Enda pane zvauri kuda

Misangano Yeungano yeZvapupu zvaJehovha

Inzwa zvakawanda nezvemisangano yedu. Tsvaga nzvimbo iri pedyo newe inoitirwa misangano.

Yambiro nezveCoronavirus (COVID-19): Nemhaka yechirwere ichi, tava kuita misangano yedu tichionana pamavhidhiyo. Kana uchida kuziva kuti ungapinda sei misangano yedu, bvunza mumwe weZvapupu zvaJehovha kana kuti baya bhatani riri pasi apa.

Tsvaga Nzvimbo Iri Pedyo Newe (opens new window)

Misangano yeZvapupu zvaJehovha Inoitwa Sei?

Zvapupu zvaJehovha zvinoungana kuti zvinamate kaviri pavhiki. (VaHebheru 10:​24, 25) Pamisangano iyi, munhu wese akasununguka kuuya. Tinoongorora zvinotaurwa neBhaibheri uye kuti tingashandisa sei zvarinodzidzisa muupenyu hwedu.

Pamisangano yedu, vateereri vanowana mikana yokutaurawo, sezvinoitwa mukirasi. Misangano inotangwa uye inogumiswa nerwiyo uye munyengetero.

Hazvirevi kuti unofanira kutanga wava mumwe weZvapupu zvaJehovha kuti uzopinda misangano yedu. Tinokoka munhu wese anoda. Munhu unogara pawada uye haubhadhari. Hapana ndiro yemari inofambiswa.