CHIDZIDZO 04
Mwari Ndiani?
Kubvira kare kare, vanhu vagara vachinamata vanamwari navanamwarikadzi vakawanda. Asi Bhaibheri rinotaura nezvaMwari “mukuru kupfuura vamwe vanamwari vese.” (2 Makoronike 2:5) NdiMwari upi iyeye? Uye chii chinoita kuti ave mukuru kupfuura vamwe vanamwari vese vanonamatwa nevanhu? Muchidzidzo chino, uchaona kuti Mwari iyeye anoda kuti uzive nezvake.
1. Zita raMwari ndiani, uye tingava sei nechokwadi chekuti anoda kuti tirizive?
Mwari anotiudza nezvake muBhaibheri. Anoti: “Ndini Jehovha. Ndiro zita rangu.” (Verengai Isaya 42:5, 8.) Zita rekuti “Jehovha” kuturikirwa kwezita rechiHebheru rinogona kunge richireva kuti “Anoita Kuti Zviitike.” Jehovha anoda kuti tizive zita rake. (Eksodho 3:15) Tinozviziva sei izvozvo? Akaita kuti zita rake rinyorwe muBhaibheri kanopfuura ka7 000! a Zita rekuti Jehovha nderaMwari “wechokwadi kudenga kumusoro nepanyika.”—Dheuteronomi 4:39.
2. Bhaibheri rinotidzidzisei nezvaJehovha?
Bhaibheri rinoti pavanamwari vese vanonamatwa nevanhu, Jehovha ndiye ega Mwari wechokwadi. Nei richidaro? Pane zvikonzero zvakati kuti. Jehovha ndiye ane simba pazvinhu zvese, ndiye ega “Wekumusorosoro, kumusoro kwenyika yese.” (Verengai Pisarema 83:18.) Ndiye “Wemasimbaose,” zvichireva kuti ane simba rekuita chero zvaanoda. Ndiye “akasika zvinhu zvese,” zviri kudenga nepanyika. (Zvakazarurwa 4:8, 11) Jehovha akasiyana nevamwe vese pakuti agara ariko, uye acharamba ariko nekusingaperi.—Pisarema 90:2.
WEDZERA KUONGORORA
Ongorora musiyano uri pakati pemazita anoshandiswa pakuremekedza Mwari nezita rake chairo. Uchaonawo kuti nei akakuudza zita rake uye kuti akazviita sei.
3. Mwari ane mazita akawanda ekuremekedza, asi rake chairo nderimwe chete
Kuti uone kuti zita remunhu rekuremekedza rakasiyana papi nezita rake chairo, ngationei VHIDHIYO, tobva takurukura mubvunzo unotevera:
-
Musiyano upi uri pakati pezita rekuremekedza rakadai serekuti “Ishe,” nezita chairo?
Bhaibheri rinoti vanhu vanonamata madzishe navanamwari vakawanda. Verengai Pisarema 136:1-3, mobva makurukura muchishandisa mubvunzo unotevera:
-
Ndiani “Mwari wavanamwari” uye “Ishe wemadzishe”?
4. Jehovha anoda kuti uzive uye ushandise zita rake
Chii chinoratidza kuti Jehovha anoda kuti uzive zita rake? Ngationei VHIDHIYO, tobva takurukura mibvunzo inotevera:
-
Unofunga kuti Jehovha anoda kuti vanhu vazive zita rake here? Nei uchidaro?
Jehovha anoda kuti vanhu vashandise zita rake. Verengai VaRoma 10:13, mobva makurukura muchishandisa mibvunzo inotevera:
-
Nei zvichikosha kushandisa zita raMwari rekuti Jehovha?
-
Unonzwa sei kana mumwe munhu akakuyeuka okushevedza nezita rako?
-
Unofunga kuti Jehovha anonzwa sei paunoshandisa zita rake?
5. Jehovha anoda kuti uve pedyo naye
Mukadzi wekuCambodia anonzi Soten akati “hapana chinofadza kupfuura” kuziva zita raMwari. Ngationei VHIDHIYO, tobva takurukura mubvunzo unotevera:
-
Muvhidhiyo iyi, waona here kuti kuziva zita raMwari kwakaita kuti Soten aitei?
Usati watanga kushamwaridzana nemumwe munhu, unowanzotanga waziva zita rake. Verengai Jakobho 4:8a, mobva makurukura muchishandisa mibvunzo inotevera:
-
Jehovha anoda kuti uitei?
-
Kuziva uye kushandisa zita raMwari kuchakubatsira sei kuti uswedere pedyo naye?
VAMWE VANOTI: “Kunongova naMwari mumwe chete, saka hazvina basa kuti unomushevedza nezita ripi.”
-
Unobvuma here kuti zita raMwari ndiJehovha?
-
Unofunga kuti nei Mwari achida kuti tishandise zita rake?
PFUPISO
Jehovha ndiro zita raMwari mumwe chete wechokwadi. Anoda kuti tizive uye tishandise zita rake kuti tive pedyo naye.
Kudzokorora
-
Jehovha akasiyana papi nevamwe vanamwari vese vanonamatwa nevanhu?
-
Nei tichifanira kushandisa zita raMwari?
-
Chii chinoratidza kuti Jehovha anoda kuti tiswedere pedyo naye?
WEDZERA PANE ZVAWADZIDZA
Ongorora zvikonzero zvishanu zvinoratidza kuti Mwari ariko.
Ona zvikonzero zvinobudisa pachena kuti Mwari agara ariko.
Dzidza kuti nei tichifanira kushandisa zita raMwari, kunyange zvazvo tisingazive kuti raishevedzwa sei kare.
Zvine basa here kuti tinoshevedza Mwari nezita ripi? Ona kuti nei tichiti ane zita rake chairo rimwe chete.
a Kuti unzwe zvakawanda nezvekuti zita raMwari rinorevei uye kuti nei mamwe maBhaibheri asina zita iroro, ona chikamu chakanzi Mashoko Ekuwedzera A4 muBhaibheri reShanduro yeNyika Itsva.
Zvimwe Zvaunogona Kufarira
MIBVUNZO INONYANYA KUBVUNZWA
Kosi yeBhaibheri Inoitiswa neZvapupu zvaJehovha Yakaita Sei?
Paunoita kosi yeBhaibheri inoitiswa neZvapupu zvaJehovha, unogona kushandisa chero Bhaibheri raunaro. Mhuri yako neshamwari vanogona kuvapowo paunenge uchidzidza.
