Yel-bũnã sebre 4:1-27
4 M kamba, kelg-y ba kiblgu.+Maag-y y yĩng n kelg n paam bãngre,
2 bala mam na n kõ-y-la sagls sẽn yaa sõma.Ra bas-y mam zãmsgã* ye.+
3 Mam yɩɩ m ba wã bi-sõngo,+la biig m ma wã sẽn da nong wʋsgo.+
4 M ba wã zãmsa maam n yeel yaa: “Bɩ f bĩng m goamã f sũurẽ wã sõma.+
Tũ mam noyã n kell n vɩɩmde.+
5 Bao yam la f bao bãngre.+
Ra yĩm bũmb nins mam sẽn yetã ye. Ra lak n bas-b ye.
6 Ra bas yam t’a na n kogl-f lame.
Nong-a t’a na n gũ-f lame.
7 Yam n yaa bũmb ning sẽn tar yõod n yɩɩdã.*+ Woto wã, bao yam,la f bao bãngr+ n paas bũmb nins fãa fo sẽn paamã.
8 Nan yam wʋsg t’a na n zẽka foo.+
A na n waooga foo, fo sẽn mobg-a kãn-kãe wã yĩnga.+
9 A na n ninga nag-teoog sẽn yaa neer fo zugẽ wã.A na n nagsa foo ne maanf sẽn yaa neere.”
10 M biiga, kelg mam goamã la f sake,tɩ f yõorã yɩ woko.+
11 Mam na n wilga foo yamã sore.+Mam na n wilga foo sor tɩrlmã so-bugsã zutu.+
12 Fo sã n wa kẽnda, bũmb kõn gɩdg f kẽn ye.Fo sã n zoetẽ, fo kõn lak n lʋɩ ye.
13 Gãd kiblgu, la f ra bas-a t’a loog ye.+
Bĩng-a neere, bala a yaa vɩɩm fo yĩnga.+
14 Ra rɩk nin-wẽnsã sore,la f ra kẽn neb nins sẽn maand wẽngã sor zug ye.+
15 Zãag ne-a la f ra rɩk-a ye.+Lak n bas-a, n gil n looge.+
16 Bala b sã n pa maan wẽnga, b pa tõe n gũs ye.
B sã n pa maan tɩ ned lʋɩ, b gõeemã menemdame.
17 B rɩta wẽnemã rɩɩbo,*la b yũud nen-kɛglmã divẽ.
18 La nin-tɩrsã sor yaa wa zĩ-yẽegr vẽenemsẽn paasd bilf-bilfu, hal tɩ zĩigã wa yẽeg zãngã.+
19 Nin-wẽnsã sor yaa wa lika.B pa mi bũmb ning sẽn kɩt tɩ b lagsdẽ wã ye.
20 M biiga, maag-f yĩng n kelg mam goamã.Kelg* mam sẽn yetã neere.
21 Ra bas b gesg ye.Bĩng-b hal f sũurẽ wã,+
22 bala b yaa vɩɩm neb nins sẽn paamd-bã yĩnga,+la b kõt b yĩnsã tõr* laafɩ.
23 Bũmb nins fãa fo sẽn segd n koglã sʋka, f sũurã la f segd n kogl n yɩɩda,+bala yaa be la vɩɩmã yita.
24 Zãag f meng ne zirẽ-be-goama,+la f zãag f meng ne zãmb goama.
25 Fo ninã segd n gesa tɩrga.Tees f nengã f taoor tɩrga.+
26 Maneg f naoã sore.*+Woto, fo soayã fãa na n yɩɩ sõma.
27 Ra bʋdg n kẽng goabg wall rɩtg ye.+
Zãag f naoã ne sẽn yaa wẽnga.
