Yel-bũnã sebre 6:1-35
6 M biiga, fo sã n gomame n sõng f to t’a reeg samde,+fo sã n maana kaool ne sãana,+
2 fo sã n maana pʋleng tɩ yõk foo wa bẽdga,fo noorã goam sã n yõka foo,+
3 m biiga, ad f sẽn na n maan n paam f menga,bala fo lʋɩɩ f to nugẽ:
Kẽng a nengẽ tao-tao, n tɩ yõk a sɛɛg t’a zoe f nimbãanega.+
4 Fo pa segd n gũsi,wall f suus tɩ f pa maan woto ye.
5 Yiis f meng wa yãk sẽn yiisd a meng to-to tãoos nugẽ wã,la wa liuul sẽn yiisd a meng to-to liuun-bẽt nugẽ wã.
6 Foom a kʋɩɩma,+ tɩ ges gũuri.Maag f yĩng n ges a manesmã n dɩk yam.
7 Baa a sẽn pa tar taoor soaba, yel-gɛt wall naabã,
8 a segenda a rɩɩb sɩpaolgo,*+la a baood rɩɩb tigsg wakat n bĩngdẽ.
9 Foom a kʋɩɩma, fo na n gãandame hal tɩ ta dabʋre?
Wakat bʋg la fo na n yik n bas gõeem?
10 Fo yetame: “Mam na n gũsa bilfu. M na n suusa bilfu.Mam na n kalemda m nus n vʋʋs bilfu.”+
11 La fo naongã na n waa wa wagdre,tɩ fo talemdã wa wala rao sẽn zãad zab-teedo.+
12 Ned sẽn ka bark la sẽn yaa nin-wẽng gilgdame, n gomd zirẽ-be-goama.+
13 A wẽgsda a nifã,+ n maand bãn ne a naoorã, la a bilsd ne a nug-biisã.
14 A sũurã pida ne wẽnga,t’a magd mag-wẽns+ wakat fãa, la a wat ne mo-yõsa.+
15 Yaa rẽ yĩng la a sãoongã sẽn na n wa zĩig pʋgẽ wã.B na n sãam-a-la nif kamsg pʋgẽ, tɩ tɩɩm kae ye.+
16 Bũmb a yoob n be t’a Zeova kisa.Bũmb a yopoe n be t’a* kis wʋsgo:
17 Yaa nin sẽn get ne tɩtaam,+ zɩlemd sẽn yagd ziri,+ nus sẽn daagd bʋʋm dãmb zɩɩm,+
18 sũur sẽn magd mag-wẽnse,+ nao sẽn zoet tao-tao n na n tɩ maan wẽnga,
19 zirẽ-be-kaset soab sẽn yagd ziri wakat fãa,+la ned ning fãa sẽn wat ne no-koɛɛm saam-biis sʋka.+
20 M biiga, tũ f ba wã noyã,la f ra bas f ma wã zãmsgã*+ me ye.
21 Bĩng-b fo sũurẽ wã wakat fãa,la f rɩk-b n pid f yublã.
22 Fo sã n wa kẽnda, b na n wilgda foo sore.Fo sã n wa na n gãande, b na n gũu foo.Fo sã n wa neke, b na n goma ne foo.*
23 Bala noyã yaa wa fɩtla,+tɩ tõodã yaa wa vẽenem.+Remsg la kiblg yaa vɩɩm sore.+
24 B na n kogla foo ne pʋg-yoogã.+B na n kogla foo ne pʋg-yoodrã*+ gom-noodã.
25 Ra bas tɩ f yam kẽ-a,+ a neermã yĩng ye.Ra bas t’a ninã kɩt tɩ f tʋlg-a ye.
26 Bala pʋg-yoodr yĩnga, rao wat n yasa ne bur-gɩrg+ bala.La pʋg-yoodr sã n yaa ned paga, a na n kɩtame tɩ ned bõn a vɩɩmã* sẽn tar yõodã.
27 Ned tõe n mobga bugum a yãoogẽ t’a futã pa yõog sɩda?+
28 Wall ned tõe n kẽna bug-saal zug tɩ pa yõog a naoã sɩda?
29 Yaa woto me ne rao sẽn kẽed ne a to paga.Rao ning fãa sẽn na n sɩɩs pag a woto kõn põs sɩbgr ye.+
30 Nebã pa paoogd wagdre,sã n mik t’a zukame n na n dɩ kom sẽn tar-a yĩng ye.
31 Baasgo, b sã n yõk-a, a na n dola a sẽn zu wã naoor a yopoe.A na n kõo a roogã bõn-sõma wã fãa.+
32 Ned ning fãa sẽn yood ne pag pa tar yam ye.*Sẽn maand-a woto wãada a menga.*+
33 A na n paama sãmpoag la paoogr bala.+A yãndã pa na n tol n sa ye.+
34 Bala sũ-kiir kɩtdame tɩ pʋg-sɩd sũur puug wʋsgo.A sã n wa na n dok a sũuri, a pa na n tall nimbãan-zoeer ye.+
35 A pa na n sak n deeg yaood ye.Baa fo kũunã sẽn zem to-to fãa, a sũurã pa na n sig ye.
Vẽnegr toor-toore
^ Bɩ, “tʋʋlg wakate.”
^ Bɩ, “t’a sɩɩgã.”
^ Bɩ, “noyã.”
^ Bɩ, “zãmsa foo.”
^ Bɩ, “sɩɩgã.”
^ Ebre, “pa tar sũur ye.”
^ Bɩ, “a sɩɩgã.”
