Fanamboarana ny mpamaky efijery

Search

Hifidy fiteny

Ho any amin'ny fizarana anatiny

Ho any amin'ny loha hevitra

Hijery ny anatiny

Vavolombelon’i Jehovah

Malagasy

MIFOHAZA! OKTOBRA 2012

Manàna Risi-po

Manàna Risi-po

Fantaro ny soa azo avy amin’ny zavatra iray, raha te hazoto hanao an’ilay izy ianao.

INONA no soa azo avy amin’ny fianarana? Manampy anao ho hendry izy io, ary milaza ny Baiboly fa “fiarovana ny fahendrena.” (Mpitoriteny 7:12) Nahoana? Andeha hatao hoe mandeha amin’ny toerana iray mampidi-doza ianao. Iza no tianao kokoa: Mandeha irery sa misy namana afaka miaro raha misy zavatra mitranga? Raha mianatra tsara koa ianao, dia hanana “namana” ho azonao ianteherana. Ireto avy izany:

  • Fahaiza-misaina. Manampy anao ho ‘hendry sy hisaina’ tsara ny fianarana. (Ohabolana 3:21) Tena ilaina izany mba hahaizanao hamaha olana samirery, fa tsy hiantehitra foana amin’ny hafa.
  • Fahaizana mifandray amin’ny hafa. Milaza ny Baiboly fa ilain’ny Kristianina ny toetra toy ny fahari-po sy fifehezan-tena. (Galatianina 5:22, 23) Afaka manana an’izany ianao rehefa mifanerasera amin’ny olona isan-karazany any am-pianarana. Hahay handefitra sy hanaja olona ary hangoraka koa ianao. Ilainao ireo toetra ireo rehefa lehibe ianao.
  • Fahalalana. Mianatra miasa mafy ny ankizy any am-pianarana, ka azo inoana kokoa hoe hahazo asa sy haharitra amin’izany. Rehefa mahalala tsara ny tontolo manodidina anao ianao, dia ho fantatrao kokoa ny toetra maha izy anao sy ny hevitra ijoroanao. (Ohabolana 14:15) Ho sahy hiaro ny zavatra inoanao ianao amin’izay, ka hanao izany amim-panajana.—1 Petera 3:15.

Fehiny: Tena mahasoa ny fianarana, ka tsara raha tsy mifantoka amin’ireo zavatra tsy tianao any am-pianarana ianao. Ataovy an-tsaina àry ireo zavatra noresahina teo ka mazotoa mianatra. Mbola mety hahita antony hafa tokony hianarana aza ianao!

Izao atao: Eritrereto hoe inona no tena mahatonga anao hianatra tsara.