Ti Maikadua a Samuel 22:1-51

  • Idaydayaw ni David ti Dios gapu kadagiti panangisalakanna (1-51)

    • “Ni Jehova ti dakkel a bato a paglemmengak” (2)

    • Napudno ni Jehova kadagiti napudno kenkuana (26)

22  Dagitoy ti inkanta ni David+ ken Jehova idi aldaw nga inispal ni Jehova iti amin a kabusorna+ ken iti ima ni Saul.+  Kinunana: “Ni Jehova ti dakkel a bato a paglemmengak ken natalged a pagkamangak+ ken Mangispal kaniak.+   Ti Diosko ti dakkel a bato+ a pagkamangak,Ti kalasagko+ ken sara* ti pannakaisalakanko,* ti natalged a pagkamangak+Ken lugar a paglemmengak,+ ti mangisalakan kaniak;+ ti mangsalbar kaniak iti kinaranggas.   Umawagak ken Jehova a maikari a maidaydayaw,Ken mangisalakan kaniak kadagiti kabusorko.   Dagiti dalluyon ni patay ti nangsabbuag kaniak;+Kasla layus dagiti awan serserbina a tattao a nangbutbuteng kaniak.+   Dagiti tali ni Tanem* pinulipolandak;+Ni patay siniluannak.+   Immararawak ken Jehova idi agrigrigatak,+Iti Diosko kanayon nga immawagak. Manipud iti templona nangngegna ti timekko,Impangagna ti panagpaarayatko.+   Nagginggined ken nagunggon ti daga;+Dagiti pundasion ti langit nadayyegda+Ket gapu iti pungtotna, nagkintayegda.+   Rimmuar ti asuk iti agongna,Rimmuar ti mangibus nga apuy iti ngiwatna;+Rimmuar kenkuana dagiti dumardarang a beggang. 10  Pinagbayukyokna ti langit bayat nga immulog,+Ket simmipnget ti sirok dagiti sakana.+ 11  Nagsakay iti kerubin+ ket nagtayab nga immay. Isu ket makita kadagiti payak ti maysa nga anghel.*+ 12  Lininonganna ti bagina iti kinasipnget,+Kadagiti nalibeg a danum ken napuskol nga ulep. 13  Gimmil-ayab dagiti dumardarang a beggang gapu iti kinaraniagna. 14  Manipud idiay langit, naggurruod ni Jehova;+Impangngeg ti Kangatuan ti timekna.+ 15  Imbiatna dagiti panana+ ket nawarawarada;Pinagkimatna isu a napabutngan ken nagtatarayda.+ 16  Makitkitan ti lansad ti baybay;+Nalukasan dagiti pundasion ti daga gapu iti panangtubngar ni JehovaKen iti kinapigsa ti anges a naggapu iti abut ti agongna.+ 17  Manipud iti ngato, ginaw-atnak;Ket iti adalem a dandanum, ginuyod ken inalawnak.+ 18  Insalakannak iti napigsa a kabusorko,+Manipud kadagiti manggurgura kaniak a napigpigsa ngem siak. 19  Dinarupdak idi nadidigraak,+Ngem ni Jehova tinulongannak. 20  Natalged a disso* ti nangipananna kaniak;+Insalakannak gapu ta maragsakan kaniak.+ 21  Gunggonaannak ni Jehova gapu iti kinalintegko;+Subadannak gapu iti kinaawan basol* dagiti imak.+ 22  Ta sinurotko dagiti dalan ni Jehova,Ket diak pinanawan ti Diosko, ta pagdaksak dayta. 23  Tungtungpalek ti amin a pangngeddengna;+Saankonto a sukiren dagiti paglinteganna.+ 24  Agtalinaedak nga awan pakababalawanna+ iti sanguananna,Ken kanayon nga agannadak tapno diak makabasol kenkuana.+ 25  Gunggonaannak koma ni Jehova gapu iti kinalintegko,+Gapu ta iti imatangna, awan basolko.+ 26  Napudnoka kadagiti napudno kenka;+Awan pakababalawan ti pannakilangenmo iti nabileg a tao nga awan pakababalawanna;+ 27  Kadagidiay nadalus, ipakitam a nadaluska,+Ngem kadagidiay nakillo, ipakitam a masiribka.