Yel-bũnã sebre 1:1-33
1 Ad a Davɩɩd+ biig a Salomo+ sẽn yaa Israyɛll rĩmã+ yel-bũnã:
2 B gʋlsa yel-bũn-kãensã sẽn na yɩl tɩ ned tõe n paam* yam,+ kiblgu,t’a wʋm yam goam võore,
3 t’a paam kiblg+ sẽn kɩtd t’a paam yam-vẽenem,tɩrlem,+ n bãng n yãk sẽn yaa tɩrga,+ la a yɩ pʋ-peelem soaba,
4 la sẽn na yɩl tɩ ned sẽn pa tar minim zãms gũus-m-menga,+tɩ bi-bɩɩg me paam bãngre, la a tõe n tags sõma.+
5 Yam soab kelgdame n paam bãngr n paase.+Sẽn tar-a bãngr paamdame tɩ ned sẽn tar minim wilg-a sore,*+
6 t’a tõe n wʋm yel-bũnd võore, gomd võor wʋmb sẽn yaa toogo,yam dãmb goama, la goam b sẽn gom ne pagd võore.+
7 A Zeova zoees yaa bãngr sɩngre.+
Yaa yalembã bal n paoogd yam la kiblgu.+
8 M biiga, kelg f ba wã kiblgu,+la f ra bas f ma wã sẽn zãms foo bũmb ningã* me ye.+
9 B yaa wa maanf sẽn yaa neer fo zugã yĩnga,+la nag-teoog sẽn yaa neer f yublã yĩnga.+
10 M biiga, yel-wẽn-maandb sã n wa rat n kʋɩɩb-fo, bɩ f ra sak ye.+
11 B sã n yeel yaa: “Wa tũ tõndo.
Bɩ d solg n paam zɩɩm n daage.
Tõnd na n solgame, n gũ neb sẽn pa tar yell n kʋ zaalem yĩnga.
12 Tõnd na n vel-b-la vɩɩs wa Yaoogã* sẽn vend to-to wã.Tõnd na n vel-b-la zãnga, wa neb nins sẽn sigd bokẽ wã.
13 Bɩ d rees b bõn-sõma wã fãa.Tõnd na n pidsa d rotã ne te-zɛɛdem.
14 Fo segd n wa naaga tõndo.*D na n pʋɩɩ bũmb nins d sẽn na n zu wã tɩ zems taaba.”*
15 M biiga, ra pʋg-b ye.
Zãag f naoã ne b sorã,+
16 bala b naoã zoetame n na n tɩ maan wẽnga.B yãgdame n na n daag zɩɩm.+
17 Fo sã n bẽt bẽdg tɩ liuul getẽ, yaa zaalem.
18 Yaa rẽ yĩng la nin-kãensã sẽn solgd n na n paam zɩɩm n daagã.B solgame n na n yãk neb a taab yõya.*
19 Neb nins sẽn baood zãmb paoongã manesem yaa woto.La zãmb paoongã na n wẽneg n yãka neb nins sẽn paamd-a wã yõya.*+
20 Yam hakɩɩkã+ bee sorã zug n zẽk a koɛɛg n kelemdẽ.+
A zẽkda a koɛɛg zãma wã zĩisẽ.+
21 A bee soay nins nebã sẽn tũud wʋsgã sotiisẽ,* n zẽk a koɛɛg n boondẽ.
A bee tẽngã rignoyẽ n yetẽ:+
22 “Yãmb a neb nins sẽn pa tar yam, y na n nonga yalemd hal tɩ ta dabʋre?
Yãmb a nin-yaandba, y na n nonga neb yaalg hal tɩ ta dabʋre?
Yãmb a yalemba, y na n kisga bãngr hal tɩ ta dabʋre?+
23 Sak-y mam remsgã.*+
Dẽ, mam na n kõo yãmb yam.*Mam na n kɩtame tɩ y bãng mam goamã.+
24 Bala mam zẽka m koɛɛg n boole, la yãmb kell n zãgsame tɩ y kõn kelg ye.Mam tẽega m nugu, la ned baa a ye ra pa get ye.+
25 Yãmb kell n maana y toog kae ne m saglsã fãa,la y zãgs mam remsgã.
26 Yel-beed sã n wa paam yãmba, ma-me na n laame.Bũmb ning y sẽn yɛɛsdã sã n wa, mam na n yaala yãmba.+
27 Bũmb ning y sẽn yɛɛsdã sã n wa wala sa-kẽenga,yãmb yel-beedã sã n wa wala sob-kãsenga,toog la sũ-sãang sã n paam yãmba, mam na n yaala yãmba.
28 Wakat kãnga, b na n boonda maam, la m pa na n leok ye.B na n gẽesa maam ne b sũy fãa, la b pa na n yã maam ye.+
29 Bala b kisga bãngre.+B pa yãk yam n na n zoe a Zeova ye.+
30 B zãgsa mam saglgã.B paooga mam remsgã zãnga.
31 Rẽ n so tɩ b manesmã biis na n wa b zutu.*+B mensã saglg* sẽn wa ne biis ninsã fãa na n nams-b lame.*
32 Sẽn pa tar-b yamã kɩɩsgã n na n kʋ-ba.Yalembã sek-m-mengã n na n sãam-ba.
33 La sẽn kelgd-a maam na n zĩnda bãane.+A na n zĩnda bãane, n pa yɛɛsd yel-beed ye.”+
Vẽnegr toor-toore
^ Ebre, “bãng.”
^ Bɩ, “paamda sagl-sõma.”
^ Bɩ, “noor.”
^ Ges-y gom-biis võor bilgrã zĩigẽ.
^ Bɩ, “Naag tõnd n maan bãnde.”
^ Bɩ, “D na n talla korg a yembre.”
^ Bɩ, “sɩɩse.”
^ Bɩ, “sɩɩse.”
^ Ebre, “zugu.”
^ Bɩ, “Mam sã n wilg-y y kongr bɩ y toeeme.”
^ Ebre, “mam vʋʋsmã.” Tõe tɩ yaa yam ning Wẽnnaam vʋʋsmã sẽn kõtã.
^ Ebre, “tɩ b na n dɩ b manesmã biisi.”
^ Bɩ, “sɩlem, magb.”
^ Bɩ, “dɩ-b lame.”