Yeremia 21:1-14
21 Yeremia alipokea neno kutoka kwa Yehova wakati Mfalme Sedekia+ alipomtuma kwake Pashuri+ mwana wa Malkiya na Sefania+ mwana wa Maaseya, kuhani, akiomba hivi:
2 “Tafadhali mwombe Yehova ushauri kwa ajili yetu, kwa sababu Mfalme Nebukadneza* wa Babiloni anapigana vita dhidi yetu.+ Labda Yehova atatutendea mojawapo ya matendo yake yanayostaajabisha, ili mfalme huyo atuache na kwenda zake.”+
3 Yeremia akawaambia, “Mwambieni Sedekia hivi:
4 ‘Yehova Mungu wa Israeli anasema hivi: “Tazama, ninazigeuza dhidi yenu* silaha za vita zilizo mikononi mwenu, mnazotumia kupigana na mfalme wa Babiloni+ na Wakaldayo wanaowazingira nje ya ukuta. Nami nitawakusanya katikati ya jiji hili.
5 Na mimi mwenyewe nitapigana nanyi+ kwa mkono ulionyooshwa na kwa mkono wenye nguvu, kwa hasira na kwa ghadhabu na kwa ukali mwingi.+
6 Nitawapiga wakaaji wa jiji hili, mwanadamu na mnyama pia. Watakufa kwa ugonjwa hatari sana.”’+
7 “‘“Baada ya hayo,” asema Yehova, “Nitamtia Mfalme Sedekia wa Yuda na watumishi wake na watu wa jiji hili—wale watakaookoka ugonjwa hatari, upanga, na njaa kali—mikononi mwa Mfalme Nebukadneza* wa Babiloni, mikononi mwa maadui wao na mikononi mwa wale wanaotaka kuwaua.*+ Atawaua kwa upanga. Hatawasikitikia wala kuwahurumia wala kuwaonyesha rehema yoyote.”’+
8 “Nawe utawaambia watu hawa, ‘Yehova anasema hivi: “Tazameni, ninaweka mbele yenu njia ya uzima na njia ya kifo.
9 Wale watakaobaki katika jiji hili watakufa kwa upanga, kwa njaa kali, na kwa ugonjwa hatari. Lakini yeyote atakayetoka na kujisalimisha kwa Wakaldayo wanaowazingira ataendelea kuishi, naye atapata uhai wake* kama nyara.”’*+
10 “‘“Kwa maana nimelikataa* jiji hili nalo litapata msiba wala si mema,”+ asema Yehova. “Litatiwa mikononi mwa mfalme wa Babiloni,+ naye ataliteketeza kwa moto.”+
11 “‘Utawaambia watu wa nyumba ya mfalme wa Yuda: Sikieni neno la Yehova.
12 Enyi watu wa nyumba ya Daudi, Yehova anasema hivi:
“Tekelezeni haki kila asubuhi,Na mtu anayenyang’anywa, mwokoeni kutoka mikononi mwa mtu laghai,+Ili ghadhabu yangu isiwake kama moto+Na kuteketeza bila mtu wa kuuzimaKwa sababu ya matendo yenu maovu.”’+
13 ‘Tazama, niko dhidi yako, ewe mkaaji wa bondeni,*Ewe mwamba wa nchi tambarare,’ asema Yehova.
‘Na wewe unayeuliza: “Ni nani atakayeshuka kupigana nasi?
Na ni nani atakayevamia makao yetu?”
14 Nitakufanya uwajibike*Kulingana na matendo yenu,’+ asema Yehova.
‘Nami nitawasha moto katika msitu wake,Nao utateketeza vitu vyote vinavyomzunguka.’”+
Maelezo ya Chini
^ Tnn., “Nebukadreza,” njia nyingine ya kuandika jina hili.
^ Au “ninawageuzia.”
^ Au “wanaotafuta nafsi yao.”
^ Tnn., “Nebukadreza,” njia nyingine ya kuandika jina hili.
^ Au “nafsi yake.”
^ Au “ataponyoka na uhai wake.”
^ Tnn., “nimeukaza uso wangu dhidi ya.”
^ Au “nchi tambarare ya chini.”
^ Au “Nitakuadhibu.”
