Yel-bũnã sebre 17:1-28
17 B sã n kõ-f bur-gɩrg sẽn yaa koɛɛng laafɩ* sẽn beẽ,+sãoo f sẽn na n be roog sẽn pid ne rɩ-bɛd* pʋgẽ tɩ yaa zaba.+
2 Tʋm-tʋmd sẽn tar yam-vẽenem na n sooga a zu-soabã biig ning sẽn tʋmd yãn-tʋʋma.A na n naaga kambã n paam rogem-pʋɩɩre.
3 B yẽnegda wanzuri ne sãnem bugmẽ sẽn na yɩl n yɩlg-ba.+La a Zeova n yaa soab ning sẽn feesd sũyã.+
4 Nin-wẽng kelgda goam sẽn yikd sũuri.Zãmb soab kelgda gom-wẽnse.+
5 Sẽn yaand-a naong soab tʋʋda a Naandã.*+Ned sã n maand sũ-noog a to sẽn paam yel-beed yĩnga, a pa na n põs sɩbgr ye.+
6 Ned sẽn kʋʋl yagens yaa a maanfo.Ba-rãmbã* me yaa b kambã* ziiri.
7 Gom-tɩrs* pa tog ne yalem ye.+
Sẽn yɩɩda, zirẽ-be-goam n pa tog ne naaba.*+
8 Kũun yaa wa kugr sẽn yaa neer wʋsg* ne a soabã.+Zĩig ning fãa a sẽn kẽngẽ, kũunã kɩtdame t’a yɛlã yãkd nenga.+
9 Ned ning sẽn kõt beegr sugr* baooda nonglem,+la ned ning sẽn gomd beegr yell n pa basdẽ welgda zo-rãmb hakɩɩk ne taaba.+
10 Tãsg kẽeda sẽn tar-a bãngr+n yɩɩd b sẽn na n wẽ yalem naoor koabga.+
11 Nin-wẽng sẽn baood bal yaa kɩɩsgo,la b na n tʋma koe-taasd sẽn yaa toaag t’a tɩ sɩbg-a.+
12 Fo sã n seg urs* b sẽn yõg a kamb n bas-a,sãoo fo sẽn na n seg yalem a sẽn wat n maand a yalemdã.+
13 Ned sã n lebsd wẽng neer yĩnga,wẽng pa na n zãag ne a zakã ye.+
14 Zabr sɩngr yaa wa ko-koak pakre.Loog tɩ nan pa sɩng ye.+
15 A Zeova kisaned sẽn basd nin-wẽng taale, la ned sẽn ningd nin-tɩrg taale.+
16 Yalem sã n tar bũmb sẽn tõe n kɩt t’a paam yamn yaool n pa rat n bao yam, rẽ yõod yaa bõe?+
17 F zoa hakɩɩk nong-f-la wakat fãa.+A yaa f ba-biig f sẽn tõe n teeg yel-pakr wakate.+
18 Ned sẽn pa tar yam* maanda kaoola, la a sak ngom ned taoor n sõng a to t’a reeg samde.+
19 Sẽn nong-a zab nonga beegre.+
Ned sã n maan a rignoor tɩ yaa zãntlga, yel-beed n yɛgd-a.+
20 Ned ning sũur sẽn pa tɩrg yɛl pa na n yɩ sõma ye.*+Sẽn gomd-a zãmb goam yɛl na n sãamame.
21 Rao ning sẽn dog yalem na n paama sũ-sãanga.Yalem ba pa tar sũ-noog baa bilf ye.+
22 Sũ-noog yaa tɩɩm sẽn yaa sõma,+la sũ-sãang boogda ned pãnga.*+
23 Nin-wẽng na n soos n deega noor-madgre,sẽn na yɩl n kao bʋʋd kɛgre.+
24 Sẽn tar-a yam-vẽenem sẽn baood yaa yam bala,la yalem nin geta dũniyã kɩremsã fãa.+
25 Biig sẽn yaa yalem kɩtdame t’a ba paam sũ-sãanga,la a kõt a ma sũ-toogo.*+
26 Fo sã n sɩbg nin-tɩrga,* pa sõma ye.Fo sã n pãb neb sẽn zems ne waoogr me ne kalwaase, pa zems ye.
27 Ned sẽn tar yam gũusda ne a goama.+Yam-vẽenem soab na n sĩnda a noore.+
28 Yalem meng sã n sĩnd a noore, b na n tagsame t’a yaa yam soaba.B na n tagsame tɩ sẽn mumd-a a noor yaa yam-vẽenem soaba.
Vẽnegr toor-toore
^ Ebre, “maand.”
^ Bɩ, “bãan.”
^ Ebre, “Maandã.”
^ Bɩ, “Roagdbã.”
^ Ebre, “kom-dibli wã.”
^ Bɩ, “nin-kãseng.”
^ Bɩ, “Gom-sõma.”
^ Bɩ, “yaa kugr sẽn wat ne lohorem.”
^ Ebre, “sẽn lut beegr.”
^ Yaa we-rũng sẽn tar nao a naas n yaa bedre, t’a noorã wõnd baag noore.
^ Ebre, “pa tar sũur.”
^ Ebre, “pa na n yã sẽn sõmb ye.”
^ Bɩ, “kʋɩɩsda kõaba.”
^ Ebre, “toogo.”
^ Bɩ, “n dogl nin-tɩrg yaoodo.”