*+ 28  Ta isalakanmo dagiti napakumbaba,+Ngem busorem dagiti natangsit ket ipababam ida.+ 29  Ta sika, O Jehova, ti silawko;+Ni Jehova ti manglawag iti nasipnget nga aglawlawko.+ 30  Gapu iti tulongmo, malisiak dagiti rumaut;Babaen ti pannakabalin ti Dios, malagtok ti pader.+ 31  Ti dalan ti pudno a Dios ket perpekto;+Dagiti sasao ni Jehova ket nasudi.+ Isu ket kalasag kadagiti amin nga agkamang kenkuana.+ 32  Ta asino ti Dios no di laeng ni Jehova?+ Ken asino ti dakkel a bato malaksid iti Diostayo?+ 33  Ti pudno a Dios ti nabileg a pagkamangak,+Ket pagbalinenna ti dalanko a nalinteg.+ 34  Paglagtuennak a kas iti ugsa;Pagtakderennak kadagiti narangkis a disso.+ 35  Sansanayenna dagiti imak a makigubat;Mapilko dagiti takiagko ti gambang a bai ti pana. 36  Itedmo kaniak ti kalasagmo tapno maisalakanak,Ket ti kinapakumbabam ti mangitan-ok kaniak.+ 37  Palawaem ti dalan a pagnaak;Saanto a maigalis dagiti sakak.*+ 38  Kamatekto dagiti kabusorko ket patayek amin ida;Saanakto nga agsubli agingga a maibusda. 39  Pukawek ken rumekekto ida, tapno didan makabangon;+Mataydanto ket baddekekto ida. 40  Papigsaennak a makigubat;+Tumbaem dagiti kabusorko iti sanguanak.+ 41  Pagatrasem dagiti kabusorko tapno adaywandak;+Dadaelekto* dagiti gumurgura kaniak.+ 42  Agpatulongda, ngem awan ti mangisalakan kadakuada;Agpaarayatda pay ken Jehova, ngem dina sungbatan ida.+ 43  Tumekekto ida a kas iti kapino ti tapok ti daga;Pulbosek ken payatpayatek ida a kas iti pitak iti kalsada. 44  Isalakannak kadagiti kailiak nga agbirbirok laeng iti kamali.+ Salaknibannakto tapno agbalinak a panguluen dagiti nasion;+Agserbinto kaniak dagiti tattao a diak am-ammo.+ 45  Umayto kaniak dagiti ganggannaet gapu iti butengda;+Agtulnogdanto gapu kadagiti mangngegda maipapan kaniak.* 46  Mapukawto ti tured* dagiti ganggannaet;Rummuardanto kadagiti nagkamanganda ket umayda nga agtigtigerger. 47  Sibibiag ni Jehova! Maidaydayaw koma ti Dakkel a Bato a pagkamangak!+ Maitan-ok koma ti Dios, ti dakkel a bato a pakaisalakanak.+ 48  Ti pudno a Dios ti agibales para kaniak;+Parmekenna dagiti tattao nga iturturayak;+ 49  Isalakannak kadagiti kabusorko. Ipannak iti ngatuen+ dagiti mangdarup kaniak;Salbarennak iti naranggas a tao.+ 50  Isu nga agyamanakto kenka, O Jehova, kadagiti nasion,+Ket agkantaakto iti panangidaydayaw* iti naganmo:+ 51  Naindaklan dagiti ar-aramidenna a panangisalakan* para iti arina;+Ipakpakitana ti napudno nga ayat iti dinutokanna,Ken David ken kadagiti annakna* iti agnanayon.”+

Footnotes

Kitaem ti Glosario.
Wenno “nabileg a mangisalakan kaniak.”
Wenno “Sheol,” kayatna a sawen, simboliko a pagtungpalan dagiti natay. Kitaem ti Glosario.
Wenno “ti angin.”
Wenno “Nalawa a lugar.”
Lit., “kinadalus.”
Wenno mabalin nga, “agtignayka a kasla ampang.”
Wenno “lipaylipayko.”
Lit., “Pagulimekekto.”
Lit., “No mangngeg dagiti lapayagda, agtulnogdanto kaniak.”
Wenno “Maawanto.”
Wenno “agputarakto iti musika.”
Wenno “Naindaklan ti panagballigina.”
Lit., “bin-ina.”