Yel-bũnã sebre 12:1-28
12 Sẽn nong-a kiblg nonga bãngre,+la sẽn kis-a remsg pa tar yam ye.+
2 Nin-sõma tata a Zeova yam,la a ningda sẽn magd-a mag-wẽns taale.+
3 Wẽnem pa tõe n kɩt tɩ ned baa a ye zĩnd bãan n pa yɛɛsdẽ ye.+La nin-tɩrsã na n zĩnda bãan wakat fãa.
4 Pʋg-sõng yaa maanf a sɩdã yĩnga,+la pag sẽn tʋmd yãn-tʋʋm yaa wa bãag sẽn põogd a sɩdã kõaba.+
5 Nin-tɩrsã tagsa yaa tɩrse,la nin-wẽnsã sagls yaa belgre.
6 Nin-wẽnsã goam yaa bẽdg sẽn kʋʋde,*+la nin-tɩrsã noy fãagd-b lame.+
7 B sã n wa lub nin-wẽnsã, b pa na n le beẽ ye.La nin-tɩrsã zags na n kell n yalsame.+
8 B pẽgda ned a sẽn gũusd ne a noor yĩnga,+la b na n paooga ned ning sũur sẽn yaa wẽnga.+
9 B sẽn na n nand-f bilf tɩ f yaool n tar tʋm-tʋmd n sãof sẽn na n pẽgd f menga, n yaool n pa tar dɩɩb* ye.+
10 Nin-tɩrg geta a yir dũms* yelle,+la nin-wẽng tagsdame t’a yaa nimbãan-zoɛta, n mik a yaa nin-toaaga.
11 Ned ning sẽn kood a pʋʋg na n paama rɩɩb tɩ seke,+la ned ning sẽn zoet n pʋgd bũmb nins sẽn ka yõodã pa tar yam ye.*
12 Nin-wẽng maanda sũ-kiir ne nin-wẽns a taabã sẽn yõk bũmb ninsã,la nin-tɩrsã yẽgr womda biisi.
13 Nin-wẽng gom-wẽnsã n na n wẽneg n bẽd-a n yõke,+la nin-tɩrg põsda yel-pakr pʋgẽ.
14 Ned goam* maasem yĩnga, a paamda bõn-sõma tɩ seke.+A nusã tʋʋm n na n keo-a.
15 Yalem manesem yaa tɩrg a meng nifẽ,+la yam soab sakda saglga.+
16 Yalem wilgda a sũ-puugr zĩig pʋgẽ,*+la gũus-m-meng soab pa tagsd b sẽn tʋʋs-a wã yell ye.*
17 Kaset soab sẽn maand sɩd na n togsa sɩda,*la kaset soab sẽn yagd ziri gomda zãmb goama.
18 Ned sẽn gomd n pa tagsdẽ goam yaa wa sʋʋg sẽn kõsd neda,la yam soab zɩlemd yaa wa tɩɩm sẽn sãoogde.+
19 No-bɩms sẽn togsd sɩd na n paa wakat fãa yĩnga,+la zɩlemd sẽn yagd ziri na n paa wakat bilf bala.+
20 Zãmb bee neb nins sẽn magd n na n maan wẽngã sũyẽ,la neb nins sẽn sõngd tɩ laafɩ watẽ wã tara sũ-noogo.+
21 Wẽng pa na n paam nin-tɩrga,+la nin-wẽnsã na n paama yel-beed hal tɩ wʋm-ba.+
22 A Zeova kisa no-bɩms sẽn yagd ziri,+la neb nins sẽn maand sɩdã noogda a sũuri.
23 Gũus-m-meng soab solgda a sẽn mi bũmb ninsã,la yalem moonda a yalemdã.+
24 Neb nins sẽn tʋmd sõma wã na n dɩɩ naam,+la b na n modga kʋɩɩm-dãmbã tɩ b tʋm tʋʋm-wɛgla.+
25 Yɩɩr sã n be ned sũurẽ, komsda a raoodo,*+la gom-noog kengda a pɛlga.+
26 Nin-tɩrg gẽesda a rũms wãbneg zĩisi,la nin-wẽnsã manesem kẽesd-b-la moogo.
27 Kʋɩɩm pa rigd we-rũng n na n yõke,+la ned sẽn tʋmd sõma yaa a zu-soab paoongo.
28 Tɩrlem sor tar n dabda vɩɩm zĩigẽ.+Kũum pa be so-kãng zug ye.
