgda nin-tɩrsã pʋʋsgo.+
30 Ned sã n get-f t’a neng be laado,* kõt-f-la sũ-noogo.Kiba-noog kengda kõaba.*+
31 Ned sã n kelgd remsg sẽn kõt vɩɩmã,a zĩig bee yam dãmbã sʋka.+
32 Ned ning fãa sẽn zãgsd kiblg kisa a vɩɩmã,*+la ned ning sẽn kelgd remsg paamda yam.*+
33 A Zeova zoeesã zãmsda ned yam.+Sik-m-meng n lʋɩt taoore, tɩ ziir yaool n pʋgle.+
Vẽnegr toor-toore
^ Bɩ, “goam sẽn zabd.”
^ Bɩ, “Goam sẽn sãoogd.”
^ Ebre, “kood.”
^ Bɩ, “wõnda yaa toog wʋsgo.”
^ Ges-y gom-biis võor bilgrã zĩigẽ.
^ Bɩ, “la Abadõ.”
^ Bɩ, “pʋgda.”
^ Bɩ, “sũur sẽn yaa sõma.”
^ Ebre, “naaf b sẽn dɩlg rũms rɩɩb koglgẽ.”
^ Ebre, “pa tar-a sũur.”
^ Ges-y gom-biis võor bilgrã zĩigẽ.
^ Bɩ, “yãnd.”
^ Bɩ, “maagda a yĩng n ges a sẽn na n leok to-to, tagsdame n yaool n gome.”
^ Ebre, “Nin sẽn pɩnd.”
^ Ebre, “kɩtdame tɩ kõab nobe.”
^ Bɩ, “sɩɩgã.”
^ Ebre, “sũuri.”
