Yel-bũnã sebre 13:1-25
13 Biig sẽn tar yam sakda a ba kiblgu,+la nin-yaand pa kelgd tãsg* ye.+
2 Ned goam* maasem yĩnga, a na n dɩɩ rɩ-noodo,+la zãmb soab raab* yaa nen-kɛglem tʋʋm bala.
3 Sẽn gũusd-a ne bũmb ning a sẽn yet* kogenda a vɩɩm,*+la sẽn yaagd-a a noor yaleng na n wãa a menga.+
4 Kʋɩɩm tara raab wʋsgo, la a* pa tar baa fʋɩ ye.+La ned* ning sẽn tʋmd sõma na n paamame tɩ seke.*+
5 Nin-tɩrg kisa zirẽ-beedo,+la nin-wẽng tʋʋm-tʋmdɩ wata ne yãnd la paoogre.
6 Tɩrlem kogenda ned ning sẽn pa tar yelle,+la wẽnem lubda yel-wẽn-maanda.
7 Ned n be n maand wa a yaa arzɛk soaba, n yaool n pa tar baa fʋɩ ye.+Ned me n be n maand wa a yaa naong soaba, n yaool n tar paoong wʋsgo.
8 Ned kõta a arzɛk n fãag a vɩɩm,*+la sã n yaa ne naong rãmbã, b pa kẽesd-b rabeem meng ye.*+
9 Nin-tɩrsã vẽenem yãgda sõma,*+la b na n kiisa nin-wẽnsã fɩtlã.+
10 Wuk-m-meng wata ne zab bala,+la neb nins sẽn baood saglsã* tara yam.+
11 Paoong b sẽn paam zĩig pʋgẽ na n yẽnegame,+la sẽn tigsd-a paoong bilf-bilf* paoong na n paasame.
12 Ned sã n gũud bũmb* tɩ kaoosd n pa watẽ, sãamda a sũuri,+la ned raab sã n pidsi, yaa wa vɩɩm tɩɩga.+
13 Ned ning fãa sẽn paoogd zãmsg* na n yaoo beegr yaoodo,+la sẽn sakd-a noor na n paama keoore.+
14 Yam soab zãmsg* yaa wa vɩɩm ko-bundg zĩiga,+n kɩtdẽ tɩ ned gind kũum bẽdse.
15 Ned sẽn tar yam wʋsg tata a taabã yam,la zãmb dãmbã sor tũub yaa toogo.
16 Gũus-m-meng soab tʋmda ne bãngre,+la yalem vẽnegda a mengã yalemdo.+
17 Koe-taasd sẽn yaa nin-wẽng lʋɩta yell pʋgẽ,+la tẽn-tʋmd sẽn maand sɩd wata ne yolsgo.+
18 Ned ning fãa sẽn maand a toog kae ne kiblg lʋɩta naong la yãnd pʋgẽ,la sẽn sakd-a remsg na n paama pẽgre.+
19 Ned* raab sã n wa pidsi noom-a lame,+la yalembã kisa b sẽn na n zãag b mens ne wẽnga.+
20 Sẽn kẽnd-a ne yam dãmb na n lebga yam soaba,+la sẽn tũud-a yalemb na n paama zu-loeese.+
21 Yel-beed pʋgda yel-wẽn-maandbã,+la nin-tɩrsã keoor na n yɩɩ wʋsgo.+
22 Nin-sõng basda rogem-pʋɩɩr n kõ a yagense,la b na n bĩnga yel-wẽn-maand paoong nin-tɩrg yĩnga.+
23 Naong soab pʋʋg sẽn ko womda wʋsgo,la tɩrlem kaalem yĩnga, b tõe n wa kãaga koodã n looge.*
24 Ned ning fãa sẽn pa kibind* a biig kis-a lame,+la sẽn nong-a a biig kibind-a-la sõma.*+
25 Nin-tɩrg rɩtame n tɩgda,+la nin-wẽng pʋg yaa vɩʋʋgo.+
Vẽnegr toor-toore
^ Bɩ, “remsg.”
^ Ebre, “noor.”
^ Bɩ, “sɩɩg.”
^ Ebre, “ne a noor.”
^ Bɩ, “sɩɩga.”
^ Bɩ, “a sɩɩgã.”
^ Bɩ, “sɩɩg.”
^ Ebre, “na n nobame.”
^ Bɩ, “sɩɩga.”
^ Ebre, “wʋmd tãsg ye.”
^ Ebre, “kɩdemda sũ-noogo.”
^ Bɩ, “sẽn yẽsd ne taabã.”
^ Ebre, “tigsd-a ne nug.”
^ Bɩ, “n saagdẽ.”
^ Bɩ, “gomdã.”
^ Bɩ, “noor.”
^ Bɩ, “Sɩɩg.”
^ Bɩ, “kʋ-a lame.”
^ Bɩ, “sɩbgd. Talld rasaar n kibl.”
^ Pa rẽ bɩ, “tao-tao.”
