Yel-bũnã sebre 25:1-28
25 Ad a Salomo+ yel-bũn a taaba, Zida rĩm a Ezekɩyaas+ seb-gʋlsdbã sẽn gʋlse:*
2 Wẽnnaam ziirã yaa a sẽn solgd yɛlã.+Rĩm-dãmbã ziir yaa yell feesgo.
3 Ned pa tõe n bãng saasã zãntlem la tẽngã zulum ye.Woto me, ned pa tõe n bãng sẽn be rĩm-dãmbã sũyẽ ye.
4 Yiis rẽgd wanzuri pʋgẽ,tɩ rẽ la a na n lebg yɩlemd zãnga.+
5 Yiis nin-wẽng rĩm taoore,tɩ rẽ la a geerã na n lugl kãn-kãe tɩrlem maasem yĩnga.+
6 Ra pẽg f meng rĩm taoore,+la f ra zĩnd nin-kãsems sʋk ye.+
7 Bala sẽn são yaa rĩmã sẽn na n yeel foo yaa: “Wa zĩnd ka,”
n yɩɩd a sẽn na n paoog-f nin-naab taoore.+
8 Ra yɩ tao-tao n tall f to n kẽng bʋ-kaoor zĩigẽ ye.Bala fo to wã sã n wa ning-f yãnde, fo na n maana wãna?+
9 Maneg f yellã ne f to,+la f ra vẽneg a yel-solgdsã,*+
10 sẽn na yɩl tɩ sẽn kelgd-a wã ra wa ning-f yãnde,la tɩ f ra wa yelg goam sẽn pa sɩda, n pa tõe n kɩt tɩ gom-kãens ra le saag ye.
11 Gomd b sẽn gom a wakatyaa wa sãnem pomm-dãmb* b sẽn sag wanzuri laas* pʋsẽ.+
12 Sẽn demsd-a a taab ne yam yaa wasãnem tʋb-longo, la wa sãnem halaal nag-teoog tʋbr ning sẽn kelgd-a wã yĩnga.+
13 Koe-taasd sẽn maand sɩd yaa wasa-lamd maasem kẽebg wakate, neb nins sẽn tʋm-a wã yĩnga,bala a kõta a zu-soabã* pãnga.+
14 Ned sã n wukd a meng kũun a sẽn zɩ n kõ poorẽ,*+a yaa wa sa-wat la sobg sẽn pa wat ne saaga.
15 Yaa ne sũ-mar la f tõogd tɩ taoor soab toeem yam.Goam sẽn bʋgs* tõe n kaooga kõbre.+
16 Fo sã n paam sɩɩdo, bɩ f rɩ sẽn na n sek foomã bala.Bala fo sã n dɩ tɩ loog noore, fo tõe n wa wʋb-a lame.+
17 Ra nong n kẽnd f to zakẽ wʋsgo,sẽn na yɩl t’a yam ra wa yi-f t’a kisg-f ye.
18 Ned sẽn kõt kaset sẽn pa sɩd a to zugyaa wa guugu, sʋʋga, la peemd sẽn yaa sɩlenga.+
19 Yel-pakr wakate, fo sã n teeg ned b sẽn pa tõe n teege,*yaa wa f sẽn na n wãbd bũmb ne yẽnd sẽn kaooge, wall f sẽn na n kẽnd ne karg sẽn yaa kɩɩnga.
20 Ned sẽn yɩɩnd sũ-sãang soab yĩngyaa wa ned sẽn yeeg fuug waood wakate,la wa divẽ miisg b sẽn kiig zẽem zugu.+
21 Kom sã n tar f bɛ* bɩ f kõ-a rɩɩb* t’a rɩ.Ko-yũud sã n tar-a bɩ f kõ-a koom t’a yũ,+
22 bala fo sã n maan woto, yaa wa fo samda bug-saal a zugẽ wã.*+A Zeova na n keoo foo.
23 Rɩtg sobg wata ne sa-kẽenga,tɩ zɩlemd sẽn nong wɩdg wat ne sũ-yikri.+
24 Fo sã n be roog zugu,sãoo f sẽn na n be ro-yɛng ne pag sẽn nong zaba.*+
25 Kiba-noog sẽn yi tẽn-zãrgẽ+yaa wa ko-maasg b sẽn kõ ned* sẽn yɛ.
26 Nin-tɩrg sã n bas tɩ nin-wẽng tõog-a,a yaa wa ko-bundg zĩig sẽn yaa bɛgdo, la wa bulg sẽn sãame.
27 Fo sã n dɩ sɩɩd tɩ loog noore, pa sõma ye.+Fo sã n baood f meng ziir me, pa sõma ye.+
28 Ned sẽn pa tõe a sũur+ yaa watẽng lals sẽn sãame.
Vẽnegr toor-toore
^ Bɩ, “sẽn gʋls n dɩk n naag taaba.”
^ Bɩ, “neb a taab yel-solgdse.”
^ Yaa tɩɩg biisi.
^ Bɩ, “bũmb b sẽn yõg.”
^ Bɩ, “a zu-soabã sɩɩgã.”
^ Ebre, “zirẽ-be-kũun poorẽ.”
^ Ebre, “Zɩlemd sẽn bʋgs.”
^ Pa rẽ bɩ, “zãmb soaba.”
^ Ebre, “sẽn kis-a foomã.”
^ Ebre, “bur.”
^ Rat n yeel tɩ n bʋk a soabã, n kɩt t’a toolmã sa.
^ Bɩ, “yẽgengo.”
^ Ebre, “sɩɩg.”
