SOKR 16
Bõe la ned tõe n maan t’a yɩɩrã booge?
“Lob f zɩɩbã a Zeova zugu, t’a na teel-fo. A pa na n tol n bas nin-tɩrg t’a lʋɩ ye.”
“Sãmbg sẽn kae, sẽn tʋmd-a sõma magb kɩtdame t’a yɛl yãkd nenga, la sẽn yaa-b yãg-yãgã fãa na n baasa ne naongo.”
“Ra zoe rabeem ye. Bala mam bee ne foo. Ra maan yɩɩr ye. Bala mam yaa fo Wẽnnaam. Mam na n kõo foo pãnga. N-ye, mam na n sõnga foom, mam na n gãda foo kãn-kãe ne m nug-rɩtgã sẽn wat ne tɩrlmã.”
“Yãmb sʋka, ãnda n tõe n paas a vɩɩmã woglem kãntɩɩg a yembre, a sẽn maand yɩɩr yĩnga?”
“Ra maan-y yɩɩr a bada ne beoog yelle, bala beoog me na n talla a meng zu-loeese. Daar fãa tara a meng yɛl tɩ seke.”
“Yãmb na bãng bũmb nins sẽn tar yõod n yɩɩdã n bake.”
“Da maan-y yɩɩr baa fʋɩ poorẽ ye. La bũmb fãa pʋgẽ, bɩ y tũnug ne pʋʋsg la se-yõkr ne bark pʋʋsgo, n wilg Wẽnnaam bũmb nins y sẽn kotã, tɩ rẽ la Wẽnnaam laafɩ wã sẽn yɩɩd bũmb nins fãa ninsaalbã sẽn tõe n wʋm a võorã na n gũ yãmb sũyã la y tagsa wã, Kirist Zeezi maasem yĩnga.”
