Malaki 4:1-6

  • Kuja kwa Eliya kabla ya siku ya Yehova (1-6)

    • “Jua la uadilifu litawaangazia” (2)

4  “Kwa maana tazama! siku inakuja inayowaka kama tanuru,+ wakati ambapo wote wenye kimbelembele na wote wanaotenda uovu watakuwa kama majani makavu. Siku hiyo inayokuja kwa hakika itawateketeza,” asema Yehova wa majeshi, “nayo haitawaachia mzizi wala tawi. 2  Lakini ninyi mnaoliheshimu* jina langu, jua la uadilifu litawaangazia likiwa na miale inayoponya;* nanyi mtaruka huku na huku kama ndama waliononeshwa.” 3  “Nanyi mtawakanyaga-kanyaga waovu chini ya miguu yenu, kwa sababu watakuwa kama mavumbi chini ya nyayo zenu siku nitakayochukua hatua,” asema Yehova wa majeshi. 4  “Kumbukeni Sheria ya Musa mtumishi wangu, masharti na maamuzi niliyoamuru kule Horebu ili Waisraeli wote wayatii.+ 5  “Tazama! Namtuma kwenu nabii Eliya+ kabla haijaja ile siku kuu ya Yehova yenye kuogopesha.+ 6  Naye ataigeuza mioyo ya akina baba iwarudie wana,+ na mioyo ya wana iwarudie akina baba, ili nisije na kuipiga dunia, na hivyo kuiangamiza.”

Maelezo ya Chini

^ Tnn., “mnaoliogopa.”
^ Tnn., “mabawa yanayoponya.”

Haki za kunakili za chapisho hili