Kuyeuka Rufu rwaJesu
Svondo, 24 March 2024
Kamwe chete pagore, Zvapupu zvaJehovha zvinoyeuka rufu rwaJesu, zvichiteerera murayiro waakapa wekuti: “Rambai muchiita izvi muchindiyeuka.”—Ruka 22:19.
Tinokukoka kuti uzopinda musangano uyu.
Mibvunzo Inonyanya Kubvunzwa
Musangano wacho unotora nguva yakareba sei?
Uchatora ingasvika awa imwe chete.
Uchaitirwa kupi?
Taura neZvapupu zvaJehovha zvekwaunogara kuti uzive kuti vachapindira kupi.
Panobhadhariswa kupinda here?
Kwete.
Panofambiswa ndiro yekukumbira mari here?
Kwete. Zvapupu zvaJehovha hazvifambisi ndiro yekukumbira mari pamisangano yazvo.
Ndinofanira kunge ndakapfeka sei?
Kunyange zvazvo munhu achigona kupfeka zvaanoda, Zvapupu zvaJehovha zvinoedza kutevedzera zano riri muBhaibheri rekupfeka zvine mwero uye zvine ruremekedzo. (1 Timoti 2:9) Haufaniri hako kupfeka sutu kana hembe dzinodhura.
Panenge pachiitwa chii?
Musangano wacho unotanga nerwiyo nemunyengetero wozopedziswazve nerwiyo nemunyengetero. Minyengetero yacho inopiwa nemumwe weZvapupu zvaJehovha. Chinonyanya kukosha imharidzo yeBhaibheri inotsanangura kukosha kwerufu rwaJesu uye kuti tingabatsirwa sei nezvatakaitirwa naMwari naJesu Kristu.
Kuti unzwe zvakawanda, ona nyaya yakanzi “Nei Maitiro Anoita Zvapupu zvaJehovha Chirayiro chaShe Achisiyana Nezvinoitwa Nemamwe Machechi?”
Zvimwe Zvaunogona Kufarira
CHIRANGARIDZO
Kuyeuka Rufu rwaJesu
Tinokukoka kuti uvepowo patichayeuka rufu rwaJesu tichitevedzera zvaakataura. Pamusangano wacho uchadzidza kuti zvakaitwa naJesu uye kufa kwaakaita zvingakubatsira sei.
ESSENTIAL BIBLE TEACHINGS
Jesu Akafirei?
Bhaibheri rinoratidza kuti rufu rwaJesu rwunokosha. Asi akafirei?